హరేహరే రాం సీతారాం - భాగ్యదేవత చిత్రం నుండి ఘంటసాల

1959 సంవత్సరంలో విడుదలైన శ్రీ సారథీ స్టూడియోస్ సంస్థ నిర్మించిన భాగ్యదేవత చిత్రం నుండి ఘంటసాల పాడిన "హరేహరే రాం సీతారాం " అనే ఈ ఏకగళగీతం  రచన కొసరాజు, స్వరపరచినది  మాస్టర్ వేణు. ఈ చిత్రంలో తారాగణం జగ్గయ్య, సావిత్రి, బాలయ్య, రాజసులోచన, రేలంగి, సూర్యకాంతం. ఈ చిత్రానికి నిర్మాత సారథీ స్టూడియోస్ మరియు దర్శకుడు తాపీ చాణక్య. దీనిని రేలంగి పై చిత్రీకరించారు. ఈ చిత్రం 23.10.1959 న విడుదలైంది.

 

కృతజ్ఞతలు: ఘంటసాల మాస్టారు పాడిన పాటల, పద్యాల, శ్లోకాల, వెరసి  సమగ్ర రచనల సాహిత్యాన్ని అకుంఠిత దీక్షతో సేకరించి, "శతాబ్ది గాయకుడు ఘంటసాల" అను  పుస్తకంలో ప్రచురించి,  మాస్టారి అభిమానుల కోసం నా బ్లాగులో ఉపయోగించడానికి అనుమతించిన శ్రీయుతులు చల్లా సుబ్బారాయుడు గారికి శతకోటి ధన్యవాదాలు.

శెంగాయి కట్టిన సిన్నది - శకుంతల చిత్రం నుండి ఘంటసాల, బృందం

1966 సంవత్సరంలో విడుదలైన రాజ్యం సంస్థ నిర్మించిన శకుంతల చిత్రం నుండి ఘంటసాల పాడిన "శెంగాయి కట్టిన సిన్నది" అనే ఈ బృందం  రచన కొసరాజు, స్వరపరచినది  ఘంటసాల. ఈ చిత్రంలో తారాగణం ఎన్.టి. రామారావు,బి. సరోజాదేవి, నాగయ్య, పద్మనాభం, గీతాంజలి. ఈ చిత్రానికి నిర్మాత శ్రీధరరావు-రాజ్యం మరియు దర్శకుడు కె.కామేశ్వర రావు.

