24, మార్చి 2012, శనివారం

శ్రీ వేంకటేశ్వర వైభవం మొదటి రెండు భాగాలు - ఘంటసాల, పి.బి.శ్రీనివాస్ పాటలు, పద్యాలు

1972 లో తిరుమల తిరుపతి దేవస్థానం వారు నిర్మించిన డాక్యుమెంటరీ చిత్రం శ్రీ వేంకటేశ్వర వైభవం. ఈ చిత్రంలో తిరుమల మరియు తిరుపతిలో గల యాత్రా స్థల విశేషాలు, యాత్రికులకు ఏర్పాటు చేసిన సౌకర్యాలు, చూడవలసిన ప్రదేశాలు, ఆలయములో స్వామివారికి జరిగే నిత్య సేవల వివరాలు కళావాచస్పతి శ్రీ కొంగర జగ్గయ్య గారి వ్యాఖ్యానంతో వివరించబడ్డాయి. సంగీతాన్ని శ్రీ సాలూరు రాజేశ్వర రావు గారు సమకూర్చారు. ఘంటసాల, మంగళంపల్లి, పి.బి.శ్రీనివాస్, ఎస్.పి.బాలు, సుశీల, విజయలక్ష్మి, శ్రీరంగం గోపాలరత్నం, బి.వసంత తదితరులు నేపథ్య గానం అందించారు. ఆచార్య ఆత్రేయ, సి.నా.రె., ఏడిద కామేశ్వరరావు గార్లు  పాటలు, డి.రామారావు గారు పద్యాలు వ్రాసారు. ఈ పోస్టులో ఘంటసాల గారు పాడిన ఒక చిన్న పాట ఆడియో పొందుపరుస్తున్నాను. ఈ పాట రెండవ భాగంలో వస్తుంది.
మొదటి భాగము
Thanks to "nikilkvn" for loading this video to You Tube.
రెండవ భాగము
Thanks to "nikilkvn" for loading this video to You Tube.



                             వేదములే శిలలై వెలసినది కొండ 
                             ఏ దెస పుణ్య రాశులే యేరులైనది కొండ 
                             గాదిలి బ్రహ్మాది లోకముల కొనల కొండ 
                             శ్రీదేవుడుండేటి శేషాద్రి ఈ కొండ

23, మార్చి 2012, శుక్రవారం

వసంతాలు పూచే నేటి రోజు - మాస్టారి గళంలో

1969 లో విడుదలైన చిత్రం జరిగిన కథ. ఇందులో కృష్ణ, కాంచన, జగ్గయ్య మొదలగువారు నటించారు. ఈ చిత్రానికి ఘంటసాల గారు దర్శకత్వం వహించారు. ఈ చిత్రంలో శ్రీ సి.నారాయణ రెడ్డి గారు వ్రాసిన బలే మంచి రోజు పసందైన రోజు, వసంతాలు పూచే నేటి రోజు" అనే పాటను పియానో వాయిస్తూ జగ్గయ్య పాడతారు. ఈ సన్నివేశంలో కృష్ణ, కాంచన కూడ కనిపిస్తారు. ఘంటసాల గారు రెండు యుగళ గీతాలు కూడ పాడారీ చిత్రానికి. ఒకటి పి.సుశీలతో "తోడుగ నీవుంటే నీ నీడగ నేనుంటే", మరొకటి ఎల్.ఆర్.ఈశ్వరితో "లవ్ లవ్ లవ్ మి నెరజాణా"  ఈ పాటంటే మాస్టారికి చాల ఇష్టం. ప్రతి కచేరిలోను, కార్యక్రమం లోను ఈ పాటను విధిగా పాడే వారు. అది వారి మాటలలోనే వినండి. జనరంజని రేడియో కార్యక్రమంలో ఒకసారి ఘంటసాల మాస్టారు ఈ పాట గురించి ఇలా అన్నారు.

