అందాల చందమామ - సంసారం నుండి ఘంటసాల

1950లో సాధనా బ్యానర్ పై నిర్మింపబడిన సంసారం చిత్రం నుండి ఘంటసాల మాస్టారు పాడిన మధుర గీతం.  సాహిత్యం-సదాశివబ్రహ్మం మరియు సంగీతం-సుసర్ల దక్షిణామూర్తి.

Thanks to GVS Sastry for the video

రావే చెలి ఈ వేళ - ఆప్తమిత్రులు నుండి ఘంటసాల, లీల

	నిర్మాణం:	శ్రీరాజరాజేశ్వరీ ఫిలిం కంపెనీ వారి
	చిత్రం:	ఆప్తమిత్రులు (1963)
	రచన:	సముద్రాల జూనియర్
	సంగీతం:	ఘంటసాల
	గానం:	ఘంటసాల, పి.లీల
నిర్మాత &	దర్శకత్వం:	కె.బి.నాగభూషణం
పల్లవి:	ఘంటసాల:	రావే చెలీ ఈ వేళ, అనురాగాల భోగాల తేలా..ఆ..
		రావే చెలీ ఈ వేళ
	పి.లీల:	ఈ చిన్నదే నీదోయి చెయిచాచి నిన్నే కోరునోయీ..ఈ..
		ఈ చిన్నదే నీదోయి
చరణం:	పి.లీల:	అందాల పూల చందాలు చూచి డెందాన పొంగారె ఆనందమే..
	ఘంటసాల:	ఆ…ఆ….ఆ..ఆ...
	పి.లీల:	అందాల పూల చందాలు చూచి డెందాన పొంగారె ఆనందమే
		అందాని పూవుల పందిళ్ళలో (2) ఆనందాలు జవరాలి సందిళ్ళలో
		రావే చెలీ ఈ వేళ
చరణం:	ఘంటసాల:	నా వూహలేలే ఆ ఊర్వశీ, నన్నూరించు రాధ నీవే ప్రేయసి
	పి.లీల:	అహహా..హహా..అహాహా..
	ఘంటసాల:	నా వూహలేలే ఆ ఊర్వశీ, నన్నూరించు రాధ నీవే ప్రేయసి
	పి.లీల:	నే రాధనై నీవు గోవిందుడై..ఐ…(2) చరియించు ఈ వని బృందావనీ..
		ఈ చిన్నదే నీదోయి
చరణం:	పి.లీల:	సురలోకమన్నది నిజమో కలా? సుఖచిందు ఈ సీమె మన స్వర్గము
	ఘంటసాల:	హాయ్, సోలేములే సఖి తొలి ప్రేమలా..
		సరదాలా ఈ లీలా సరాగాలా
		రావే చెలీ ఈ వేళ, అనురాగాల భోగాల తేలా
		ఈ చిన్నదే నీదోయి చెయిచాచి నిన్నే కోరునోయీ

దాశరథి తొలి సినీ గీతం - ఘంటసాల, సుశీల పాడిన " కంటిపాపలో నిలిచిపోరా" వాగ్దానం చిత్రం నుండి