టౌను పక్కకెళ్ళొద్దురో - ఘంటసాల, జిక్కీ తోడికోడళ్ళు చిత్రం నుండి

బలే బలే మంచి రోజులులే - వెలుగు నీడలు నుండి ఘంటసాల, మాధవపెద్ది బృందం

                చిత్రంః         వెలుగు నీడలు - 1961

                రచనః          కొసరాజు

                సంగీతంః    పెండ్యాల

                గానంః         ఘంటసాల, మాధవపెద్ది సత్యం, బృందం

సాకీ:	మాధవపెద్ది:	కర్నూలు ఎక్కడా? కాకినాడెక్కడా?
		ఏలూరు, సాలూరు, ఆలూరు ఎక్కడా..ఆ..? వరంగల్లు ఎక్కడా?
వచనం:		స్టాప్! రైల్వే గైడు చూడరా గురూ!
	మాధవపెద్ది:	శిష్యా! శాంతి శాంతి
		వాడవాడల నుండి వాలాము ఇక్కడా
		లక్కా బంగారంలా అతుక్కుపోయామురా మై డియర్..
		హహ్హహా… ఆహా కరెక్ట్
పల్లవి:	మాధవపెద్ది:	బలే బలే మంచి రోజులులే, మళ్ళీ మళ్ళీ ఇక రావులే
	బృందం:	బలే బలే మంచి రోజులులే, మళ్ళీ మళ్ళీ ఇక రావులే
		స్టూడెంట్ లైఫే సౌఖ్యములే, చీకూ చింతకు దూరములే
		బలే బలే మంచి రోజులులే, మళ్ళీ మళ్ళీ ఇక రావులే
చరణం:	ఘంటసాల:	పంపు నీళ్ళు బందైతే స్నానానికి నోచుకోము
	మాధవపెద్ది:	గు..య్యిమని దోమలు దాడిచేస్తే శివరాత్రి జాగరణ చేస్తాము
	ఘంటసాల:	ఉప్పూకారంలేని హోటల్ సాపాటుతో చప్పబడిపోయామురా…ఆ..బ్రదర్
	వేరొకరు:	హా! ఎన్ని కష్టాలురా నా తండ్రీ
	ఘంటసాల:	భయపడకురా పుత్రా! (వచనం)
		కష్టాలను దిగమింగేస్తాం, కలకల నవ్వుతు గడిపేస్తాం!
	బృందం:	కష్టాలను దిగమింగేస్తాం కలకల నవ్వుతు గడిపేస్తాం!
		బలే బలే మంచి రోజులులే, మళ్ళీ మళ్ళీ ఇక రావులే
చరణం:	ఘంటసాల:	ఇంటికిపోతే "పెళ్ళీ! పెళ్ళని"  వెంటపడతారు పెద్దలు
	మాధవపెద్ది:	పెళ్ళిజేసుకుంటే "మేమూ మేమని" పుట్టుకొస్తారు పిన్నలు
	ఘంటసాల:	ఈ జంఝాటంతో విద్యనాశాయ సర్వం నాశాయ నమో నమోరా బ్రదర్!
	మాధవపెద్ది:	హా! హతవిధీ!
	ఘంటసాల:	సహనం! సహనం! ఉపాయం వుంది నాయనా! (వచనం)
		పెళ్ళికి బకాయి పెట్టేస్తాం, బాధ్యతలన్నీ నెట్టేస్తాం!
	బృందం:	పెళ్ళికి బకాయి పెట్టేస్తాం, బాధ్యతలన్నీ నెట్టేస్తాం!
		బలే బలే మంచి రోజులులే, మళ్ళీ మళ్ళీ ఇక రావులే
చరణం:	ఘంటసాల:	బాధ్యతలనెన్నడూ మరచిపోరాదు
		ప్రగతిమార్గమునెపుడూ వదలిపోరాదు
		క్రమశిక్ష పాటించి కదలిపోవాలిరా బ్రదర్
	బృందం:	హియర్! హియర్!
	ఘంటసాల:	ఆదర్శంగా నడవాలి, అందరు భేషని పొగడాలి
	బృందం:	ఆదర్శంగా నడవాలి, అందరు భేషని పొగడాలి
		బలే బలే మంచి రోజులులే, మళ్ళీ మళ్ళీ ఇక రావులే
		స్టూడెంట్ లైఫే సౌఖ్యములే, చీకూ చింతకు దూరములే
		బలే బలే మంచి రోజులులే, మళ్ళీ మళ్ళీ ఇక రావులే

మామా మామా మామా - మంచి మనసులు నుండి ఘంటసాల, జమునారాణి

రైతు మేడి పట్టి - నమ్మినబంటు చిత్రం నుండి ఘంటసాల, సుశీల, బృందం

గంగా యమునా తరంగాలతో - మరపురాని కథ చిత్రం నుండి ఘంటసాల

అడిగానని అనుకోవద్దు - బాలరాజు కథ నుండి ఘంటసాల, సుశీల

లక్ష్మీ ఎంటర్ప్రైజెస్ సంస్థ 1970 లో బాపు దర్శకత్వంలో అలనాతి బాలనటుడు మాస్టర్ ప్రభాకర్ టైటిల్ పాత్రలో నిర్మించిన చక్కని పిల్లల చిత్రం బాలరాజు కథ. మామ మహదేవన్6 ఈ చిత్రానికి మధురమైన మరపురాని పాటలను స్వరప్రిచారు. నిజజీవితంలో తారసపడే వ్యక్తుల ద్వారా చక్కని సూక్తులను పిల్లలు ఎంత బాగా తెలుసుకుంటారో వాటిని ఎలా పాటించాలో అన్న ఇతివృత్తాన్ని చాల చక్కగా చూపించారు బాపు గారు. ఈ చిత్రం లోని పాటలన్నీ ఆణిముత్యాలె. అందులో మహాబలిపురం మహాబలిపురం అన్న పాట జనమెరిగిన చక్కని పాట. ఎదే చిత్రానికి ఘంటసాల మాస్టారు, సుశీల పాడిన ఒక చక్కని పాటను ఇక్కడ పొందుపరుస్తున్నాను. మనసుకు హత్తుకునేలా చక్కన్ని సాహిత్యాన్ని అందించారు కొసరాజు.

