పల్లెకు పోదాం పారును చూదాం - దేవదాసు నుండి ఘంటసాల

1953 లో వినోదా వారి సంస్థ నిర్మించిన  దేవదాసు చిత్రం నుండి ఘంటసాల పాడిన పల్లెకుపోదాం పారును చూదాం.  గీత రచన: సముద్రాల సీనియర్, సంగీతం: సి. ఆర్. సుబ్బురామన్. దర్శకత్వం: వేదాంతం రాఘవయ్య. తారాగణం: అక్కినేని, సావిత్రి, ఎస్.వి. రంగారావు, ఆర్. నాగేశ్వరరావు,  సి. ఎస్. ఆర్. ఆంజనేయులు,పేకేటి, లలిత.

	చిత్రం	దేవదాసు-1953
	రచన	సముద్రాల రాఘవాచార్య
	సంగీతం	సి. ఆర్. సుబ్బరామన్
	గానం	ఘంటసాల
	ప.	పల్లెకు పోదాం పారును చూదాం చలో చలో ||2||
		అల్లరి చేదాం చలో చలో	||పల్లెకు||
		ప్రొద్దు వాలే ముందు గానే ముంగిట వాలేమూ	||పల్లెకు||
	చ.	ఆటా పాట లందు కవ్వించు కొంటె కోణంగీ ||2||
		మనసేమో మక్కువేమో..మనసేమో మక్కువేమో
		నగవేమో వగేమో కనులార చూతమూ	||పల్లెకు||
	చ.	నన్ను చూడగానే చిననాటి చనువు చూపేనో ||2||
		నా దరికి దూకునో.. నా దరికి దూకునో
		తానలిగి పోవునో ఏమౌనో చూతమూ	||పల్లెకు||
		ప్రొద్దు వాలే ముందు గానే ముంగిట వాలేమూ
		పల్లెకు పోదాం పారును చూదాం చలో చలో
		అల్లరి చేదాం చలో చలో...ఛలో... ఛలో...