11, ఫిబ్రవరి 2012, శనివారం

1950 లో తిరుమలలో జరిగిన కుంభాభిషేకం, స్వామి సన్నిధిలో మాస్టారు పాడిన శేషశైలావాస -అరుదైన వీడియో

ఈ రోజే మాస్టారి వర్ధంతి. ఆయనకు శ్రీ వేంకటేశ్వరుడే ఆరాధ్య దైవం. ఆ ఏడుకొండల వాని సన్నిధిలో పాడే అదృష్టం చాల అరుదుగా లభిస్తుంది. ఎంతో పుణ్యం చేసుకొని వుండాలి అటువంటి అవకాశం లభించడానికి. ఆ అదృష్టవంతుడు, పుణ్య మూర్తి, గంధర్వ గాయకుడు శ్రీ ఘంటసాల మాస్టారు. అందులో ఆయన ప్రత్యక్షంగా మన కళ్ళకెదురుగా స్వామి సమక్షంలో ఆసీనుడై, గొంతు విప్పి భావ గంభీరంగా పాడిన దృశ్యం ఇది.  ఆయన పాడిన పాటలో తాదాత్మ్యం, తన్మయత్వం ద్యోతకమవుతుంది. కోటి సూర్యుల తేజస్సు, భక్తి భావం ఆ ముఖంలో ప్రస్ఫుటమవుతుంది. తన ఇష్ట దైవమే ఆవహించిన వేంకటేశ్వరుడు, అమర గాయకుడు ఘంటసాల మాస్టారు. ఆ వేంకటేశ్వరుని సన్నిధిలో పాడటం నిజంగా ఆ వెంకటేశ్వర మహాత్మ్యం. ఆ చిత్రంలో మాస్టారు పాడిన ఈ భక్తి పాట విని పులకించని తెలుగు వారుండరు. తిరుమలలో స్వామి వారి కుంభాభిషేకం, బ్రహ్మోత్సవం తదితర సేవలతో పాటు, మాస్టారి పాటను ఈ అరుదైన వీడియోలో చూడవచ్చును. వినండి మరొక్క సారి మాస్టారి మంగళ గళంలో. కనండి ఆ మహనీయుని ప్రత్యక్షంగా స్వామి సన్నిధిలో. అనండి మరొక్కసారి గోవిందాయని ఏక గళంతో.    
రథ సారధులు
ఆత్రేయ      ఘంటసాల   పెండ్యాల
                                              చిత్రం: శ్రీ వెంకటేశ్వర మహాత్మ్యం (1960)
                                              రచన: ఆచార్య ఆత్రేయ
                                              సంగీతం: పెండ్యాల నాగేశ్వర రావు
                                              గానం: ఘంటసాల వెంకటేశ్వర రావు 

                         

                                 ప. శేషశైలావాస శ్రీ వేంకటేశా! 
                                      శయనించు మా అయ్య శ్రీ చిద్విలాసా!
                                      శేషశైలావాస శ్రీ వేంకటేశా!

                           చ.       శ్రీదేవి వంకకు చిలిపిగా చూడకు 
                                      అలమేలు మంగకు అలుక రానీయకు              | శ్రీదేవి వంకకు  |
                                      ముద్దు సతులిద్దరిని ఇరువైపులా జేర్చి             | ముద్దు సతు |
                                      మురిపించి లాలించి ముచ్చటల తేల్చి       
                                               శేషశైలావాస శ్రీ వేంకటేశా!

                           చ.       పట్టు పానుపు పైన పవ్వళించర స్వామి            | పట్టు పానుపు |
                                      భక్తులందరూ నిన్ను ప్రస్తుతించి పాడ               
                                      చిరునగవు లొలుకుచూ నిదురించు నీ మోము  | చిరునగవు |
                                      కరువుతీరా కాంచి తరియింతుము మేము
                                      శేషశైలావాస శ్రీ వేంకటేశా! 
                                      శయనించు మా అయ్య శ్రీ చిద్విలాసా!
                                      శేషశైలావాస శ్రీ వేంకటేశా! 

ఈ రోజు మాస్టారి వర్ధంతి.  
ఏ అమర లోకాలలోనో తన గాంధర్వ గానాన్ని వినిపిస్తుంటారాయన. 
 ఆ మహానుభావుడు మనందరి మనసులలో చిరస్థాయిగా వున్నాడు. ఆయనను మనం ప్రతి రోజూ, ప్రతి సంవత్సరం వెరసి ప్రతి క్షణం గుర్తు చేసుకుంటూనే వున్నాం. ఇక్కడ కొన్ని నేటి జ్ఞాపకాలు , మాస్టారి అమర 'పాట' శాల వ్యాసం ఉన్నాయి. చదవండి.
ఏడు కొండల వాడా! వెంకట రమణా గోవిందా! గోవింద! 