	చిత్రం:	బాలరాజు కథ (1970)
	సంగీతం:	కె.వి. మహదేవన్
	సాహిత్యం:	కొసరాజు
	గానం:	ఘంటసాల, సుశీల
	సుశీల:	అడిగానని అనుకోవద్దు చెప్పకుండ దాటేయొద్దు
		ఏమిటీ రహస్యం స్వామీ ఏమిటీ విచిత్రం
		అడిగానని అనుకోవద్దు చెప్పకుండ దాటేయొద్దు
		ఏమిటీ రహస్యం? స్వామీ ఏమిటీ విచిత్రం?
	సుశీల:	ఒక్క రాయిని కాలికిందేసి తొక్కుతు ఉంటారెందుకు?
		ఇంకొక్క రాతికి చేతులెత్తుకొని మొక్కుతు ఉంటారెందుకు?
		ఒక్క రాయిని కాలికిందేసి తొక్కుతు ఉంటారెందుకు?
		ఇంకొక్క రాతికి చేతులెత్తుకొని మొక్కుతు ఉంటారెందుకు?
	ఘంటసాల:	అది వీధిలోన పడి ఉన్నందుకు
		అది వీధిలోన పడి ఉన్నందుకు
		ఇది గుడిలో బొమ్మై కూర్చున్నందుకూ
	సుశీల:	అడిగానని అనుకోవద్దు చెప్పకుండ దాటెయొద్దు
		ఏమిటీ రహస్యం స్వామీ ఏమిటీ విచిత్రం
	సుశీల:	మనిషికి ఒక పెళ్ళే చాలంటూ దేవుడు కేటేట పెళ్ళేందుకు?
		ఊరుమీద పడి చందాలెందుకు
		మనిషికి ఒక పెళ్ళే చాలంటూ దేవుడు కేటేట పెళ్ళేందుకు?
		ఊరుమీద పడి చందాలెందుకు
	ఘంటసాల:	లోకులు చూచి తరించుటకు - 2
		పలుగాకుల బొజ్జల పెంచుటకు -2
	సుశీల:	మహమ్మదీయులు పిలిచే దేవుడు
		క్రైస్తవులంతా కొలిచే దేవుడు
		ఏడుకొండల వేంకటేశ్వరుడు గోవిందా గోవిందా
		శ్రీశైలంలో మల్లిఖార్జునుడు
		వారూ వీరూ ఒకటేనా  వేరువేరుగా ఉన్నారా
		శ్రీశైలంలో మల్లిఖార్జునుడు
		వారూ వీరూ ఒకటేనా వేరువేరుగా ఉన్నారా
	ఘంటసాల:	సర్వవ్యాపి నారాయణుడు..ఊ..
		సర్వవ్యాపి నారాయణుడు
		ఎక్కడ జూచిన ఉంటాడు
		ఆ స్వామి కొరకెనే శోధిస్తున్నా
		తీర్ధాలన్నీ తిరుగుతు ఉన్నా
	సుశీల:	ఆఁ అట్టా రండి దారికి
		అక్కడ ఇక్కడ ఎక్కడ చూచిన దేవుడు ఉంటాడన్నారు
		మీరొక్క దెబ్బతో తేల్చారు
		అక్కడ ఇక్కడ ఎక్కడ చూచిన దేవుడు ఉంటాడన్నారు
		మీరొక్క దెబ్బతో తేల్చారు
		ఎక్కడ బడితే అక్కడ ఉంటే ఇక్కడకెందుకు వచ్చారు
		ఏ రాతికి మొక్కను వచ్చారు
		అడిగానని అనుకోవద్దు చెప్పకుండ దాటేయొద్దు
		ఏమిటీ రహస్యం? స్వామీ ఏమిటీ విచిత్రం?