మాస్టారి ముందుమాట, తరువాత ఆడియో ట్రాక్ : ఘంటసాల గాన చరిత నుండి

అందరికీ నందన నామ సంవత్సర శుభాకాంక్షలు!
Thnaks to Trinidad526 for up loading the video to You Tube


న్యూయార్క్ కచేరీలో మాస్టారు పాడిన పాట : ఘంటసాల గాన చరిత నుండి 

ప.     బలే మంచి రోజు పసందైన రోజు
        వసంతాలు పూచే నేటి రోజు
        ఆ..ఆ..ఆయ్
        వసంతాలు పూచే నేటి రోజు                                 | బలేమంచి |

చ.     గుండెలోని కోరికలన్నీ గువ్వలుగా ఎగిసిన రోజు
        గువ్వలైన ఆ కోరికలే గూటిలోన చేరిన రోజు                | గుండెలోని |
        నింగిలోని అందాలన్నీ ముంగిటిలోనే నిలిచిన రోజు
        బలే మంచి రోజు పసందైన రోజు
        వసంతాలు పూచే నేటి రోజు

చ.     చందమామ అందిన రోజు, బృందావనై నవ్విన రోజు
        తొలివలపులు చిలికిన రోజు, కులదైవం పలికిన రోజు     | చందమామ |
        కన్నతల్లి ఆశలన్ని సన్నజాజులై విరిసిన రోజు

        భలే మంచి రోజు పసందైన రోజు
        వసంతాలు పూచే నేటి రోజు
        ఆ..ఆ..ఆయ్
        వసంతాలు పూచే నేటి రోజు
        ఆ ఆ అహ ఆ ఆ ఆ - ఆ అహ ఆ ఆ ఆ ఆ
        ఆ ఆ అహ ఆ ఆ ఆ - ఆ అహ ఆ ఆ ఆ ఆ

22, మార్చి 2012, గురువారం

ఘంటసాల, అక్కినేని చెప్పిన కుచేలోపాఖ్యానం హరికథ - శ్రీకృష్ణమాయ చిత్రం నుండి

1958 లో విడుదలైన చిత్రం శ్రీకృష్ణమాయ (నారద సంసారం). నారదుడికి తనంత గొప్పవాడు లేడని, తనవలనే త్రిమూర్తుల పనులు సవ్యంగా జరుగుతున్నాయని ఒక అహం వుండేది. అంతేకాదు, తాను విష్ణుమాయకు అతీతుడనని తెగ గర్వ పడుతుండేవాడు. పైగా తన వంటి బ్రహ్మచారి మరొకడు వుండడు, తన కున్న నిగ్రహం చాల గొప్పదనే అహంకారం వుండేది. నారదుని కి గర్వభంగం కలిగించే ప్రయత్నంలో శ్రీకృష్ణుడు ఆడిన నాటకంలో నారదుడు సాలెగూటిలో సాలీడులాగ చిక్కుకుంటాడు. సంసారిగా మారతాడు. ఆ కథను శ్రీకృష్ణమాయ అనే పేరుతో తీసారు. ఈ చిత్రంలో శ్రీకృష్ణుడుగా ఈలపాట రఘురామయ్య (కల్యాణం వెంకట సుబ్బయ్య), నారదుడుగా అక్కినేని నాగేశ్వరరావు నటించారు. తన బాల్య మిత్రుడైన కుచేలుని కథను హరికథగా చెప్పమని శ్రీకృష్ణుడు నారదుడిని కోరుతాడు. ఈ హరికథలో గాత్రం ఘంటసాల మాస్తారిది. సంభాషణలు అక్కినేనివి. ఇది పూర్తి పౌరాణికం. ఇదే హరికథను కలక్టరు జానకి చిత్రంలో బాలు హరికథగా అధునాతనంగా "వచ్చితివా బాల్య మిత్రమా" అని చెప్పాడు.