9, ఫిబ్రవరి 2012, గురువారం

సుస్వరశాల "నర్తనశాల" సృష్టించిన స్వర బ్రహ్మ శ్రీ సుసర్ల ఇక లేరు

 శ్రద్ధాంజలి
 స్వరబ్రహ్మ శ్రీ సుసర్ల దక్షిణామూర్తి గారు 
(1921 - 2012)

 సుసర్ల వారి సలలిత రాగ సుధారస సారం
శ్రీ సుసర్ల దక్షిణామూర్తి గారు అనగానే ఎవరికైనా ముందు గుర్తుకి వచ్చేది నర్తనశాల చిత్రం. ఆ చిత్రానికి ఆయన అందించిన మధురమైన బాణీలు మరపు రానివి.  ముఖ్యంగా "సలలిత రాగ సుధారస సారం" మరియు ఎన్నో రసవత్తరమైన ఘంటసాల మాస్టారి పద్యాలు.  మాతృభాష తో నిమిత్తం లేకుండా ఎందఱో నూతన గాయనీ గాయకులను ప్రోత్సహించి, ధైర్యంగా తెలుగు తెరకు పరిచయం చేసిన ఘనత శ్రీ సుసర్ల వారిదే. అటువంటి గొప్ప సంగీత దర్శకులు వారు.  ఆయన పరిచయం చేసిన వారిలో హిందీ - లతా మంగేష్కర్ గారు (సంతానం), తెలుగు - మంగళంపల్లి బాలమురళీకృష్ణ గారు (నర్తనశాల), ఒరియా - రఘునాథ్ పాణిగ్రాహి (ఇలవేల్పు), తమిళ - ఎం.ఎల్.వసంత కుమారి గారు (వచ్చిన కోడలు నచ్చింది), కన్నడ - బెంగుళూరు లత గారు (నర్తనశాల) మొదలయిన వారు. అంతేకాక హీరోలకు పాడే గాయకుల విషయంలో సుసర్ల వారు తీసుకున్న రిస్క్ ఎవరూ తీసుకోలేదు. రామారావు గారు హీరోగా, జగ్గయ్య గారు విలన్ గా నటించిన వీర కంకణం చిత్రంలో ఎ.ఎం.రాజాతో ఎన్.టి. ఆర్.కు, ఘంటసాల గారితో జగ్గయ్యకు, అలాగే ఇలవేల్పు చిత్రంలో ఎ.ఎన్.ఆర్. కు రఘునాథ్ పాణిగ్రాహి గారి చేత "చల్లని రాజా ఓ చందమామా" పాడించారు. ఆ పాట సూపర్ హిట్ అయిందని వేరే చెప్పనక్కరలేదు. 

శ్రీ సుసర్ల గారు సంగీత దర్సకత్వం వహించిన కొన్ని ప్రముఖ చిత్రాలు సంసారం, నర్తనశాల, సంతానం, బలే బావ, కృష్ణ లీలలు, ఆలీబాబా 40 దొంగలు (డబ్బింగ్), అన్నపూర్ణ మొదలయినవి.   సంతానం చిత్రంలో లతా మంగేష్కర్ గారు విడిగా మరియు ఘంటసాల గారితో కలసి పాడిన "నిదురపోరా తమ్ముడా",  నర్తనశాల చిత్రానికి  బాల మురళి గారు బెంగుళూరు లత గారితో పాడిన "సలలిత రాగ సుధారస సారం", ఇలవేలుపు చిత్రం కోసం పాణిగ్రాహి గారు పాడిన "చల్లని రాజా ఓ చందమామా" మంచి పేరు తెచ్చుకున్నాయి. శ్రీ సుసర్ల గారు స్వరపరచిన పాటలలో బలే బావ (1957) చిత్రంలోని "ఆనందమంతా అనురాగమంతా", సంసారం చిత్రం లోని "టకుటకు టకుటకు టముకుల బండి", డబ్బింగ్ చిత్రం ఆలీ బాబా 40 దొంగలు (1956) లోని "ప్రియతమా మనసు మారునా",  సంతానం (1955) చిత్రంలోని పద్యాలు "బావా ఎప్పుడు వచ్చితీవు", పోకన్ మానదు", కృష్ణలీలలు (1959 ) చిత్రంలోని "తరమే బ్రహ్మకునైన", "నిరత సత్య ప్రౌడి", "బ్రహ్మ రుద్రాదులంతటి" పద్యాలు ఇటీవల ప్రచురించాను.  ఇటీవల శ్రీ దక్షిణా మూర్తిగారిని ఒక టీవీ వారు చేసిన ఇంటర్వ్యూను నా "ఘంటసాల" బ్లాగులో ప్రస్తావించాను.   