	నిర్మాణం:	కవితా చిత్ర వారి
	చిత్రం:	వాగ్దానం (1961)
	రచన:	దాశరథి (తొలి సినీ గీతం)
	సంగీతం:	పెండ్యాల నాగేశ్వరరావు
	గానం:	ఘంటసాల, సుశీల
	దర్శకత్వం:	ఆచార్య ఆత్రేయ
	సుశీల:	ఊ..ఊ..ఊ….ఊ…ఊ….
పల్లవి:		నా కంటి పాపలో నిలిచి పోరా.. నీ వెంట లోకాల గెలువనీరా
		నా కంటి పాపలో నిలిచి పోరా, నీ వెంట లోకాల గెలువనీరా
	ఘంటసాల:	ఆ..ఆ..ఆ…ఆ.ఆ..ఆ…..ఆఆ.ఆ…ఆ.అ.ఆ..ఆ
చరణం:	సుశీల:	ఈనాటీ పున్నమీ, ఏనాటీ పున్నెమో జాబిలీ వెలిగేను మనకోసమే
	ఘంటసాల:	ఆ..అహా..ఆ..ఆ..
	సుశీల:	ఈనాటీ పున్నమీ, ఏనాటీ పున్నెమో జాబిలీ వెలిగేను మనకోసమే
	ఘంటసాల:	నెయ్యాలలో తలపుటుయ్యాలలో - 2, అందుకొందాము అందని ఆకాశమె
	సుశీల:	నా కంటి పాపలో నిలిచి పోరా.. నీ వెంట లోకాల గెలువనీరా
చరణం:	ఘంటసాల:	ఆ చందమామలో ఆనందసీమలో వెన్నెల స్నానాలు చేయుదమా
	సుశీల:	ఆహా..హాహా ఆ..ఆ..ఆ..
	ఘంటసాల:	ఆ చందమామలో ఆనందసీమలో వెన్నెల స్నానాలు చేయుదమా
	సుశీల:	మేఘాలలో వలపు రాగాలలో..ఓ. -2, దూరదూరాల స్వర్గాల చేరుదమా?
	సుశీల:	నా కంటి పాపలో నిలిచి పోరా.. నీ వెంట లోకాల గెలువనీరా
చరణం:	సుశీల:	ఈ పూల దారులు, ఆ నీలి తారలు, తీయని స్వప్నాల తేలించగా
	ఘంటసాల:	ఆహా..హా..ఆ..ఆ.
	సుశీల:	ఈ పూల దారులు, ఆ నీలి తారలు, తీయని స్వప్నాల తేలించగా
	ఘంటసాల:	అందాలను, తీపి బంధాలను -2, అల్లుకొందాము డెందాలు పాలించగ
	సుశీల:	నా కంటి పాపలో నిలిచి పోరా.. నీ వెంట లోకాల గెలువనీరా
	ఇద్దరు:	ఆ..ఆ..ఆ..ఆఆఆ..ఆ..ఆ..ఆ…ఆ..
	సుశీల:	నా కంటి పాపలో నిలిచి పోరా.. నీ వెంట లోకాల గెలువనీరా

అనగనగా ఒక చిన్నది - పెళ్ళికాని పిల్లలు నుండి ఘంటసాల, సుశీల

	చిత్రం:	పెళ్ళికాని పిల్లలు (1961)
	రచన:	ఆరుద్ర
	సంగీతం:	మాస్టర్ వేణు
	గానం:	ఘంటసాల, పి.సుశీల
పల్లవి:	ఘంటసాల:	అనగనగా ఒక చిన్నదీ, ఆకాశంలోనున్నదీ
		అక్కల పెళ్ళీ అయ్యేదాకా చిక్కను పోవోయ్ అన్నదీ..	| అనగనగా |
		అనగనగా ఒక చిన్నది
చరణం:	సుశీల:	పరులకు పెళ్ళీ జరిపేవాడు వలచినదానీ మరిచాడు (2)
	ఘంటసాల:	మరిచాననుకుని తలచేలోగా మగువచెంతనే నిలచాడు
		అనగనగా ఒక చిన్నది, అభినవ ఊర్వశినన్నది
		ఓడినవెంటనె మనసును గెలిచి వయ్యారముగానున్నది
		అనగనగా ఒక చిన్నది, అభినవ ఊర్వశినన్నది
	సుశీల:	ఆటల పాటల ఆడువారిని ఆడించుట మీ పరిపాటి (2)
	ఘంటసాల:	వాలుచూపుతో (2) కీలుబొమ్మలా ఆడించకు నను వగలాడి
		ఆడించకు నను వగలాడి
చరణం:	సుశీల:	తీయనిపాటల హాయిగ పాడి కోయిలయేదో కోరినది
		తనమది దోచిన పాటగానికీ (2), దాసురాలిగా మారినదీ..(2)
		తీయనిపాటల హాయిగ పాడి కోయిలయేదో కోరినది
	ఘంటసాల:	అనగనగా ఒక చిన్నది, అతిశయమెంతో వున్నది
		రౌడీమూకలు రభసచేయగా రక్షించండోయ్ అన్నది
		అనగనగా ఒక చిన్నది, అతిశయమెంతో వున్నది
	సుశీల:	ఎందరినైనా ఎడమచేతితో కిందికి తోసే మీకు సలాం (2)
	ఘంటసాల:	అంతటి ధీరుడు, అంతటి వీరుడు (2) అయినాడిదిగో నీకు గులాం
	ఇద్దరు:	ఆహాహాహహ హాహహా ఆహాహహహ హాహహా (2)

