అందాల రాణివై ఆడుమా - శభాష్ రాజా నుండి ఘంటసాల, లీల

	చిత్రం:	శభాష్ రాజా (1961)
	రచన:	ఆరుద్ర
	సంగీతం:	ఘంటసాల
	గానం:	ఘంటసాల, పి.లీల
	దర్శకత్వం:	పి.రామకృష్ణ
పల్లవి:	ఘంటసాల:	ఆ..ఆ..ఆ.. అందాల రాణివై ఆడుమా
	లీల:	అందాల రాణివై ఆడుమా - 2
		ఆనందపు విందులు చేయుమా
	ఇద్దరు:	అందాల రాణివై ఆడుమా
చరణం:	లీల:	ఆ..ఆ..ఆ..ఆ..
	ఘంటసాల:	ప్రియుని కలియగ బిరబిర సాగే వెలది పేరు అభిసారికా
	లీల:	ఆ..ఆ..ఆ..ఆ..
		ప్రియుని కలియగ బిరబిర సాగే వెలది పేరు అభిసారికా
	ఘంటసాల:	వలపులతో తన పసిమి నిలుపుకొను
		పడతి పేరు స్వాధీన పతిక
	ఇద్దరు:	అందాల రాణివై ఆడుమా - 2
		థగిన్నంగ నదడ్ దిన్న థా……
చరణం:	ఘంటసాల:	నీటి మేఘములు చూచిన నెమలి (వచనం)
		వేటకాని పరికించిన లేడి (వచనం)
	లీల:	నీటి మేఘములు చూచిన నెమలి
		వేటకాని పరికించిన లేడి
	ఘంటసాల:	హాయీ, భయము ఏక కాలమున
		హావ భావములు చూపుమా..
	ఇద్దరు:	అందాల రాణివై ఆడుమా, ఆనందపు విందులు చేయుమా
		అందాల రాణివై ఆడుమా
	ఘంటసాల:	నాదిర్ దిన్….
	ఇద్దరు:	అందాల రాణివై ఆడుమా - 2

Movie poster courtesy Sri Bollapragada Someswara Rao garu

చక్కనివాడే బలే టక్కరివాడే - యశోదకృష్ణ నుండి ఘంటసాల, బృందం

	నిర్మాణం:	వీనస్ మహీజా పిక్చర్స్ వారి
	చిత్రం:	యశోద కృష్ణ (1975)
	రచన:	కొసరాజు
	సంగీతం:	ఎస్. రాజేశ్వర రావు
	గానం:	ఘంటసాల, బృందం
	దర్శకత్వం:	సి.ఎస్. రావు
పల్లవి:	ఘంటసాల:	చక్కనివాడే, బలే టక్కరివాడే -2
		యశోదమ్మ ముద్దుల కొడుకెంతవాడే..ఏ..ఏ..
		చక్కనివాడే, బలే టక్కరివాడే
చరణం:	ఘంటసాల:	కొంటెకాయ పిల్లలను కూర్చుకున్నాడు
		గోకులమ్ములో చల్లగ దూరుతున్నాడు
	బృందం:	ఆఆ..ఆ..ఆ..ఆ....ఆ..ఆ..ఆ..
		పాలు పెరుగు దించుకొని, జతగాళ్ళతొ పంచుకొని
	బృందం:	అహ అహ ఒహొహొహొహో
	ఘంటసాల:	పాలు పెరుగు దించుకొని, జతగాళ్ళతొ పంచుకొని
		దొంగలాగ వెన్నముద్దలు మింగి పోయాడూ..ఊ
	బృందం:	చక్కనివాడే, బలే టక్కరివాడే
		యశోదమ్మ ముద్దుల కొడుకెంతవాడే..ఏ..ఏ..
		చక్కనివాడే, బలే టక్కరివాడే
చరణం:	ఘంటసాల:	పడకమీద ఆలుమగల పక్కనె చేరాడు
	బృందం:	ఆ..ఆ..ఆ.. ఓ..ఓ..ఓ..
	ఘంటసాల:	గడ్డానికి సిగకు ముడి గట్టిగ కట్టేసాడు
	బృందం:	ఆ..ఆ..ఆ.. ఓ..ఓ..ఓ..
	ఘంటసాల:	చాటునిండి ఈలవేసి చప్పట్లు చరిచాడు
		పట్టబోతె దొరక్కుండ గుట్టుగ దాక్కునాడు
	బృందం:	చక్కనివాడే, బలే టక్కరివాడే
		యశోదమ్మ ముద్దుల కొడుకెంతవాడే..ఏ..ఏ..
		చక్కనివాడే, బలే టక్కరివాడే
చరణం:	ఘంటసాల:	కోడలి బుగ్గమీద గోరుగాట్లు పెట్టాడు
		అత్తకు సైగచేసి వ్రేలుపెట్టి చూపాడు
		జుట్లుజుట్లు పట్టి గట్టికేక పెట్టి తిట్లుతిట్టుకొని కొట్లాడుతుంటే
		ఇరుగు పొరుగు వాళ్ళ వినికి ఎకసెక్కాలాడాడు
	బృందం:	చక్కనివాడే, బలే టక్కరివాడే
		యశోదమ్మ ముద్దుల కొడుకెంతవాడే..ఏ..ఏ..
		చక్కనివాడే, బలే టక్కరివాడే
చరణం:	ఘంటసాల:	దూడలమెడ పలుపులిప్పి ఆవులకడ వదిలాడు
		స్నానమాడు పడుచులజడి ఖంగునగని నవ్వాడు
		దేవుని పూజలు చేస్తూ నైవేద్యం పెడుతుంటే
		నేనే దేవుడనంటూ నోటి నిండ పట్టాడు
	అందరు:	చక్కనివాడే, బలే టక్కరివాడే
		యశోదమ్మ ముద్దుల కొడుకెంతవాడే..ఏ..ఏ..
		చక్కనివాడే, బలే టక్కరివాడే