చక్కనివాడే బలే టక్కరివాడే - యశోదకృష్ణ నుండి ఘంటసాల, బృందం

	నిర్మాణం:	వీనస్ మహీజా పిక్చర్స్ వారి
	చిత్రం:	యశోద కృష్ణ (1975)
	రచన:	కొసరాజు
	సంగీతం:	ఎస్. రాజేశ్వర రావు
	గానం:	ఘంటసాల, బృందం
	దర్శకత్వం:	సి.ఎస్. రావు
పల్లవి:	ఘంటసాల:	చక్కనివాడే, బలే టక్కరివాడే -2
		యశోదమ్మ ముద్దుల కొడుకెంతవాడే..ఏ..ఏ..
		చక్కనివాడే, బలే టక్కరివాడే
చరణం:	ఘంటసాల:	కొంటెకాయ పిల్లలను కూర్చుకున్నాడు
		గోకులమ్ములో చల్లగ దూరుతున్నాడు
	బృందం:	ఆఆ..ఆ..ఆ..ఆ....ఆ..ఆ..ఆ..
		పాలు పెరుగు దించుకొని, జతగాళ్ళతొ పంచుకొని
	బృందం:	అహ అహ ఒహొహొహొహో
	ఘంటసాల:	పాలు పెరుగు దించుకొని, జతగాళ్ళతొ పంచుకొని
		దొంగలాగ వెన్నముద్దలు మింగి పోయాడూ..ఊ
	బృందం:	చక్కనివాడే, బలే టక్కరివాడే
		యశోదమ్మ ముద్దుల కొడుకెంతవాడే..ఏ..ఏ..
		చక్కనివాడే, బలే టక్కరివాడే
చరణం:	ఘంటసాల:	పడకమీద ఆలుమగల పక్కనె చేరాడు
	బృందం:	ఆ..ఆ..ఆ.. ఓ..ఓ..ఓ..
	ఘంటసాల:	గడ్డానికి సిగకు ముడి గట్టిగ కట్టేసాడు
	బృందం:	ఆ..ఆ..ఆ.. ఓ..ఓ..ఓ..
	ఘంటసాల:	చాటునిండి ఈలవేసి చప్పట్లు చరిచాడు
		పట్టబోతె దొరక్కుండ గుట్టుగ దాక్కునాడు
	బృందం:	చక్కనివాడే, బలే టక్కరివాడే
		యశోదమ్మ ముద్దుల కొడుకెంతవాడే..ఏ..ఏ..
		చక్కనివాడే, బలే టక్కరివాడే
చరణం:	ఘంటసాల:	కోడలి బుగ్గమీద గోరుగాట్లు పెట్టాడు
		అత్తకు సైగచేసి వ్రేలుపెట్టి చూపాడు
		జుట్లుజుట్లు పట్టి గట్టికేక పెట్టి తిట్లుతిట్టుకొని కొట్లాడుతుంటే
		ఇరుగు పొరుగు వాళ్ళ వినికి ఎకసెక్కాలాడాడు
	బృందం:	చక్కనివాడే, బలే టక్కరివాడే
		యశోదమ్మ ముద్దుల కొడుకెంతవాడే..ఏ..ఏ..
		చక్కనివాడే, బలే టక్కరివాడే
చరణం:	ఘంటసాల:	దూడలమెడ పలుపులిప్పి ఆవులకడ వదిలాడు
		స్నానమాడు పడుచులజడి ఖంగునగని నవ్వాడు
		దేవుని పూజలు చేస్తూ నైవేద్యం పెడుతుంటే
		నేనే దేవుడనంటూ నోటి నిండ పట్టాడు
	అందరు:	చక్కనివాడే, బలే టక్కరివాడే
		యశోదమ్మ ముద్దుల కొడుకెంతవాడే..ఏ..ఏ..
		చక్కనివాడే, బలే టక్కరివాడే

