జగ్గయ్య తొలి చిత్రం "ప్రియురాలు" లో జిక్కీ, రావుబాలసరస్వతిలతో మాస్టారి పాట "ఆనందం మన జీవన రాగం"

1952 లో విడుదలైన "ప్రియురాలు" చిత్రం విశేషం ఏమిటంటే, అంతవరకూ తెలుగు శ్రోతలకు తన కంచు కంఠంతో రేడియోలో వార్తలు వినిపించి, "కళా వాచస్పతి" యని వాసికెక్కిన శ్రీ కొంగర జగ్గయ్య గారి తొలి చిత్రం యిది. ఆర్ధికంగా ఈ చిత్రం అంత విజయం సాధించలేదనుకోండి. ఈ చిత్రానికి నిర్మాత శ్రీ దోనేపూడి కృష్ణమూర్తి గారు. ఆయన ఒకప్పుడు "సంసారం" చిత్రానికి సావిత్రి గారిని సూచించారట.  కాని అందులో మరీ చిన్నవేషం అవడం వలన సావిత్రి గారు నటించలేదు. అయితే తన స్వతంత చిత్రంలో ఆమెకు ప్రధాన పాత్ర ఇస్తానని వాగ్దానం చేసి, తరువాత తన తొలి  చిత్రమైన "ప్రియురాలు" లో సావిత్రికి ముఖ్యమైన భూమికను ఇచ్చారట.  ఈ చిత్రానికి కథ, మాటలు, దర్సకత్వం వహించినది ప్రముఖ హేతువాది, జర్నలిస్టు శ్రీ త్రిపురనేని గోపీచంద్ గారు. శ్రీ గోపీచంద్ గారు కథా, నవలా రచయితా, సాహితీవేత్త, స్క్రీన్ ప్లే రచయిత. వీరి రచన "పండిత పరమేశ్వర శాస్త్రి వీలునామా" కు జాతీయ సాహిత్య అవార్డు లభించినది. అంతే కాక వీరి శతజయంతి సందర్భంగా ఆయన చేసిన గణనీయమైన సాహిత్యసేవకు గుర్తుగా వారి పేరు మీద భారత తంతి తపాలా శాఖ వారు  తపాలాముద్ర (postage stamp) ను విడుదల చేసారు.  హీరోయిన్ గా సావిత్రి, సహాయ పాత్రలో కృష్ణకుమారి నటించిన ఈ చిత్రంలో ఘంటసాల మాస్టారు ఐదు పాటలు పాడారు. కాని అందులో రెండే లభ్యమవుతున్నాయి. వీటిలో ఆశా-నిరాశల నేపథ్యంలో అనిసెట్టి గారు రచించిన "ఆనందం మన జీవన రాగం" అనే గీతాన్ని శ్రీమతి జిక్కీ, లలిత సంగీత సామ్రాజ్ఞి శ్రీమతి రావు బాలసరస్వతి గార్లతో మాస్టారు గానం చేసారు.  ప్రధానంగా సంగీత దర్శకులు సాలూరు వారైనప్పటికీ ఆరోజులలో సహాయ దర్శకులకు కూడా సమాన హోదా కలిగించే ఉదారత మనకు కనిపిస్తుంది. ఈ పాట యొక్క శ్రవణ, సాహిత్యాలను ఇక్కడ పొందుపరుస్తున్నాను.

ఆడియో మూలం: ఘంటసాల గాన చరిత

      ఘంటసాల            జిక్కీ           రావు బాలసరస్వతి

చిత్రం:                 ప్రియురాలు (1952)

రచన:                 అనిసెట్టి సుబ్బారావు

సంగీతం:              ఎస్.రాజేశ్వరరావు, అద్దేపల్లి రామారావు,

                        బి.రజనీకాంతరావు

గానం:                 ఘంటసాల, రావు బాలసరస్వతి, జిక్కి

జిక్కి:                  ఆ..ఆ..ఓ..ఓ..లలలలలా లలలా

ఘంటసాల:           లలలలలా లలలా

జిక్కి:                  లలలలలా లలలా

ఇద్దరు:                ఆనందం మన జీవన రాగం,

                        జీవన రాగం, మన జీవన రాగం                            | ఆనందం |

జిక్కి:                  ఆశలు నింపే సుమసుందరినై అందను నీకోయి           | ఆశలు |

ఘంటసాల:           సూర్య కాంతినై, సుధామూర్తినై

                        సోకెద నీ పైన, సుఖమే మనదైనా                          | సూర్య |

ఇద్దరు:                ఆనందం మన జీవనరాగం, జీవనరాగం

                        మన జీవనరాగం

బాలసరస్వతి:        కటిక చీకటి కలలే గుండెకు కాంతి రేఖ దిగి రాదా

                        కాంతి రేఖ దిగి రాదా

                        పసిపాపే యే పాపమెరుగదే పలుకరించు దయలేదా

జిక్కి:                  మెరుపు చూపుల, కురియు వలపుల మేఘం నేనైతే... | మెరుపు |

                        నేనే పరిగెడితే

ఘంటసాల:           నీ సొగసంతా కొల్లగొందునే...ఏ..ఏ..                    | నీ సొగసంతా |

                        చల్ల గాలి నేనే, సాగివత్తు నేనే                          | చల్ల గాలి |

బాలసరస్వతి:        కబురైనా వినరాదా, చల్లనీ గాలికైనా దయరాదా

                        ప్రాణమిచ్చీ పూజించే ప్రేమా ధూళి కలసి పోయేనా        | ధూళి |

అదిగో.. జగన్నాథుడాశ్రితావళి -పద్యం, భక్త రఘునాథ్ చిత్రం నుండి

భక్త రఘునాథ్

చిత్రం:        భక్త రఘునాథ్ (1960) చిత్రం నుండి

రచన:         సముద్రాల రాఘవాచార్య

సంగీతం:    ఘంటసాల

గానం:         ఘంటసాల

పద్యం:

        అదిగో.. జగన్నాథుడాశ్రితావళి గావ కొలువు తీర్చెడు గుడిగోపురమ్ము ఆ.. ఆ.. ఆ

        తన పేరుమీద ఇంద్రద్యుమ్న భూపతి యీ తటాకమ్ము త్రవ్వించెనంటా ఆ.. ఆ.. ఆ..

        కనుమీ సరస్సు మార్కండేయముని దయాసారమ్ము సకలార్థ సాధనమ్ము.. ఊ.. ఊ... ఊ..

        రథయాత్రలో సుభద్రారాములను గూడి            | రథయాత్రలో |

        విశ్రాంతిగైకొను విడిది యిదిగో..ఓ..ఓ..

        ఈ మహోదధి నీరాడెనేని పరమ పాపియైనను పొందు కైవల్య పథము

        అఖిలజీవులు ఆశించు అమృతసీమ శరణుజేయుమదే భావి చరణ సీమ ఆ..ఆ..ఆ..