సిగలోన విరిసిన సౌగంధికా - భీమాంజనేయ యుద్ధం నుండి ఘంటసాల, సుశీల

	నిర్మాణం:	మహాలక్ష్మీ మూవీస్ వారి
	చిత్రం:	భీమాంజనేయ యుద్ధం (1961)
	రచన:	డా. సి. నారాయణ రెడ్డి
	సంగీతం:	టి.వి.రాజు
	గానం:	ఘంటసాల, పి.సుశీల
పల్లవి:	ఘంటసాల:	సిగలోన విరిసిన సౌగంధికా చెలికింత తొందరయేల..ఆ..
		సిగలోన విరిసిన సౌగంధికా చెలికింత తొందరయేల
	సుశీల:	సిగలోన విరిసిన సౌగంధికా చెలి జాగుచేయుట మేలా?
		సిగలోన విరిసిన సౌగంధికా చెలి జాగుచేయుట మేలా?
చరణం:	ఘంటసాల:	పసిడి కిరణములు మెరిసే వేళ -2
		మిసిమి కోరికలు ఎగిసే వేళా..-2
		మదిలో మరులేవొ కదిలే యీ వేళా -2
		మాటైన కరువాయెనా..ఆ.. మాటైన కరువాయెనా
		సిగలోన విరిసిన సౌగంధికా చెలికింత తొందరయేల..ఆ..
చరణం:	సుశీల:	తనువు కోవెలగ వెలసిన వేళ - 2
		ప్రణయవేదములు పలికే వేళా-2
		మదిలో నాస్వామి కొలువైన వేళా-2
		మాటలు ఇంకేలనో..ఓ..మాటలు ఇంకేలనో
	ఇద్దరు:	సిగలోన విరిసిన సౌగంధికా చెలిమికి నీవే నవగీతిక
		మా చెలిమికి నీవే నవగీతిక -2

Thanks to Telugu Movie Talkies for up loading the video to You Tube. Thanks to Ghantasala Galamrutamu-Patala Paalavelli (Sri Kolluru Bhaskara Rao garu) for the information about the movie.