చిత్రం     : శ్రీకృష్ణమాయ (1958)
కలం     : వారణాసి సీతారామ శాస్త్రి
సంగీతం : టి.వి.రాజు
గానం    : ఘంటసాల వెంకటేశ్వరరావు
వచనం  : అక్కినేని నాగేశ్వరరావు


ఘంటసాల: జై! శ్రీమద్రమారమణ గోవిందో హరి!
              కలడు కుచేలుండను విప్రోత్తముడొకడు                       | కలడు |
              వారికి కల్గెను చింతగూర్చు సంతానమనంతముగా
              మరి దొరకదు కబళం చిరుపాపలకు ఎంత ఘోరమకటా!
అక్కినేని:    పాపం కుచేలుడు కడిపెడు పిల్లలు కన్నాడు
ఘంటసాల: కడిపెడు బిడ్డలన్ గనియు కర్మవశంబటున్ట జేసి
              ఆ బుడతల పెట్టి పోతలకు పుట్టవు చారెడు నూకలైన..ఆ..
అక్కినేని:    ఇలా సంసార బాధలు పడుతుండగా..ఒకనాడు ఇల్లాలు.. 
              కుచేలుని భార్య తన భర్త దగ్గరకు చేరి
ఘంటసాల: వినుడీ! నా మొర దయగనుడీ..                              | వినుడీ |
              పసిపాపల గతి నేనోపగజాలను                               | వినుడీ |
              మీ బాల్యమిత్రుడగు గోపాలునీ.. ఆ.. ఆ..                    | మీ బాల్య |
              గోపాలుని దరిజేరి మన గతి నెరిగింపుడు                     | వినుడీ |
అక్కినేని:    అని పార్థించిందట. అంత కుచేలుడు తన భార్య మాటలు 
              విన్నవాడై ద్వారకకు వెళ్ళాడు. అప్పుడు 
              శ్రీకృష్ణ పరమాత్మ మిత్రుని చూచి ఎదురేగి

ఘంటసాల: గట్టిగ మిత్రుని కౌగిట చేర్చెనుఎట్టెడులుంటివి మిత్రమా?     | గట్టిగ |
              నీ సంతతి యంటయు సౌఖ్యమా?
              నీ యిల్లాలనుకూలమా? ఆ.. ఆ..
అక్కినేని:    అంటూ ఆ భక్త మందారుడు ప్రశ్నించాడు. తరువాత తన భార్య రుక్మిణివైపు తిరిగి
ఘంటసాల: భూసుర వర్యుడీతడు, సుబుద్ధి, మహాత్ముడనుంగు మిత్రుడు
              నే చేసిన పుణ్యమూలమున చేకూరె నాకొక బాల్య మిత్రుడై
              వేసట చెందెనీతడూ!                                          | వేసట |
              సుపేశ కరంబుల పాదమొత్తగా
              దాసుడ నుంటి నేనిచట
              దాసివి నీవును రమ్ము నెచ్చెలీ..ఆ.. ఆ..
అక్కినేని:    అని పిలిచాడు. పిలిచి, ఆ కౌస్తుభరాయి తానే 
              కాకుండా తన భార్య చేత కూడ మిత్రుని పాదాలు వత్తిస్తూ, 
              ఇలా అన్నాడు.
ఘంటసాల: మిత్రమా నాకేమి యిత్తువు కానుక                            | మిత్రమా |
              యిన్నినాళ్ళకు కళ్ళబడితివి                                   | యిన్నినాళ్ళకు |
              వెన్నెలాయెను నాదు మనసు                                | మిత్రమా |
              ఆ.. ఆ.. ఆ..
అక్కినేని:    అని అడిగాడు. అప్పుడు కుచేలుడు తన కొంగున వున్న గుప్పెడు అటుకులు తీసి సిగ్గుతో తన 
              మిత్రుని దోసిట్లో పోసాడు. అప్పుడు శ్రీకృష్ణ పరమాత్మ పరమానందం పొంది రుక్మిణికి ఒక్క 
              పలుకైనా పెట్టకుండా అన్నీ తనే తినేశాడు. అలా తినగానే కుచేలుడు దారిద్ర్యం అంతా 
              తీరిపోయింది.  అప్పుడు కుచేలుడు మహదానందం పొంది ఆ దివ్యమూర్తి పాదాలపై పడ్డాడు. 
              పడ్డవాడై..
ఘంటసాల: నీ దయ తెలియగ తరమా!                                    | నీదయ |
              నీరజ నయనా, క్షీరాబ్ది శయనా                                | నీదయ |
అక్కినేని:   ఇహ అక్కడ, కుచేలుని ఇంటినిండా ధన,ధాన్యాదులు రాశులు పోసున్నాయి. అప్పుడు కుచేలుని 
             భార్యా బిడ్డలందరూ ఆ భక్త వత్సలుడ్ని తలచి ఇలా ప్రార్థిస్తున్నారు.
ఘంటసాల: దీనా బాంధవా, దీనా బాంధవా
              దేవా.. దీనా బాంధవా
              నీ దయ కలిగెన మాపైనా..                                    | నీదయ |
              పేదరికమ్మది తొలగే పెన్నిధులే
              ఒరిగెనులే నీ దయ కలిగెనులే
              దేవా దీనా బాంధవా                                           | దేవా దీనా |
              దీనా బాంధవా, దీనా బాంధవా
అక్కినేని:    ఇలా ప్రార్ధిస్తూ ఉండగా, కుచేలుడు తన యింట్లో ప్రవేశించాడు.
              భార్యా పుత్రుల వదనాలలో విరిసిన వెలుగును చూసి తన్మయుడైపోయాడు. ఇంకా,
ఘంటసాల: శ్రీహరి నమ్మిన వారికి వేరే కరువేమున్నది జగతి..               | శ్రీహరి |
              గుప్పెడు అటుకుల గొప్పగ జేసి
              కురిపించెను సిరులను శౌరి..ఆ..
              శ్రీమద్రమారమణ గోవిందో హరి!