ముద్దబంతి పూలు పెట్టీ - కలసి వుంటే కలదు సుఖం నుండి ఘంటసాల, సుశీల యుగళగీతం

శ్రీ సారధీ స్టూడియోస్ వారు 1961 లో తాపీ చాణక్య దర్శకత్వంలో నందమూరి తారక రామారావు, సావిత్రి జంటగా నటించిన చిత్రం కలసివుంటే కలదు సుఖం నిర్మించారు. ఈ చిత్రంలో మాస్టారు చాలపాటలు పాడారు. అయితే అందులో 'నావరాల తండ్రీ నీవేల పుడితివి' మరియు 'ముద్దబంతి పూలు పెట్టీ మొగిలి రేకులు జడను చుట్టి' మనం బాగా విన్నవి.  ఈ చిత్రానికి సంగీతం మాస్టర్ వేణు (మద్దూరి వేణుగోపాల్) అందించారు. వేణు బొంబాయిలోని స్కూల్ ఆఫ్ మ్యూజిక్ లో హార్మోనియం మరియు ఇతర వాద్యాలు నేర్చుకున్నారు. ఆయనకు ఇచ్చిన డిగ్రీ 'మాస్టర్'. అదే అతని పేరు ముందు చేరి అతను మాస్టర్ వేణు అయ్యారు.  ముద్దబంతి పూలు పెట్టి పాటకు ముందువచ్చే తందరాన తాననానా అనే ఆలాపనను ప్రముఖ సంగీత దర్శకులు ఎం.ఎస్. విశ్వనాథన్‌ (మాన్యాంగత్ సుబ్రమణియన్‌ విశ్వనాథన్‌) ఆలపించారు. వ్యంగగీతాలైనా, యుగళగీతాలైనా అందులో చక్కని సందేశాన్ని నింపి మనకు అందించిన ప్రఖ్యాత సినీ గేయ రచయిత కొసరాజు రాఘవయ్య చౌదరి. పుట్టింటినుండి అత్తవారింటికి వచ్చే ఆడపడుచు తీసుకు రావలసినవి అభిమానం, మర్యాదలే కాని మరే రకమైన అరణాలు, ఆభరణాలు కావని, అలాగే కథానాయకునికి అంగవైకల్యం అనేది పట్టించుకోవలసిన విషయం కాదు గుణం ముఖ్యం కాని రూపం కాదు అని ఈ చక్కని పాట ద్వారా తెలిపారు కొసరాజు గారు.  

Thanks to TeluguOne for up loading the Video to You Tube

ఒక పాట వెనుక ఎందరి కృషి ఉందో కద!

	చిత్రం:	కలసివుంటే కలదు సుఖం (1961)
	రచన:	కొసరాజు
	సంగీతం:	మాస్టర్ వేణు
	గానం:	ఘంటసాల, పి.సుశీల, ఎం.ఎస్.విశ్వనాథన్‌ (ఆలాపన)
	దర్శకత్వం:	తాపీ చాణక్య