శ్రీ దక్షిణామూర్తి గారు నేడు భారత కాల మానం ప్రకారం ఫిబ్రవరి 9, గురువారం రాత్రి మదరాసులో దివంగతులయారు. వారికి తొంభయి సంవత్సరాలు. మూర్తి గారూ, మీరు భౌతికంగా మా మధ్య లేకపోయినా, మీ చక్కని పాటలు అజరామరంగా నిలిచి ఎల్లప్పుడూ మీ జ్ఞాపకాల్ని మాతో, మాలో, మా మనస్సులో ఉంచుతాయి. శ్రీ సుసర్ల దక్షిణామూర్తి గారిపై మ్యుజికాలజిస్ట్ శ్రీ రాజా గారు వ్రాసిన సమీక్ష ఈనాడు ఇంటర్ నెట్ ఎడిషన్ లో వచ్చింది. అది ఇక్కడ చూడగలరు.
మీకిదే అశ్రు నివాళి. 
హృదయ పూర్వక వినమ్ర శ్రద్ధాంజలి.     

8, ఫిబ్రవరి 2012, బుధవారం

తరమే బ్రహ్మకునైన (పద్యం) కృష్ణలీలలు చిత్రం నుండి సాహిత్యం, ఆడియో తో

చిత్రం:          కృష్ణ లీలలు (1959) 
మూలం:      భాగవతము
గానం:         ఘంటసాల వెంకటేశ్వరరావు
సంగీతం:      సుసర్ల దక్షిణామూర్తి  



నారదుడు:    తరమే బ్రహ్మకునైన నీదగు మహాత్మ్యం బెన్న? నీ లీలలన్
                పరికింపంగల భాగ్యమబ్బె! నిఖిల బ్రహ్మాండ భాండంబులన్
                పరిపాలించు మహానుభావుడవు ! నా మాంద్యంబు మన్నింపవే
                కరుణాసాగర ! నీరజోదర ! నమస్కారంబు నారాయణా ! 
                ఆ..ఆ..ఆ..

7, ఫిబ్రవరి 2012, మంగళవారం

ధర్మాంగద చిత్రం కోసం మాస్టారు పాడిన ప్రబోధ గీతం


1949 లో విడుదలైన ధర్మాంగద ఒక జానపద చిత్రం. కాశ్మీర రాజు అయిన ధర్మాంగదుడు, భార్య అర్మిలిదేవికి సంతానం ఉండరు. సంతానం లేక రాజు పరమశివుని నిరసించడం వలన అతనికి ఒక సర్పం కొడుకుగా, నాగ కుమారుడై పుడతాడు. మరొక రాజు అయిన రత్నాంగదునికి త్రిలోకసుందరి అనే అందమైన కుమార్తె వుంటుంది. అతని వద్దనుండే రాజగురువు తనను రాజకుమారి తిరస్కరించిందన్న కక్షతో ఆమెకు పాము రూపం గల నాగ కుమారునితో వివాహం చేయిస్తాడు. వివాహం అయిన పిదప ఆమె తన పాతివ్రత్యంతో భర్తకు మానవరూపం వచ్చేలా చేస్తుంది. క్లుప్తంగా అదీ కథ. ఇందులో ధర్మాంగదుడుగా శ్రీ గోవిందరాజుల సుబ్బారావు (షావుకారు ఫేం), త్రిలోక సుందరి గా శ్రీమతి సి.కృష్ణవేణి, రాణి అర్మిలి దేవి గా శ్రీమతి ఋష్యేంద్రమణి, రాజ గురువుగా శ్రీ ముదిగొండ లింగమూర్తి గార్లు నటించారు. శ్రీమతి కృష్ణవేణి గారు గాయని, నటి, నిర్మాత. ఆమె మీర్జాపురం రాజా వారి సతీమణి. ఈ చిత్రానికి మాస్టారు మూడు పాటలు, ఒక పద్యం పాడారు. అయితే అందులో ఒక్కటి మాత్రమే దొరుకుతున్నది. ఆ పాట "జయీభవ విజయీభవ", చిత్రంలో ఒక సాధువు పాడతాడు. మాస్టారు పాడిన ఈ పాట యొక్క శ్రవణ, సాహిత్యాలను ఇక్కడ పొందుపరుస్తున్నాను.  (Story source from Sakhiyaa.com)
                         చిత్రం:         ధర్మాంగద (1949)
                         రచన:         తాపీ ధర్మారావు నాయుడు
                         సంగీతం:      గాలి పెంచల నరసింహారావు
                         గానం:         ఘంటసాల వెంకటేశ్వరరావు