యాదవకుల పావనా - 'కోటీశ్వరుడు' అనువాద చిత్రం నుండి ఘంటసాల

1969 లో తమిళంలో శివాజీ గణేశన్ త్రిపాత్రాభినయంతో (తండ్రి మరియు ఇద్దరు కవల పిల్లల పాత్రలలో), జయలలిత, నాగేష్, పండరీబాయి మరియు నాగయ్య నటించిన "దేవై మగన్" చిత్రాన్ని తెలుగులో "కోటీశ్వరుడు" గా 1970 లో నిర్మించారు.  కథకొస్తే ఒక జడ్జిగారికి పుట్టిన కవల పిల్లలలో ఒకడు నల్లగా అందవికారంగా పుట్టడం వలన ఆ తండ్రి ఆ పిల్లడు పుట్టి చనిపోయాడని భార్యకు చెప్పి వేరే వ్యక్తికిచ్చి పెంచమంటాడు. వేరేగా పెరిగిన కొడుకు పెద్దయ్యాక తన తల్లిని కలవడానికి ప్రయత్నిస్తే ఆ తండ్రి కలవనీయడు. తండ్రిచే నష్టపోయిన ఒక వ్యక్తి తల్లిదండ్రుల వద్ద పెరిగిన కొడుకును అపహరిస్తాడు. అపుడు దూరమైన కొడుకు తన తమ్ముడ్ని రక్షించి తల్లివొడిలో ప్రాణాలు విడుస్తాడు.  ఈ చిత్రానికి మూలం డాక్టర్ నీహార్ రంజన్ గుప్తా రచించిన ఉల్కా అనే బెంగాలీ నాటకం. ఈ చిత్రానికి దర్శకులు ఎ. సి. త్రిలోకచందర్. సంగీతం ఎం.ఎస్.విశ్వనాథన్ మరియు జె.వి.రాఘవులు. ఈ డబ్బింగ్ చితానికి ఘంటసాల రెండు ఏకగళ గీతాలు, ఎల్.ఆర్. ఈశ్వరి తో ఒక యుగళ గీతం పాడారు. కృష్ణునిపై మాస్టారు పాడిన గీతం ఇక్కడ పొందుపరుస్తున్నాను.

	చిత్రం:	కోటీశ్వరుడు (డబ్బింగ్) 1970
	రచన:	ఆచార్య ఆత్రేయ
	సంగీతం:	ఎం.ఎస్.విశ్వనాథన్‌, జె.వి. రాఘవులు
	గానం:	ఘంటసాల
	పల్లవి:	యాదవకుల పావనా కృష్ణా! కృష్ణా!
		ఆశ్రితదీన జనా  కృష్ణా! కృష్ణా!
		యాదవకుల పావనా కృష్ణా! కృష్ణా!
		ఆశ్రితదీన జనా కృష్ణా! కృష్ణా!
		ఆలయదీపికలే కృష్ణా! కృష్ణా! -2
		అనగల హృదయములు కృష్ణా! కృష్ణా!
		అర్చన మాలికలే కృష్ణా! కృష్ణా!
		అద్భుత గానములు కృష్ణా! కృష్ణా!
		యాదవకుల పావనా కృష్ణా! కృష్ణా!
		ఆశ్రితదీన జనా
	చరణం:	ఆరని వేదనరా కృష్ణా! కృష్ణా!
		అందనీ ఆశలెరా కృష్ణా! కృష్ణా!
		ఆరని వేదనరా కృష్ణా! కృష్ణా!
		అందనీ ఆశలెరా
		ఓరిమి నాకొసగీ కృష్ణా! కృష్ణా!
		ఓరిమి నాకొసగీ కృష్ణా నన్‌ ఒక దరిజేర్చుమురా
		కృష్ణా కృష్ణా ఒక దరిజేర్చుమురా
		యాదవకుల పావనా కృష్ణా! కృష్ణా!
		ఆశ్రితదీన జనా కృష్ణా! కృష్ణా!
	చరణం:	నీ వొడి చేరితిరా కృష్ణా! కృష్ణా!
		నిన్నే నమ్మితిరా కృష్ణా! కృష్ణా!
		ఒంటరిదొక బ్రతుకూ కృష్ణా! కృష్ణా!
		వృధగా చేయుదువా కృష్ణా! కృష్ణా!
		ఒంటరిదొక బ్రతుకూ కృష్ణా! కృష్ణా!
		వృధగా చేయుదువా కృష్ణా! కృష్ణా!
		కృష్ణా..ఆ..ఆ..ఆ..కృష్ణా….ఆ…
		కృష్ణా! కృష్ణా! కృష్ణా! కృష్ణా!
	చరణం:	తల్లడిల్లే ఒక దీపమున్నది కృష్ణా! కృష్ణా!
		తల్లీ తండ్రిని వెదుకుతు వున్నది కృష్ణా! కృష్ణా!
		కన్నుల ప్రాణము మినుగుతున్నది కృష్ణా! కృష్ణా!
		కన్నయ కన్నయ శరణింకన్నది కృష్ణా! కృష్ణా!
		కృష్ణా….కృష్ణా..ఆ…..
		యాదవకుల పావనా కృష్ణా! కృష్ణా!
		ఆశ్రితదీన జనా  కృష్ణా! కృష్ణా!

 Thanks to Narasimharao Yerramsetty for uploading the video to You tube. Also thanks to Wikipedia and Ghantasala Galamrutamu-Patala paalavelli blog for the useful information.