మిడిసిపడకు మిడిసిపడకు - ఆస్తిపరులు చిత్రం నుండి ఘంటసాల

	చిత్రంః	ఆస్తిపరులు
	రచనః	ఆచార్య ఆత్రేయ
	సంగీతంః	కె.వి. మహదేవన్
	గానంః	ఘంటసాల
	ప.	మిడిసి పడకు మిడిసి పడకు అత్త కూతురా
		ముందు ముందు ఉందిలే సంబరాల జాతరా (2)	। మిడిసి ।
		మిడిసి పడకు మిడిసి పడకు అత్త కూతురా రారా
	చ.	దోరవయసు అలవి కాని భారమయింది
		ఆ బరువు మోయలేక నడుము పలచబడింది	। దోర ।
		నడుములేని నడకే ఒక నాట్యమయింది (2)
		చూచి చూచి బావ మనసు సొమ్మసిలింది.. సొమ్మసిలింది	। మిడిసి ।
	చ.	అత్తకూతురంటేనే హక్కు ఉందిలే
		అల్లరెంత చేసినా చెల్లుతుందిలే	। అత్త ।
		ముక్కుతాడు వేయువేళ ముంచుకొచ్చు సిగ్గులు (2)
		ఇంత అత్త కూతురూ కొత్త పెళ్ళి కూతురే కొత్త పెళ్ళి కూతురే	। మిడిసి ।

శోభ చిత్రం నుండి ఘంటసాల పద్యాలు

1958 లో పొన్నలూరి బ్రదర్స్ సంస్థ కమలాకర కామేశ్వరరావు దర్శకత్వంలో అంజలి, ఎన్.టి. రామారావు నాయికానాయికలుగా నిర్మించిన చిత్రం "శోభ". ఈ చిత్రానికి సంగీత దర్శకులు అలనాటి మేటి నేపథ్య గాయకులు ఎ.ఎం. రాజా.  ఈ చిత్రానికి ఘంటసాల మాస్టారు రెండు మూడు పద్యాలు పాడారు. వీటిని ప్రముఖ హాస్యనటులు రేలంగిపై చిత్రీకరించారు.

 
ఇందులో మొదటి పద్యం "శశాంక విజయం" (తారా శశాంకం) నుండి గ్రహించబడింది. ఇందులో చంద్రుడు తారను వర్ణించే పద్యమిది.

		కొమ్మగాదిది బంగారు బొమ్మగాని
		ఇంతిగాదిది జాజిపూబంతిగాని
		కలికిగాదిది మరుని పూమొలికిగాని
		భామకాదిది లావణ్యసీమగాని

రెండవ పద్యం బమ్మెఱ పోతన విరచిత భాగవతంలోని రుక్మిణీ కల్యాణం ఘట్టం నుండి తీసుకోబడిన పద్యం ఇది. దీనికి చక్కని వివరణ "ఈమాట" వెబ్ జైన్ లో శ్రీ చీమలమర్రి బృందావనరావు గారు వ్రాసిన వివరణ ఏమంటే - "ఒక యువకుని ప్రేమించి, తన ప్రేమ సాఫల్యం పొందగల అవకాశాలుగాని, తన వారినుంచి తగిన సానుకూలతగానీ లేకపోవడంతో స్వయంగా తన ప్రయత్నాలు ప్రారంభించి, ఆ యత్నాలు ఫలిస్తాయో లేదో అనే సందేహమూ, ఆతురతా, ఏమవుతుందో అనే భయమూ - వీటితో డోలాయమానమౌతున్న కన్నెమనసు ఈ పద్యంలో ఎంతో సహజంగా కనిపిస్తుంది". 

		ఘనుడా భూసురుడేగెనో నడుమ మార్గశ్రాంతుడై చిక్కెనో
		విని కృష్ణుండది తప్పుగా తలచెనో విచ్చేసెనో ఈశ్వరుం
		డనుకూలింప తలంచునో తలపడో ఆర్యామహాదేవియున్
		నను రక్షింప ఎరుంగునో ఎరుగదో నా భాగ్యమెట్లున్నదో