Thanks to Priyansh Doneparthy for the You Tube clip

                      ప.     జయీభవ! విజయీభవ! జయీభవ!
                              దీక్షా కంకణధారి విజయీభవ               | దీక్షాకంకణ |
                              విజయీభవ! విజయీభవ!
                              విజయీభవ! విజయీభవ!
                              దీక్షా కంకణధారి విజయీభవ!
                      అ.ప.  ధీర భావములు వీడకుమా                  | ధీర భావములు |
                              దిగ్విజయము నీవే సుమా                  | దిగ్విజయము |
                              దీక్షా కంకణధారి విజయీభవ!

                      చ.     జయమో, మరణమో రెండే కాని
                              అన్యంబైనది శూన్యమె గాదా                        | జయమో |
                              దీక్షే కవచము, దీక్షే సాధన
                              దీక్షే సర్వము దీక్షే
                              దీక్షా కంకణధారి విజయీభవ!

                      చ.     కార్యసిద్ధి చేకూరినదాకా
                              కష్టసుఖాలొక కంటనే చూడు               | కార్యసిద్ధి |
                              వెనుకంజన్నది వెదకినా కలుగదు
                              అపజయమన్నది అసలే లేదు
                              దేవ దుందుభులు మ్రోగును నీకై           | దేవ దుందుభులు |
                              కుసుమ వర్షములు కురియును నీకై
                              ప్రతి నోటను నీ పేరే వినబడు
                              ప్రజలకు నీవే మార్గదర్శివి                   | ప్రజలకు |
                              దీక్షా కంకణధారి విజయీభవ!
                              జయీభవ! విజయీభవ!
                              విజయీభవ! విజయీభవ!
కృతజ్ఞతలు:  కథ వివరాలను అందించిన సఖియా.కాం కు, శ్రవణ ఖండిక పొందుపరచిన ఘంటసాల గాన చరితకు, యూ ట్యూబ్ వనరులను అందించిన ప్రియంశు దోనెపర్తి లకు మనఃపూర్వక ధన్యవాదములు.

విన్నపము

ఘంటసాల మాస్టారి పాటలు, పద్యాలు, శ్లోకాల సాహిత్యాన్ని సేకరించి అభిమానులందరికి అందించాలనే చిన్న తాపత్రయం ఈ 'ఘంటసాల" బ్లాగు ఉద్దేశం. ఏవైనా పొరపాట్లు దొర్లి వుంటే ఆయా పోస్టుల దిగువన గాని, లేదా ఇ-లేఖ ద్వారా గాని తెలియజేయగలరు. నా ఇ-లేఖ చిరునామా: suryvulimiri@gmail.com

