చిత్రమె పాడునటే - శభాష్ పిల్ల - అనువాద చిత్రం నుండి ఘంటసాల

1959 సంవత్సరంలో విడుదలైన పద్మిని పిక్చర్స్ సంస్థ నిర్మించిన సెబాష్ పిల్లా(డ) చిత్రం నుండి ఘంటసాల మాస్టారు  పాడిన "చిత్రము పాడునటే " అనే ఈ ఏకగళం  రచన శ్రీశ్రీ, స్వరపరచినది  టి.జి.లింగప్ప. ఈ చిత్రంలో తారాగణం  శివాజీగణేశన్, చంద్రబాబు, ఎస్.వి. రంగారావు,బి. సరోజాదేవి, కుసుమకుమారి. ఈ చిత్రానికి నిర్మాత బి.ఆర్.పంతులు మరియు దర్శకుడు బి.ఆర్.పంతులు.  ఈ పాట ఎం.జి.ఆర్ పై చిత్రీకరించబడింది.

#000	పాట:	చిత్రమె పాడునదె
	చిత్రం:	సెబాష్ పిల్లా (డబ్బింగ్) (1959)
	రచన:	శ్రీశ్రీ
	గానం:	ఘంటసాల
	సంగీతం:	టి,జి.లింగప్ప
	ప:	చిత్రమె పాడునటే
		ఓహో చిత్రమె పాడునటే
		నా చిత్తమె ఆడునటే..ఏ.	॥ చిత్రమె॥
		ముచ్చటగా యిపుడూ..ఊ..ఊ
		ముచ్చటగా యిపుడూ
		మోహనమూర్తియై మించునటే..ఏ..
		ముచ్చటగా యిపుడూ
		మోహనమూర్తియై మించునటే..ఏ..	॥ చిత్రమె॥
	చ:	నా హృదయం మీదా..ఆ..ఆ..
		నా హృదయం మీదా ఒక నక్షత్రము పోలే -2
		పాదము పెట్టినదే చేరి నావలె చూచునటే -2	॥ చిత్రమె॥
	చ:	నా మనం నీదైతే, సుఖరాజ్యము నాదె సుమా -2
		ఎంత మనోబలమో మౌనం ఏల సఖీమణికి -2	॥ చిత్రమె॥

సీమంతానికి చక్కని పాట "మాతృత్వంలోనె వుంది ఆడజన్మ సార్ధకం" - కులగౌరవం నుండి ఘంటసాల, సుశీల

1972 లో ఎన్‌.టి.రామారావు త్రిపాత్రాభినయంతో నటించిన ఎన్‌.టి.ఆర్. మరియు అతని సోదరుడు త్రివిక్రమరావు సంయుక్తంగా రామకృష్ణ-ఎన్‌.ఏ.టి. పతాకంపై నిర్మించిన చిత్రం కులగౌరవం. ఈ చిత్రంకోసం కొసరాజు వ్రాసిన చక్కని గీతం మాతృత్వంలోనె వుంది ఆడజన్మ సార్ధకం. స్త్రీ పురుషుల అనుబంధం ఎంత గొప్పదో వివరించే ఆహ్లాదకరమైన గీతమిది. సహజమైన పదప్రయోగాలతో హైందవ సంప్రదాయాలకు అద్దంపడుతూ వ్రాసిన ఈ పాట చిరకాలం నిలచి ఈనాటికీ వింటే ఎంతో ఆనందం కలుగుతుంది.  ఈ చిత్రానికి సంగీతం సమకూర్చినది టి.జి.లింగప్ప. ఈయన ఎక్కువగా కన్నడ మరియు తమిళ చిత్రాలకు సంగీత దర్శకులుగా పనిచేశారు.

	చిత్రం:	కుల గౌరవం (1972)
	రచన:	కొసరాజు
	సంగీతం:	టి.జి.లింగప్ప
	గానం:	ఘంటసాల, సుశీల

పల్లవి:	ఘంటసాల:	మాతృత్వంలోనె వుంది ఆడజన్మ సార్ధకం
		అమ్మా అనిపించుకొనుటె స్త్రీ మూర్తికి గౌరవం
చరణం:	ఘంటసాల:	స్త్రీ పురుషులు ఒకరినొకరు ప్రేమిస్తారు
		సృష్టికి ఒక వింత శోభ కలిగిస్తారు	| స్త్రీ పురుషులు |
		మబ్బువెంట నీరువలె, పూవునంటు తావివలె	| మబ్బువెంట |
		అనుసృతముగా వచ్చును ఈ సంబంధం, ఈ అనుబంధం
		ఆలుమగలు బ్రతుకున పండించుకున్న పరమార్ధం	| మాతృత్వం |
చరణం:	సుశీల:	ప్రకృతి కాంత పురుషిని ఒడిలోన పరవశించినది
		భూమాత మురిసి పచ్చ పచ్చగ నవ్వుతున్నది	| ప్రకృతి కాంత |
		అంతా అనురాగమయం ఆనందానికి నిలయం
		పతి హృదయమె సతికి నిత్య సత్యమైన ఆలయం
		పూజించే దేవాలయం
		భర్తకు భార్యకు యిలలో వెలసిన దైవం, వెలసిన దైవం
	ఇద్దరు:	మాతృత్వంలోనె వుంది ఆడజన్మ సార్ధకం
		అమ్మా అనిపించుకొనుటె స్త్రీ మూర్తికి గౌరవం