కృతజ్ఞతలు:  ఆడియో ఫైలు సమకూర్చిన ఘంటసాల గాన చరిత బ్లాగుకు, సాంకేతిక వివరాలు అందించిన ఘంటసాల గళామృతము పాటల పాలవెల్లి బ్లాగులకు, చిత్ర విశేషాలు సమకూర్చిన వికిపీడియా (తెలుగు) వారికి, యూ ట్యూబ్ వీడియో సమకూర్చిన శ్రీ ప్రణీత్ గారికి, హృదయ పూర్వక ధన్యవాదాలు.

21, మార్చి 2012, బుధవారం

తొండమునేక దంతమును - పద్యం వినాయకచవితి చిత్రం నుండి దృశ్య, సాహిత్యాలతో




                         రచన:      సముద్రాల రాఘవాచార్య 
                         సంగీతం:  ఘంటసాల వెంకటేశ్వరరావు 
                         గానం:      ఘంటసాల, సుశీల, బృందం

                    బృందం:  జయగణనాయక వినాయకా                       | జయగణ |
                               శ్రితజన వాంఛాదాయకా సురనాయకా            | జయగణ |
                               జయగణనాయక వినాయకా
                               శ్రితజన వాంఛాదాయకా సురనాయకా
                               జయగణనాయక వినాయకా                    | మూడు సార్లు |
                               జై! మహాగణపతయే నమః

సంప్రదాయ శ్లోకం:
                 ఘంటసాల:  తొండమునేకదంతమును తోరపు బొజ్జయు వామహస్తమున్
                               మెండుగ మ్రోయు గజ్జెలును మెల్లని చూపుల మందహాసమున్
                               కొండొక గుజ్జురూపమున కోరిన విద్యలకెల్ల నొజ్జయై
                               యుండెడి పార్వతీతనయ ఓయి గణాధిప నీకు మ్రొక్కెదన్!
                               గణాధిప నీకు మ్రొక్కెదన్!
ఆ...ఆ...ఆ..

20, మార్చి 2012, మంగళవారం

ఎస్.వి.ఆర్., ఎన్‌.టి.ఆర్.లు వేర్వేరుగా నటించిన హరిశ్చంద్ర కథ చిత్రీకరణలో తేడాలేమిటి?