మాస్టారు పాడిన నేరు చిత్రాలు

చి-అంతస్తులు-1965 (2) చి-అంతా మనవాళ్ళే-1954 (1) చి-అందం కోసం పందెం-1971 (2) చి-అగ్గి బరాటా-1966 (1) చి-అత్తా ఒకింటి కోడలే-1958 (1) చి-అన్నపూర్ణ-1960 (1) చి-అప్పుచేసి పప్పుకూడు-1959 (5) చి-అమరశిల్పి జక్కన్న-1964 (2) చి-అమాయకుడు-1968 (1) చి-ఆడ పెత్తనం-1958 (2) చి-ఆత్మగౌరవం-1966 (1) చి-ఆనందనిలయం-1971 (1) చి-ఆప్తమిత్రులు-1963 (1) చి-ఆరాధన-1962 (2) చి-ఆస్తిపరులు-1966 (1) చి-ఇద్దరు పెళ్ళాలు-1954 (1) చి-ఇద్దరు మిత్రులు-1961 (3) చి-ఉమాచండీగౌరీశంకరుల కధ-1968 (1) చి-ఉమాసుందరి-1956 (3) చి-ఉయ్యాల జంపాల-1965 (1) చి-ఉషాపరిణయం-1961 (1) చి-ఋష్యశృంగ-1961 (1) చి-ఏకవీర-1969 (1) చి-కనకదుర్గ పూజా మహిమ-1960 (2) చి-కన్నకొడుకు-1973 (1) చి-కన్యాశుల్కం-1955 (2) చి-కలసివుంటే కలదుసుఖం-1961 (2) చి-కాళహస్తి మహత్మ్యం-1954 (10) చి-కీలుగుఱ్ఱం-1949 (4) చి-కుంకుమ రేఖ-1960 (1) చి-కులగౌరవం-1972 (1) చి-కృష్ణ లీలలు-1959 (3) చి-కృష్ణప్రేమ-1961 (3) చి-కొడుకు కోడలు-1972 (1) చి-గాలిమేడలు-1962 (2) చి-గుండమ్మకథ-1962 (1) చి-గుడిగంటలు-1964 (1) చి-గుణసుందరి కథ-1949 (1) చి-గులేబకావళి కథ-1962 (4) చి-గృహప్రవేశము-1946 (1) చి-గృహలక్ష్మి-1967 (3) చి-చండీరాణి-1953 (1) చి-చంద్రహారం-1954 (3) చి-చంద్రహాస-1965 (1) చి-చరణదాసి-1956 (2) చి-చింతామణి-1956 (1) చి-చిట్టి తమ్ముడు-1962 (1) చి-చిలకా-గోరింక-1966 (1) చి-చివరకు మిగిలేది!-1960 (1) చి-చెంచు లక్ష్మి-1958 (1) చి-జగదేకవీరుని కథ-1961 (3) చి-జయం మనదే-1956 (1) చి-జయభేరి-1959 (3) చి-జయసింహ-1955 (3) చి-జరిగిన కథ-1969 (1) చి-జీవన తరంగాలు-1973 (1) చి-జైజవాన్‌-1970 (1) చి-టైగర్ రాముడు-1962 (1) చి-డా.ఆనంద్-1966 (1) చి-డా.చక్రవర్తి-1964 (1) చి-తెనాలి రామకృష్ణ-1956 (5) చి-తేనె మనసులు-1965 (1) చి-తోడికోడళ్ళు-1957 (1) చి-దీపావళి-1960 (2) చి-దేవకన్య-1968 (1) చి-దేవత-1965 (1) చి-దేవదాసు-1953 (1) చి-దేవాంతకుడు-1960 (1) చి-దేశద్రోహులు-1964 (1) చి-దొరికితే దొంగలు (1) చి-ద్రోహి-1948 (1) చి-ధర్మదాత-1970 (1) చి-ధర్మాంగద-1949 (1) చి-నమ్మినబంటు-1960 (1) చి-నర్తనశాల-1963 (2) చి-నలదమయంతి-1957 (1) చి-నవగ్రహపూజా మహిమ-1964 (1) చి-నాదీ ఆడజన్మే-1965 (1) చి-నిర్దోషి-1951 (1) చి-నిర్దోషి-1967 (1) చి-పరమానందయ్య శిష్యుల కథ-1966 (2) చి-పరోపకారం-1953 (2) చి-పల్నాటి యుద్ధం-1947 (3) చి-పల్నాటి యుద్ధం-1966 (1) చి-పల్లెటూరి పిల్ల-1950 (1) చి-పల్లెటూరు-1952 (3) చి-పవిత్ర బంధం-1971 (1) చి-పవిత్ర హృదయాలు-1971 (1) చి-పసుపు కుంకుమ-1955 (1) చి-పాండవ వనవాసం-1965 (5) చి-పాండురంగ మహత్మ్యం-1957 (1) చి-పాతాళ భైరవి-1951 (1) చి-పిచ్చి పుల్లయ్య-1953 (1) చి-పిడుగు రాముడు-1966 (1) చి-పూజాఫలం-1964 (1) చి-పెండ్లి పిలుపు-1961 (1) చి-పెద్ద మనుషులు-1954 (2) చి-పెళ్ళి కాని పిల్లలు-1961 (2) చి-పెళ్ళి చేసి చూడు-1952 (3) చి-పెళ్ళి సందడి-1959 (1) చి-పెళ్ళినాటి ప్రమాణాలు-1958 (3) చి-పేదరాశి పెద్దమ్మ కథ-1968 (2) చి-పొట్టి ప్లీడరు-1966 (1) చి-ప్రపంచం-1950 (1) చి-ప్రమీలార్జునీయం-1965 (2) చి-ప్రియురాలు-1952 (1) చి-ప్రేమ నగర్-1971 (1) చి-ప్రేమ-1952 (1) చి-బంగారు గాజులు-1968 (1) చి-బండ రాముడు-1959 (1) చి-బందిపోటు-1963 (1) చి-బడి పంతులు-1972 (1) చి-బభ్రువాహన-1964 (3) చి-బలే బావ-1957 (1) చి-బాల భారతం-1972 (1) చి-బాలనాగమ్మ-1959 (4) చి-బాలభారతం-1972 (1) చి-బాలరాజు కథ-1970 (1) చి-బాలరాజు-1948 (2) చి-బాలసన్యాసమ్మ కథ-1956 (1) చి-బావమరదళ్ళు-1961 (1) చి-బికారి రాముడు-1961 (1) చి-బొబ్బిలి యుద్ధం-1964 (1) చి-బ్రతుకుతెరువు-1953 (1) చి-భక్త అంబరీష-1959 (2) చి-భక్త జయదేవ-1961 (1) చి-భక్త తుకారాం-1973 (3) చి-భక్త రఘునాథ్-1960 (2) చి-భక్త రామదాసు-1964 (1) చి-భక్త శబరి-1960 (1) చి-భట్టి విక్రమార్క-1960 (1) చి-భలే అమ్మాయిలు-1957 (1) చి-భాగ్యదేవత-1959 (1) చి-భాగ్యరేఖ-1957 (1) చి-భామా విజయం-1967 (2) చి-భీమాంజనేయ యుద్ధం-1966 (4) చి-భీష్మ-1962 (5) చి-భూకైలాస్-1958 (4) చి-భూలోకంలో యమలోకం-1966 (1) చి-మంచి మనసుకు మంచి రోజులు-1958 (1) చి-మంచి మనసులు-19 (1) చి-మంచిరోజులు వచ్చాయి-1972 (1) చి-మనదేశం-1949 (3) చి-మనసు మమత (1) చి-మనుషులు-మమతలు-1965 (1) చి-మరపురాని కథ-1967 (2) చి-మర్మయోగి-1964 (1) చి-మల్లీశ్వరి-1951 (3) చి-మహాకవి కాళిదాదు-1960 (2) చి-మహామంత్రి తిమ్మరుసు-1962 (3) చి-మాయాబజార్-1957 (3) చి-మూగ మనసులు-1964 (2) చి-మోహినీ భస్మాసుర-1966 (1) చి-యశొద కృష్ణ-1975 (1) చి-యోగి వేమన-1947 (1) చి-రంగుల రాట్నం-1967 (1) చి-రక్త సిందూరం-1967 (1) చి-రక్షరేఖ-1949 (1) చి-రణభేరి-1968 (2) చి-రహస్యం-1967 (2) చి-రాజ మకుటం-1960 (1) చి-రాజకోట రహస్యం-1971 (2) చి-రాజు పేద-1954 (2) చి-రాము-1968 (2) చి-రుణానుబంధం-1960 (1) చి-రేణుకాదేవి మహాత్మ్యం-1960 (1) చి-రోజులు మారాయి-1955 (1) చి-లక్ష్మమ్మ-1950 (2) చి-లక్ష్మీ కటాక్షం-1970 (2) చి-లవకుశ-1963 (1) చి-వదినగారి గాజులు-1955 (1) చి-వరుడు కావాలి-1957 (1) చి-వాగ్దానం-1961 (3) చి-వారసత్వం-1964 (2) చి-వాల్మీకి-1963 (1) చి-విచిత్ర కుటుంబం-1969 (2) చి-విజయం మనదే-1970 (1) చి-వినాయక చవితి-1957 (5) చి-విమల-1960 (2) చి-విష్ణుమాయ-1963 (1) చి-వీర కంకణం-1957 (2) చి-వీరాంజనేయ-1968 (2) చి-వెలుగు నీడలు-1961 (2) చి-వెలుగునీదలు-1961 (1) చి-శకుంతల-1966 (1) చి-శభాష్ రాజా-1961 (1) చి-శభాష్ రాముడు-1959 (1) చి-శాంతి నివాసం-1960 (1) చి-శోభ-1958 (1) చి-శ్రీ గౌరీ మహత్మ్యం-1956 (4) చి-శ్రీ వేంకటేశ్వర వైభవం-1971 (1) చి-శ్రీ సత్యనారాయణ మహత్యం-1964 (2) చి-శ్రీ సింహాచలక్షేత్ర మహిమ-1965 (1) చి-శ్రీకాకుళ ఆంధ్రమహావిష్ణువు కథ-1966 (1) చి-శ్రీకృష్ణ కుచేల-1961 (2) చి-శ్రీకృష్ణ తులాభారం-1966 (1) చి-శ్రీకృష్ణ పాండవీయం-1966 (3) చి-శ్రీకృష్ణ విజయం-1971 (1) చి-శ్రీకృష్ణమాయ-1958 (2) చి-శ్రీకృష్ణార్జున యుద్ధం-1963 (1) చి-శ్రీవేంకటేశ్వర మహత్మ్యం-1960 (1) చి-శ్రీవేంకటేశ్వర వైభవం-1971 (2) చి-షావుకారు-1950 (2) చి-సంతానం-1955 (5) చి-సంపూర్ణ రామాయణం-1972 (4) చి-సంసారం-1950 (3) చి-సతీ అనసూయ-1957 (2) చి-సతీ సక్కుబాయి-1965 (3) చి-సతీ సులోచన-1961 (2) చి-సత్య హరిశ్చంద్ర-1965 (2) చి-సప్తస్వరాలు-1969 (1) చి-సారంగధర-1957 (2) చి-సీతారామ కల్యాణం-1961 (2) చి-సుమంగళి-1965 (1) చి-స్వప్న సుందరి-1950 (3) చి-స్వర్గసీమ-1945 (1) చి-స్వర్ణ మంజరి-1962 (1) చి-హంతకులొస్తున్నారు జాగ్రత్త-1966 (1) చి-హరిశ్చంద్ర-1956 (2)