తండ్రీ కొడుకుల అనుబంధం తెలిపే చక్కని సముద్రాల సీనియర్ గీతం 'మమతలు లేని మనుజులలోన'

ప్రతి మనిషికి తన భార్యా పిల్లల గురించి ఎన్నో కలలుంటాయి. తన ఆశయాలతో ఆశాసౌధాలు నిర్మించుకుంటాడు.  కాని జీవితం విచిత్రమైనది. సంసార ఝంఝాటంలో ఒకోసారి ఓడలు బండ్లవుతాయి. మరొకసారి బండ్లు ఓడలౌతాయి. మనిషి కట్టుకున్న ఆశా సౌధాలే ఒక్కోసారి గాలిమేడలు అవుతాయి. అవసాన దశలోవున్నపుడు అశాశ్వతమైన ఆస్తిపాస్తులు అండదండలుగా వుండవని గ్రహిస్తాడు. కులమతాలకు, స్థితిగతులకు తావివ్వక తనకు సేదదీర్చి, ఇంత కూడుపెట్టి ఆదుకునే యువకుని చూచి అలాంటి కొడుకుంటే చాలని కొడుకును పోగొట్టుకున్న ఆ తండ్రి అనుకుంటాడు. అలాగే చిన్నతనం నుండి నా అనేవారు లేక బ్రతుకు బండిని లాగే ఆ యువకుడు దీన స్థితిలో నిస్సహాయుడైయున్న ఆ ముసలివానికి సేవ చేసి తృప్తి పడతాడు. అతనిలో తన తండ్రిని చూసుకుంటాడు. కాని అతడే తన తండ్రి అని తెలియదతనికి. ఈ ఇతివృత్తం తో నిర్మించబడిన చిత్రం "గాలి మేడలు". విధి ఆడిన ఆటవలన దూరమయి, అనుకోని పరిస్థితులలో చేరువయిన తండ్రీ కొడుకులుగా నాగయ్య, ఎన్.టి. ఆర్. నటించిన హృద్యమైన ఈ సన్నివేశానికి అనుగుణంగా సముద్రాల రాఘవాచార్య రచన 'మమతలు లేని మనుజులలోన', ఎటువంటి కరడుగట్టిన హృదయాన్నైనా కదిలిస్తుంది, కరిగిస్తుందనడంలో అతిశయోక్తి లేదు. ఎందుకంటే ఆ భావాన్ని అద్భుతంగా పలికించి అజరామరం చేసినది ఘంటసాల మాస్టారు.సంగీతం టి.జి.లింగప్ప. 

 

		చిత్రం:	గాలి మేడలు (1962)
		రచన:	సముద్రాల రాఘవాచార్య
		సంగీతం:	టి.జి.లింగప్ప
		గానం:	ఘంటసాల వెంకటేశ్వర రావు
		పల్లవి:	మమతలు లేని మనుజులలోన
			ఎవరికి ఎవరో తండ్రి తనయుడు ఎవరో
			మమతలు లేని మనుజులలోన
			ఎవరికి ఎవరో తండ్రి తనయుడు ఎవరో
			ఎవరికి ఎవరో
		చరణం:	ఏ కులమైనా, నెలవెదియైనా మదిలో కూరిమీ జాలుకొనా
			ఏ కులమైనా, నెలవెదియైనా మదిలో కూరిమీ జాలుకొనా
			పిలిచీ లాలించీ, కొడుకూ చందానా
			పిలిచీ లాలించీ, కొడుకూ చందానా
			చూచి కాచే దాతే నాయన కాదా!
			మమతలు లేని మనుజులలోన
			ఎవరికి ఎవరో తండ్రి తనయుడు ఎవరో
			ఎవరికి ఎవరో
		చరణం:	మాటలు నమ్మి, మనసు నీరై, దరికి తీసిన తండ్రులను
			మాటలు నమ్మి, మనసు నీరై, దరికి తీసిన తండ్రులను
			దేవుని చందానా, తలచీ, పూజించి
			దేవుని చందానా, తలచీ, పూజించి
			కొలువు చేసేవాడే కొడుకౌ గాదా!
			మమతలు లేని మనుజులలోన
			ఎవరికి ఎవరో తండ్రి తనయుడు ఎవరో
			ఎవరికి ఎవరో
			ఆ..ఆ..ఆ..ఆ..ఊ..ఊ..ఊ..

Thanks to Sri Bollapragada Someswara Rao garu for providing the movie poster.