ధర్మము నాలుగు పాదాల నడిచిన యుగము కృత యుగము లేదా సత్యయుగము.  ఈ యుగానికి చెందిన ఇక్ష్వాకు వంశ మహారాజు హరిశ్చంద్రుడు.  విశ్వామిత్రుని అహంకారానికి అష్ట కష్టాలు పడినా కూడ సత్యమార్గము వదలని మహానుభావుడు యితడు.  హరిశ్చంద్రుని కథను చలన చిత్రంగా మూడు సార్లు నిర్మించారు. అయితే ముఖ్యంగా చెప్పుకోదగినవి రెండు చిత్రాలు. హరిశ్చంద్రుడు అతని భార్యయైన చంద్రమతి పాత్రలలో ఎస్.వి.రంగారావు, లక్ష్మీరాజ్యం (రాజ్యం పిక్చర్స్) తో 1956 లో హరిశ్చంద్ర గా, విజయా వారు ఎన్‌.టి.రామారావు, ఎస్.వరలక్ష్మి తో సత్య హరిశ్చంద్ర గా 1965 లో నిర్మించారు. మొదటి చిత్రానికి సుసర్ల వారు, రెండవ చిత్రానికి పెండ్యాల గారు సంగీత దర్శకులు. రెండు చిత్రాలలోనూ ఘంటసాల మాస్టారు ఎన్నో పద్యాలు, పాటలు రసవత్తరంగా గానం చేసారు. అయితే కథ ఒకటే అయినా రెండు చిత్రాలలో కొన్ని వ్యత్యాసాలున్నాయి. ఆ తేడాలను తెలుగు వన్‌ వారు సమీక్షించిన ఈ దిగువన గల వీడియోలో చూడగలరు. 


19, మార్చి 2012, సోమవారం

రంగుల్లో, మేలిమి ధ్వని ముద్రణతో - లాహిరి లాహిరి లాహిరిలో

మాయాబజార్ పేరు తలచుకోగానే హోయ్! హోయ్! నాయకా!" అని మనసు పులకరిస్తుంది. నిజానికిది కల్పిత కథ. ఈ కథకు హాస్య, శృంగార, సాహిత్య, సంగీత సౌరభాలను జతచేర్చి కూర్చి అజరామరమైన చక్కని దృశ్య కావ్యంగా తీర్చిదిద్దిన ఘనత ఎందరో కళాకారులకు దక్కింది. ఇది విజయా సంస్థకు గర్వకారణమైన చిత్రం. ఈ కథ నిజంగా జరిగిందా లేదా అన్నది అప్రస్తుతం. ఎందుకంటే కృష్ణుడు అననే అన్నాడు "రసపట్టులో తర్కం కూడదు" అని. అన్ని పాటలు అద్భుతమైన బాణీలు. అయితే నాలుగు పాటలు, (లాహిరి లాహిరి లాహిరితో కలిపి) శ్రీ సాలూరు రాజేశ్వర రావు గారివి. కారణాంతరాల వలన సాలూరు వారు తప్పుకుంటే ఘంటసాల మాస్టారు రసవత్తరంగా, పదితరాలు గుర్తుండే విధంగా ధ్వని ముద్రణను, మిగిలిన పాటలకు బాణీలతో పాటు చక్కని నేపథ్యగానం అందించారు. ఆయన తో శ్రీమతి పి.లీల గారు పోటీ పడి పాడారు అనడంలో అతిశయోక్తి లేదు. వెన్నెలలో, నౌకా విహారాన్ని ఎంతో హృద్యంగా మూడు జంటలపై చిత్రీకరించారు ఈ సన్నివేశంలో. ఈ చిత్రానికి రంగులద్ది విడుదల చేసాక, పాటలకు ధ్వనిని రీ మిక్స్ చేసి ప్రేక్షక శ్రోతలకు చాల నిరాశ కలిగించారు. ఈ పాటకు శ్రీ హరీష్ గారు (బ్యాంక్ ఆఫ్ శ్రీ ఘంటసాల, మచిలీపట్నం) ఒరిజినల్ ధ్వనిని ముద్రించి పాటలను యూ ట్యూబ్ లో లోడ్ చేసారు. వారికి ధన్యవాదాలు.



ఆడియో మూలం: ఘంటసాల గాన చరిత
పింగళి  సాలూరు  ఘంటసాల  పి.లీల

   చిత్రంమాయాబజార్
   రచనపింగళి నాగేంద్రరావు 
   గానంఘంటసాల, పి.లీల 
సంగీతం: ఘంటసాల


ఘంటసాల:   లాహిరి లాహిరి లాహిరిలో, ఓహో! జగమే ఊగెనుగా
                ఊగెనుగా తూగెనుగా
లీల:           లాహిరి లాహిరి లాహిరిలో, ఓహో! జగమే ఊగెనుగా
                ఊగెనుగా తూగెనుగా
ఘంటసాల:   ఆ.అ.అ.ఆ.ఆ.అ.అ.ఆ
లీల:           ఆ.అ.అ.ఆ.ఆ.అ.అ.ఆ