సహగాయనీ గాయకులు

గా-ఎ.పి.కోమల తో (3) గా-ఎం.వి.రాజమ్మ తో (1) గా-ఎల్.ఆర్.ఈశ్వరి తో (1) గా-ఎస్.జానకి తో (4) గా-గానసరస్వతి తో (1) గా-గోపాలరత్నం తో (1) గా-ఘంటసాల (79) గా-ఘంటసాల-పి.సుశీల (3) గా-ఘంటసాల-బృందం (5) గా-జమునారాణి తో (2) గా-జి.వరలక్ష్మి తో (1) గా-జిక్కీ తో (4) గా-జిక్కీ-బాలసరస్వతి తో (1) గా-జిక్కీతో (5) గా-పలువురి తో (1) గా-పి.కన్నాంబ తో (1) గా-పి.బి.శ్రీనివాస్ తో (3) గా-పి.భానుమతి తో (11) గా-పి.లీల తో (20) గా-పి.సుశీల తో (46) గా-పి.సుశీల-బృందంతో (2) గా-పిఠాపురం తో (1) గా-బాలసరస్వతి తో (3) గా-బృందం తో (35) గా-బృందంతో (2) గా-బెంగుళూరు లత తో (1) గా-బెజవాడ రాజరత్నం తో (2) గా-భానుమతి-పిఠాపురం తో (1) గా-మాధవపెద్ది (5) గా-రాధాజయలక్ష్మి తో (2) గా-రేణుక తో (1) గా-లతా మంగేష్కర్ తో (1) గా-వి.జె.వర్మతో (1) గా-వి.సరళ తో (2) గా-శరావతి తో (1) గా-శోభారాణితో (2) గా-శ్రీదేవి తో (1) గా-సరోజిని తో (1) గా-సి.కృష్ణవేణి తో (2) గా-సుందరమ్మ తో (1) గా-సుశీల-బృందం తో (1)

