ఒకసారి మద్రాసులో నటి అంజలీదేవి గారింటికి శ్రీ పుట్టపర్తి సాయిబాబా గారు విచ్చేసిన సందర్భంలో ఘంటసాల మాస్టారు స్వయంగా వ్రాసి వినిపించిన పాట యిది అని వారి శ్రీమతి సావిత్రమ్మ గారు తన స్మృతి తరంగాలు అనే పుస్తకంలో పేర్కొన్నారు. దురదృష్టవశాత్తు ఈ పాట యొక్క ధ్వనిముద్రణం కాలేదు. ఈ పాట సాహిత్యం ఇక్కడ చూడగలరు. రచన: ఘంటసాల
1926 వ సంవత్సరం నవంబరు 23 న శ్రీ సత్యసాయి జన్మించారు. అమర గాయకులు శ్రీ ఘంటసాల గారు బాబా భక్తులు. బాబాగారి పై కొన్ని మధుర గీతాలు వ్రాసి, స్వరపరచి, గానం చేసారు. ఈ గీతాలు "ఘంటసాల గాన చరిత" మరియు ఇంకొన్ని వెబ్ సైట్లలో లభ్యమవుతున్నాయి. ఈ రోజు శ్రీ సత్యసాయి 85 వ జన్మదినం సందర్భంగా మాస్టారు పాడిన ఈ పాటను ఆడియో, వీడియో, మరియు సాహిత్యం తో ఇక్కడ పొందుపరుస్తున్నాను. ఈ పాటను ఇదివరలో నా "స్వగతం" బ్లాగులో పోస్టు చేసాను. ఇది బాబా గారిపై మాస్టారి పాట కనుక శ్రీ సత్యసాయి పుట్టినరోజు సందర్భంగా మరల ఈ బ్లాగులో పునః ప్రచురించడం సముచితం అనిపించింది.
ఘంటసాల మాస్టారి పాటలు, పద్యాలు, శ్లోకాల సాహిత్యాన్ని సేకరించి అభిమానులందరికి అందించాలనే చిన్న తాపత్రయం ఈ 'ఘంటసాల" బ్లాగు ఉద్దేశం. ఏవైనా పొరపాట్లు దొర్లి వుంటే ఆయా పోస్టుల దిగువన గాని, లేదా ఇ-లేఖ ద్వారా గాని తెలియజేయగలరు. నా ఇ-లేఖ చిరునామా: suryvulimiri@gmail.com