లీల:           తారాచంద్రుల విలాసములతో, విరిసే వెన్నెల పరవడిలో
ఘంటసాల:   ఉరవడిలో
లీల:           తారాచంద్రుల విలాసములతో, విరిసే వెన్నెల పరవడిలో
ఘంటసాల:   పూల వలపుతో ఘుమఘుమలాడే పిల్ల వాయువుల లాలనలూ
ఇద్దరు:        లాహిరి లాహిరి లాహిరిలో ఓహో! జగమే ఊగెనుగా
ఘంటసాల:   ఊగెనుగా తూగెనుగా
లీల:           ఆ.అ.అ.ఆ.ఆ.అ.అ.ఆ
ఘంటసాల:   ఆ.అ.అ.ఆ.ఆ.అ.అ.ఆ

ఘంటసాల:   అలల ఊపులో తీయని తలపులూ..ఊ.. చెలరేగే ఈ కలకలలో
లీల:           మిలమిలలో
ఘంటసాల:   అలల ఊపులో తీయని తలుపులు చెలరేగే ఈ కలకలలో
లీల:           మైమరపించే ప్రేమనౌకలో హాయిగ జేసే విహరణలో
ఇద్దరు:        లాహిరి లాహిరి లాహిరిలో ఓహో! జగమే ఊగెనుగా తూగెనుగా సాగెనుగా
                ఆ.అ.అ.ఆ.ఆ.అ.అ.ఆ  ఆ.అ.అ.ఆ.ఆ.అ.అ.ఆ

ఘంటసాల:   రసమయ జగమును రాసక్రీడకూ. ఊ..ఉసిగొలిపే ఈ మధురిమలో
లీల:           మధురిమలో
ఘంటసాల:   రసమయ జగమును రాసక్రీడకు ఉసిగొలిపే ఈ మధురిమలో
లీల:           ఎల్లరి మనములు ఝల్లన జేసే చల్లని దేవుని అల్లరిలో
ఇద్దరు:        లాహిరి లాహిరి లాహిరిలో ఓహో! జగమే ఊగెనుగా తూగెనుగా సాగెనుగా
                ఆ.అ.అ.ఆ.ఆ.అ.అ.ఆ ఆ.అ.అ.ఆ.ఆ.అ.అ.ఆ ఆ.అ.అ.ఆ.ఆ.అ.అ.ఆ
                లాహిరి లాహిరి లాహిరిలో ఓహో! జగమే ఊగెనుగా తూగెనుగా సాగెనుగా

కనుగొంటిన్ కనుగొంటి - పద్యం - సంపూర్ణ రామాయణం నుండి

ఈ పద్యం 1972 లో శ్రీ బాపు దర్శకత్వంలో రూపుదిద్దుకున్న సంపూర్ణ రామాయణం" చిత్రం లోనిది. హనుమంతుడు సీతాన్వేషణలో లంకను జేరి, ఏ పరిస్థితుల్లో ఆ మహాసాధ్వి ప్రత్యర్థియైన రావణుని లంకలో శ్రీరాముని ఎడబాసి విలపిస్తుందో గ్రహించాడు. తిరిగి రాముని చేరి, తను చూసిన వివరాలు, ఆ వైనం వివరిస్తూ కనుగొంటిని సీతామతల్లిని అని వివరిస్తాడు. శ్రీ గబ్బిట వెంకటరావు గారు వ్రాయగా, మామ మహదేవన్‌ గారు బాణీ కట్టగా ఘంటసాల మాస్టారు అద్భుతంగా గానం చేసారీ పద్యాన్ని. శ్రీ అర్జా జనార్ధనరావు గారు ఆంజనేయునిగా నటించారు.