ఆలాపన:	ఎం.ఎస్.వి.	తందనాన తాననానా..ఆ..ఆ, తందరారరారరారా...ఆ..ఆ..
		తానే తందరనన్నే...ఓ..తానారె నందనన్నా.ఆ..ఆ...తారారిరో..ఓ..
పల్లవి:	ఘంటసాల:	ముద్దబంతి పూలు పెట్టి మొగలిరేకులు జడను జుట్టి
	సుశీల:	జడను చుట్టి
	ఘంటసాల:	హంసలా నడిచి వచ్చే చిట్టెమ్మా..ఆ..ఆ..
	సుశీల:	చిట్టెమ్మా..ఆ..
	ఘంటసాల:	మా ఇంటికేమి తెచ్చావమ్మా చెప్పమ్మా..
	సుశీల:	చెప్పమ్మా..
	ఘంటసాల:	ముద్దబంతి పూలు పెట్టి మొగలిరేకులు జడను జుట్టి
		హంసలా నడిచి వచ్చే చిట్టెమ్మా.. మా ఇంటికేమి తెచ్చావమ్మా చెప్పమ్మా
	సుశీల:	అద్దమంటి మనసు ఉంది అందమైనా వయసు ఉంది
	ఘంటసాల:	వయసు ఉంది..
	సుశీల:	ఇంతకన్న ఉండేదేంది కిట్టయ్యా
	ఘంటసాల:	కిట్టయ్యా..
	సుశీల:	ఈ పేదవాళ్ళు తెచ్చేదేంది చెప్పయ్యా
	ఘంటసాల:	చెప్పయ్యా..
	సుశీల:	అద్దమంటి మనసు వుంది అందమైనా వయసు వుంది
		ఇంతకన్న ఉండేదేంది కిట్టయ్యా.. ఈ పేదవాళ్ళు తెచ్చేదేంది చెప్పయ్యా
	ఘంటసాల:	తందాన తానెననే, తందానె తానెననే, తన్నెననె నానే..ఏ., తానేనా హో..య్
చరణం:	ఘంటసాల:	పుట్టింటి అరణాలూ..ఊ.. ఘనమైన కట్నాలూ..ఊ..హోయ్.. ఓ..ఓ.
		పుట్టింటి అరణాలు, ఘనమైన కట్నాలు.. అత్తవారింటినిండా వేసినా
		అవి అభిమానమంత విలువజేసునా..ఆ.. అభిమానమంత విలువజేసునా
		ముద్దబంతి పూలు పెట్టి మొగలిరేకులు జడను జుట్టి
		హంసలా నడిచి వచ్చే చిట్టెమ్మా.. మా ఇంటికేమి తెచ్చావమ్మా చెప్పమ్మా
	ఎం.ఎస్.వి.	తందరార రారరందనా..ఆ..ఆ…, తానే తందరనానే..ఏ...ఏ..హో
		తానారె నదరన్నా..ఆ..ఆ.., తానారిరో..ఓ...ఓ..
	సుశీల:	అభిమానమాభరణం మరియాదే భూషణం..-2,  గుణము మంచిదైతే చాలయా
		మన గొప్పతనము చెప్పుకోను వీలయా..ఆ.. గొప్పతనము చెప్పుకోను వీలయా
		అద్దమంటి మనసు వుంది అందమైనా వయసు వుంది
		ఇంతకన్న ఉండేదేంది కిట్టయ్యా.. ఈ పేదవాళ్ళు తెచ్చేదేంది చెప్పయ్యా
చరణం:	ఘంటసాల:	కాలు చేయి లోపమనీ..ఈ.ఈ..ఈ... కొక్కెరాయ్ రూపమనీ..ఈ..ఈ..ఈ..
		కాలు చేయి లోపమని కొక్కెరాయ్ రూపమని.. వదినలు నన్ను గేలిచేతురా
		పిల్లనుదెచ్చి పెళ్ళిజేతురా..ఆ.. పిల్లనుదెచ్చి పెళ్ళిజేతురా
	సుశీల:	ఎవరేమి అన్ననేమి ఎగతాళి చెయ్యనేమి..
		ఎవరేమి అన్ననేమి ఎగతాళీ చెయ్యనేమి.. నవ్విన నాప చేనె పండదా!
		నలుగురు మెచ్చురోజు వుండదా!..ఆ.. నలుగురు మెచ్చురోజు వుండదా!
		అద్దమంటి మనసు వుంది అందమైనా వయసు వుంది
		ఇంతకన్న ఉండేదేంది కిట్టయ్యా.. ఈ పేదవాళ్ళు తెచ్చేదేంది చెప్పయ్యా
	ఘంటసాల:	ముద్దబంతి పూలు పెట్టి మొగలిరేకులు జడనుజుట్టి
		హంసలా నడిచి వచ్చే చిట్టెమ్మా.. మా ఇంటికేమి తెచ్చావమ్మా చెప్పమ్మా
	ఎం.ఎస్.వి.	తందరార రానరందా..ఆ..ఆ.., తందరార రారరందే..ఏ..ఏ..ఓ.., తారే..ఓ..