ఈ మూగ చూపేల బావా - గాలి మేడలు నుండి ఘంటసాల, రేణుక

1962 సంవత్సరంలో విడుదలైన పద్మిని పిక్చర్స్ సంస్థ నిర్మించిన గాలిమేడలు చిత్రం నుండి ఘంటసాల మాస్టారు రేణుక తో పాడిన "ఈ మూగ చూపేలా బావ" అనే ఈ యుగళం  రచన సముద్రాల సీ., స్వరపరచినది  టి.జి.లింగప్ప. ఈ చిత్రంలో తారాగణం ఎన్.టి. రామారావు, దేవిక, ఎస్.వి. రంగారావు, జగ్గయ్య ,నాగయ్య,రమణారెడ్డి, ఎం వి రాజమ్మ,రాజనాల. ఈ చిత్రానికి నిర్మాత మరియు దర్శకుడు బి.ఆర్.పంతులు (బడగూర్ రామకృష్ణయ్య పంతులు). ఈయన తెలుగువాడు, కర్ణాటకలో పెరిగాడు.

గాలి మేడలు చిత్రంకోసం గాయని రేణుక పాడిన ఒకే ఒక పాట “ఈ మూగచూపేలా”. సినిమాలో దీనిని ఎన్.టి.ఆర్., దేవికలపై చిత్రీకరించారు. ఈ రేణుక కుమార్తె మనకు చిరపరిచితమైన తెలుగు, తమిళ, కన్నడ, హిందీ భాషలలో ఎన్నో పాటలు పాడిన కర్నాటక, హిందుస్తానీ సంగీతంలో ప్రవేశమున్న సినీ నేపథ్యగాయని అనురాధా శ్రీరామ్ పరశురాం. ఈ చిత్ర నిర్మాత బి.ఆర్.పంతులు ఇదే చిత్రాన్ని ఏకకాలంలో కన్నడ భాషలో “గాలిగోపుర” అనే పేరుతో రాజ్ కుమార్, లీలావతి ప్రధాన తారాగణంగా నిర్మించారు. కన్నడ చిత్రానికి ఇవే బాణీలతో మాస్టారు, రేణుక ఆలపించారు.

 

#00	యుగళం:	పాట:	ఈ మూగ చూపేలా బావా
		నిర్మాణం	పద్మిని పిక్చర్స్
		చిత్రం:	గాలి మేడలు (1962)
		రచన:	సముద్రాల రాఘవాచార్య
		సంగీతం:	టి.జి.లింగప్ప
		గానం:	ఘంటసాల, రేణుక
	ప:	రే:	ఈ మూగ చూపేలా బావా మాటాడగా నేరవా
		ఘం:	ఓ.. హో.. మాటాడదే బొమ్మా నీ దరి నే చేరి మాటాడనా
		రే:	ఓ..ఓ..ఈ మూగ చూపేలా బావా మాటాడగా నేరవా
		ఘం:	ఓ.. హో.. మాటాడదే బొమ్మా
	చ:	రే:	రెప్పెయ్యకుండా ఒకే తీరున నువ్వు చూస్తే నాకేదో సిగ్గౌతది
		ఘం:	ఓ.. హో.. హో...ఓ..ఓ
		రే:	రెప్పెయ్యకుండా ఒకే తీరున నువూ చూస్తే నాకేదో సిగ్గౌతది
		ఘం:	ఈ సిగ్గు ఈ ఎగ్గు ఎన్నాళ్ళులే -2
			చెయ్యి చేయీ చేరా విడిపోవులే
		రే:	ఈ మూగ చూపేలా బావా మాటాడగా నేరవా
		ఘం:	ఓ.. హో.. మాటాడదే బొమ్మా
	చ:	రే:	చల్లగ నీ చేయి నన్నంటితే చటుకున నా మేను ఝిల్లంటది
		ఘం:	ఆ.హా.. హా...హా... ఆ..ఆ..
		రే:	చల్లగ నీ చేయి నన్నంటితే చటుకున నా మేను ఝిల్లంటది
		ఘం:	నా ముందు నిలుచుండి నువ్వు నవ్వితే -2
			నా మనసే అదోలాగ జిల్లంటదే...
		రే:	ఈ మూగ చూపేలా బావా మాటాడగా నేరవా
		ఘం:	ఓ.. హో.. మాటాడదే బొమ్మా
	చ:	రే:	జాగ్రత్త బావా చెయీ గాజులు ఇవే కన్నచిన్నారి తొలిమోజులూ
		ఘం:	ఓ.. హో.. హో... హో ... ఓ..ఓ..
		రే:	జాగ్రత్త బావా చెయీ గాజులు ఇవే కన్నచిన్నారి తొలిమోజులూ
		ఘం:	చాటేనే ఎలుగెత్తి ఈ గాజులే -2
			ఈ వేళా మరేవేళ మన రోజులే
		రే:	ఈ మూగ చూపేలా బావా మాటాడగా నేరవా
		ఘం:	ఓ.. హో.. మాటాడదే బొమ్మా