ఆడియో ఫైలు: అంతర్జాలం 


                     చిత్రం:         సంపూర్ణ రామాయణం (1972)
                     రచన:         గబ్బిట వెంకటరావు
                     సంగీతం:      కె.వి.మహదేవన్
                     గానం:         ఘంటసాల

                     కనుగొంటిన్ కనుగొంటి జానకిని శోకవ్యాకుల స్వాంతనా
                     జననిన్ రావణు లంకలో, వనములో, ప్రత్యర్ధి కూటంబులో
                     అనిశంబున్ భవదీయ దివ్య పదపద్మారాధనా దీక్షయై
                     దినముల్ లెక్కిడుచుండె మిమ్ముగన తండ్రీ! రామచంద్ర ప్రభూ!

18, మార్చి 2012, ఆదివారం

గులేబకావళి కథ నుండి గుబాళించే మరొక స్వర కుసుమం - ఘంటసాల, జానకి గళాలలో

1962 లో నిర్మించ బడిన గులేబకావళి కథ కల్పిత కథ. గులేబకావళి (గుల్-ఎ-బకావళి) పుష్పం పై గల ఒక కథను జానపద చిత్రంగా  పలు భాషలలో నిర్మించబడింది. అయితే తమిళంలో ఎం.జి.ఆర్. నటించిన కథకు, తెలుగు లో ఎన్.టి.ఆర్., జమున నటించిన చిత్ర కథకు కొంత వ్యత్యాసం వుంది. ఈ చిత్రం తో సినీ అరంగేట్రం చేసిన శ్రీ సి.నారాయణ రెడ్డి గారు "నన్ను దోచుకొందువటే" పాటతో బాగా ప్రసిద్ధి పొందారు. వారి మరొక అద్భుతమైన గీతం "కలల అలలపై తేలెను. దీనిని ఘంటసాల మాస్టారు, ఎస్. జానకి గానం చేసారు. ఈ పాట గులేబకావళి పాత్ర ధారిణి నాగరత్నం మరియు ఎన్.టి.ఆర్.లపై చిత్రీకరించారు. ఎంతో ఆహ్లాదంగా, సుమధురంగా  సాగే ఈ పాట యొక్క దృశ్య, శ్రావణ, సాహిత్యాలను ఇక్కడ పొందు పరుస్తున్నాను.
  

ఆడియో ఫైలు: కలల అలలపై తేలెను


         చిత్రం:             గులేబకావళి కథ (1962)
         కలం:             డా.సి.నారాయణ రెడ్డి
         సంగీతం:         జోసెఫ్ కృష్ణమూర్తి
         గానం:            ఘంటసాల, ఎస్.జానకి

ప:       జానకి:            కలల అలలపై తేలెను మనసు మల్లెపూవై
          ఘంటసాల:      ఎగసిపోదునో చెలియా నీవే ఇక నేనై
          జానకి:            కలల అలలపై

చ.       జానకి:            జలకమాడు జవరాలిని చిలిపిగ చూసేవెందుకు              | జలకమాడు |
          ఘంటసాల:      తడిసీ తడియని కొంగున ఒడలు దాచుకున్నందుకు        | తడిసీ |
          జానకి:            చూపుతోనె హృదయవీణ ఝుమ్మనిపించేవెందుకు         | చూపుతోనె |
          ఘంటసాల:      విరిసీ విరియని పరువము
          జానకి:            ఆ.. ఆ
          ఘంటసాల:      మరులు గొలుపుతున్నందుకు  
          జానకి:            ఆ.. ఆ..
          ఘంటసాల:      విరిసీ విరియని పరువము మరులు గొలుపుతున్నందుకు
          జానకి:            కలల అలలపై

చ.       జానకి:            సడి సవ్వడి వినిపించని నడి రాతిరి ఏమన్నది               | సడి సవ్వడి|
          ఘంటసాల:      జవరాలిని చెలికానిని
          జానకి:            ఊ.. ఊ..
          ఘంటసాల:      జంటగూడి రమ్మన్నది
          జానకి:            ఊ.. ఊ..
          ఘంటసాల:      జవరాలిని చెలికానిని జంటగూడి రమ్మన్నది
 