సీమంతానికి చక్కని పాట "మాతృత్వంలోనె వుంది ఆడజన్మ సార్ధకం" - కులగౌరవం నుండి ఘంటసాల, సుశీల

1972 లో ఎన్‌.టి.రామారావు త్రిపాత్రాభినయంతో నటించిన ఎన్‌.టి.ఆర్. మరియు అతని సోదరుడు త్రివిక్రమరావు సంయుక్తంగా రామకృష్ణ-ఎన్‌.ఏ.టి. పతాకంపై నిర్మించిన చిత్రం కులగౌరవం. ఈ చిత్రంకోసం కొసరాజు వ్రాసిన చక్కని గీతం మాతృత్వంలోనె వుంది ఆడజన్మ సార్ధకం. స్త్రీ పురుషుల అనుబంధం ఎంత గొప్పదో వివరించే ఆహ్లాదకరమైన గీతమిది. సహజమైన పదప్రయోగాలతో హైందవ సంప్రదాయాలకు అద్దంపడుతూ వ్రాసిన ఈ పాట చిరకాలం నిలచి ఈనాటికీ వింటే ఎంతో ఆనందం కలుగుతుంది.  ఈ చిత్రానికి సంగీతం సమకూర్చినది టి.జి.లింగప్ప. ఈయన ఎక్కువగా కన్నడ మరియు తమిళ చిత్రాలకు సంగీత దర్శకులుగా పనిచేశారు.

	చిత్రం:	కుల గౌరవం (1972)
	రచన:	కొసరాజు
	సంగీతం:	టి.జి.లింగప్ప
	గానం:	ఘంటసాల, సుశీల

పల్లవి:	ఘంటసాల:	మాతృత్వంలోనె వుంది ఆడజన్మ సార్ధకం
		అమ్మా అనిపించుకొనుటె స్త్రీ మూర్తికి గౌరవం
చరణం:	ఘంటసాల:	స్త్రీ పురుషులు ఒకరినొకరు ప్రేమిస్తారు
		సృష్టికి ఒక వింత శోభ కలిగిస్తారు	| స్త్రీ పురుషులు |
		మబ్బువెంట నీరువలె, పూవునంటు తావివలె	| మబ్బువెంట |
		అనుసృతముగా వచ్చును ఈ సంబంధం, ఈ అనుబంధం
		ఆలుమగలు బ్రతుకున పండించుకున్న పరమార్ధం	| మాతృత్వం |
చరణం:	సుశీల:	ప్రకృతి కాంత పురుషిని ఒడిలోన పరవశించినది
		భూమాత మురిసి పచ్చ పచ్చగ నవ్వుతున్నది	| ప్రకృతి కాంత |
		అంతా అనురాగమయం ఆనందానికి నిలయం
		పతి హృదయమె సతికి నిత్య సత్యమైన ఆలయం
		పూజించే దేవాలయం
		భర్తకు భార్యకు యిలలో వెలసిన దైవం, వెలసిన దైవం
	ఇద్దరు:	మాతృత్వంలోనె వుంది ఆడజన్మ సార్ధకం
		అమ్మా అనిపించుకొనుటె స్త్రీ మూర్తికి గౌరవం