మాస్టారి పాటల సంగీత దర్శకులు

స-విజయభాస్కర్ (1) సం -A.M.రాజా (1) సం- ఘంటసాల (1) సం-అద్దేపల్లి (1) సం-అశ్వత్థామ (4) సం-అశ్వద్ధామ (1) సం-ఆదినారాయణ రావు (5) సం-ఆదినారాయణరావు (2) సం-ఆర్.గోవర్ధనం (2) సం-ఆర్.సుదర్శనం (2) సం-ఆర్.సుదర్శనం-ఆర్.గోవర్ధనం (1) సం-ఎం.రంగారావు (1) సం-ఎల్.మల్లేశ్వరరావు (3) సం-ఎస్.పి.కోదండపాణి (11) సం-ఓగిరాల (1) సం-ఓగిరాల-అద్దేపల్లి (2) సం-ఓగిరాల-టి.వి.రాజు (4) సం-కె.ప్రసాదరావు (1) సం-కె.వి. మహదేవన్ (2) సం-కె.వి.మహదేవన్ (15) సం-గాలి పెంచల (6) సం-ఘంటసాల (78) సం-జె.వి.రాఘవులు (1) సం-జోసెఫ్-విజయాకృష్ణమూర్తి (2) సం-జోసెఫ్.వి.కృష్ణమూర్తి (1) సం-టి.ఆర్.పాప (1) సం-టి.ఎం.ఇబ్రహీం (1) సం-టి.చలపతిరావు (9) సం-టి.జి.లింగప్ప (3) సం-టి.వి.రాజు (29) సం-నాగయ్య-ఓగిరాల (1) సం-నాగయ్య-తదితరులు (1) సం-పామర్తి (5) సం-పామర్తి-సుధీర్ ఫడ్కె (1) సం-పామర్తి-సుధీర్ ఫడ్కే (1) సం-పి.శ్రీనివాస్ (1) సం-పెండ్యాల (37) సం-బాబురావు (1) సం-బాలాంత్రపు (1) సం-బి.గోపాలం (2) సం-బి.శంకర్ (1) సం-మణి-పూర్ణానంద (1) సం-మల్లేశ్వరరావు (1) సం-మాస్టర్ వేణు (11) సం-ముగ్గురు దర్శకులు (2) సం-రాజన్‌-నాగేంద్ర (2) సం-రాజు-లింగప్ప (2) సం-రాజేశ్వరరావు-హనుమంతరావు (1) సం-రామనాథన్‌ (3) సం-రామనాథన్‌-పామర్తి (1) సం-విజయా కృష్ణమూర్తి (3) సం-విశ్వనాథన్‌-రాఘవులు (1) సం-విశ్వనాథన్‌-రామ్మూర్తి (5) సం-వై.రంగారావు (1) సం-సర్దార్ మల్లిక్ - పామర్తి (1) సం-సాలూరు (44) సం-సాలూరు-గోపాలం (1) సం-సి. ఆర్. సుబ్బరామన్ (1) సం-సుదర్శనం-గోవర్ధనం (12) సం-సుబ్బయ్యనాయుడు (2) సం-సుబ్బురామన్ (1) సం-సుబ్బురామన్‍-విశ్వనాథన్ (1) సం-సుసర్ల (18) సం-హనుమంతరావు (2) సం-MSV-రామ్మూర్తి-పామర్తి (1)

మాస్టారి పాటల రచయితలు

ర-0 ర-అనిశెట్టి ర-అనిసెట్టి ర-అనిసెట్టి-పినిసెట్టి ర-ఆత్రేయ ర-ఆదినారాయణ రావు ర-ఆరుద్ర ర-ఉషశ్రీ ర-ఎ.వేణుగోపాల్ ర-కాళిదాసు ర-కాళ్ళకూరి ర-కొసరాజు ర-కోపల్లి ర-గబ్బిట ర-గోపాలరాయ శర్మ ర-ఘంటసాల ర-చేమకూర. ర-జంపన ర-జయదేవకవి ర-జాషువా ర-జి.కృష్ణమూర్తి ర-తాండ్ర ర-తాపీ ధర్మారావు ర-తిక్కన ర-తిరుపతివెంకటకవులు ర-తోలేటి ర-దాశరథి ర-దాశరధి ర-దీక్షితార్ ర-దేవులపల్లి ర-నార్ల చిరంజీవి ర-పరశురామ్‌ ర-పాలగుమ్మి పద్మరాజు ర-పింగళి ర-బమ్మెర పోతన ర-బమ్మెఱ పోతన ర-బాబ్జీ ర-బాలాంత్రపు ర-బైరాగి ర-భాగవతం ర-భావనారాయణ ర-భుజంగరాయ శర్మ ర-మల్లాది ర-ముద్దుకృష్ణ ర-రాజశ్రీ ర-రామదాసు ర-రావులపర్తి ర-రావూరి ర-వసంతరావు ర-వారణాసి ర-విజికె చారి ర-వీటూరి ర-వేణు ర-వేములపల్లి ర-శ్రీశ్రీ ర-సదాశివ బ్రహ్మం ర-సముద్రాల జూ. ర-సముద్రాల సీ. ర-సి.నా.రె. ర-సినారె ర-సుంకర-వాసిరెడ్డి ర-సుబ్బారావు రచన-ఘంటసాల రచన-దాశరధి రచన-దేవులపల్లి రచన-పానుగంటి రచన-పింగళి రచన-బలిజేపల్లి రచన-సముద్రాల సీ.