రామయ తండ్రి ఓ! రామయ తండ్రి - సంపూర్ణ రామాయణం నుండి

వాల్మీకి రామాయణంలో గుహునిది చక్కని పాత్ర. ఈతడు నిషాధ రాజు. వేటాడడం ఈతని వృత్తి. గుహునికి ఇక్షాకు వంశ ప్రభువైన శ్రీరాముడంటే పంచ ప్రాణాలు. అరణ్య వాసం చేస్తున్న శ్రీరామచంద్రుడు తన రాజ్యం గుండా వెళ్ళబోతున్నాడని విని గుహుడు పరమానంద భరితుడయ్యాడు. రాముని రాకకై వేయి కళ్ళతో ఎదురు చూసాడు. తీరా శ్రీరాముని చూసాక ఏం మాట్లాడాలో తోచలేదు.ఈ సన్నివేశానికి చక్కని పాటను కొసరాజు వ్రాశారు. సందేశాన్ని, సున్నితమైన హాస్యాన్ని పలికించడంలో కొసరాజు ఘనులు. అందరిని - అద్దరిని, దాటలేక - దయజూడగ వంటి చక్కని పదాల ఎన్నిక తో పాటు, రామపాద ధూళి తో రాతి నాతిగా మారింది కదా! మరి నా వావను తాకితే ఏమవుతుందో, అందరిని నావతో దాటించి బ్రతుకుతున్న తనకు అది కాస్త గల్లంతైతే ఏం చేయాలో, అందుకే ముందు నీ కాళ్ళు కడగనియ్యి తండ్రీ అని గుహుని పరంగా అతిశయోక్తిని కొసరాజు సునిశితంగా పాటలో ఇమిడించారు.హనుమంతుని పాత్రను పోషించడంలో దిట్టయైన అర్జా జనార్ధన రావు గుహునిగా నటించాడు. రామునిగా శోభన్‌ బాబు, సీతగా చంద్రకళ నటించిన 'సంపూర్ణ రామాయణం' చిత్రం బాపు రూపకల్పన లో అపురూపంగా నిలిచింది. మామ మహదేవన్‌ కూర్చిన "రామయ తండ్రి" పాటను పాటను ఘంటసాల మధురంగా ఆలపించారు. 

శ్రీరామనవమి శుభాకాంక్షలు!

Thanks to IDreamNetWorks for posting the video to You Tube

ఆడియో మూలం: వీడియో నుండి

	చిత్రం:	సంపూర్ణ రామాయణం (1972)
	రచన:	కొసరాజు రాఘవయ్య చౌదరి
	గానం:	ఘంటసాల వెంకటేశ్వర రావు, బృందం
	సంగీతం:	కె.వి.మహదేవన్‌
	దర్శకత్వం:	బాపు
పల్లవి:	ఘంటసాల:	రామయ తండ్రి, ఓ! రామయ తండ్రి
		మా నోములన్ని పండినాయి రామయ తండ్రి
		మా సామివంటె నువ్వేలే రామయ తండ్రి	| రామయ |
చరణం:	ఘంటసాల:	తాటకిని ఒక్కేటున కూల్చావంటా!
		శివుని విల్లు ఒక దెబ్బకె యిరిశావంట!	| తాటకిని |
		పరశురాముడంత వోడ్ని పారదరిమినావంట
		ఆ కతలు సెప్పుతుంటె విని ఒళ్ళు మరిచిపోతుంట
	బృందం:	రామయ తండ్రి, ఓ! రామయ తండ్రి
		మా నోములన్ని పండినాయి రామయ తండ్రి
	ఘంటసాల:	మా సామివంటె నువ్వేలే రామయ తండ్రి
వచనం:	ఘంటసాల:	ఆగు బాబూ! ఆగు
చరణం:		అయ్యా నే వస్తుండా, బాబూ నే వస్తుండా	| అయ్యా నే |
		నీ కాలు దుమ్ము సోకి రాయి ఆడది అయినాదంట
		నాకు తెలుసులే..
		నా నావమీద కాలుబెడితె ఏమౌతాదో తంట	| నీ కాలు |
		దయజూపి ఒక్కసారి కాళ్ళు కడగనీయమంట
		మూడు మూర్తులా నువ్వు నారాయణ మూర్తివంట
	బృందం:	రామయ తండ్రి, ఓ! రామయ తండ్రి
		మా నోములన్ని పండినాయి రామయ తండ్రి
		మా సామివంటె నువ్వేలే రామయ తండ్రి
చరణం:	ఘంటసాల:	అందరినీ దరిజేర్చు మారాజువే
		అద్దరిని జేర్చమని అడుగుతుండావే	| అందరినీ |
		నువ్వు దాటలేక కాదులే రామయ తండ్రి	| నువ్వు దాటలేక |
		నన్ను దయజూడగ వచ్చావు రామయ తండ్రీ
	బృందం:	హైలేసా లేలో హైలేసా! - 5 (జోరుగ)
	ఘంటసాల:	హైలేసా లేలో హైలేసా! -2 (నెమ్మదిగా)
		ఓహోహో! ఓ!..ఓ…
	బృందం:	హైలేసా లేలో హైలేసా! -6