ప.       ఘంటసాల:      విరజాజులు పరిమళించు విరుల పానుపేమన్నది           | విరజాజులు |
          జానకి:            అగుపించని ఆనందము
          జానకి:            ఆ.. ఆ..
          ఘంటసాల:      బిగి కౌగిట కలదన్నది
          జానకి:            ఆ.. ఆ..
          ఘంటసాల:      అగుపించని ఆనందము బిగి కౌగిట కలదన్నది
          జానకి:            కలల అలలపై తేలెను మనసు మల్లెపూవై
          ఘంటసాల:      ఎగసిపోదునో చెలియా నీవే ఇక నేనై
          జానకి:            కలల అలలపై

విన్నపము

ఘంటసాల మాస్టారి పాటలు, పద్యాలు, శ్లోకాల సాహిత్యాన్ని సేకరించి అభిమానులందరికి అందించాలనే చిన్న తాపత్రయం ఈ 'ఘంటసాల" బ్లాగు ఉద్దేశం. ఏవైనా పొరపాట్లు దొర్లి వుంటే ఆయా పోస్టుల దిగువన గాని, లేదా ఇ-లేఖ ద్వారా గాని తెలియజేయగలరు. నా ఇ-లేఖ చిరునామా: suryvulimiri@gmail.com

మాస్టారు పాడిన నేరు చిత్రాలు

చి-అంతస్తులు-1965 (4) చి-అంతా మనవాళ్ళే-1954 (1) చి-అందం కోసం పందెం-1971 (2) చి-అగ్గి బరాటా-1966 (1) చి-అత్తా ఒకింటి కోడలే-1958 (1) చి-అన్నపూర్ణ-1960 (1) చి-అప్పుచేసి పప్పుకూడు-1959 (5) చి-అమరశిల్పి జక్కన్న-1964 (2) చి-అమాయకుడు-1968 (1) చి-ఆడ పెత్తనం-1958 (2) చి-ఆత్మగౌరవం-1966 (1) చి-ఆనందనిలయం-1971 (1) చి-ఆప్తమిత్రులు-1963 (1) చి-ఆరాధన-1962 (2) చి-ఆస్తిపరులు-1966 (1) చి-ఇద్దరు పెళ్ళాలు-1954 (1) చి-ఇద్దరు మిత్రులు-1961 (3) చి-ఉమాచండీగౌరీశంకరుల కధ-1968 (1) చి-ఉమాసుందరి-1956 (3) చి-ఉయ్యాల జంపాల-1965 (1) చి-ఉషాపరిణయం-1961 (1) చి-ఋష్యశృంగ-1961 (1) చి-ఏకవీర-1969 (1) చి-కనకదుర్గ పూజా మహిమ-1960 (2) చి-కన్నకొడుకు-1973 (1) చి-కన్యాశుల్కం-1955 (2) చి-కలసివుంటే కలదుసుఖం-1961 (2) చి-కాంభోజరాజుకథ-1967 (1) చి-కాళహస్తి మహత్మ్యం-1954 (10) చి-కీలుగుఱ్ఱం-1949 (4) చి-కుంకుమ రేఖ-1960 (1) చి-కులగౌరవం-1972 (1) చి-కృష్ణ లీలలు-1959 (3) చి-కృష్ణప్రేమ-1961 (3) చి-కొడుకు కోడలు-1972 (1) చి-గాలిమేడలు-1962 (2) చి-గుండమ్మకథ-1962 (1) చి-గుడిగంటలు-1964 (1) చి-గుణసుందరి కథ-1949 (1) చి-గులేబకావళి కథ-1962 (4) చి-గృహప్రవేశము-1946 (1) చి-గృహలక్ష్మి-1967 (3) చి-చండీరాణి-1953 (1) చి-చంద్రహారం-1954 (3) చి-చంద్రహాస-1965 (1) చి-చరణదాసి-1956 (2) చి-చింతామణి-1956 (1) చి-చిట్టి తమ్ముడు-1962 (1) చి-చిలకా-గోరింక-1966 (1) చి-చివరకు మిగిలేది!-1960 (1) చి-చెంచు లక్ష్మి-1958 (1) చి-జగదేకవీరుని కథ-1961 (3) చి-జయం మనదే-1956 (1) చి-జయభేరి-1959 (3) చి-జయసింహ-1955 (3) చి-జరిగిన కథ-1969 (1) చి-జీవన తరంగాలు-1973 (1) చి-జైజవాన్‌-1970 (1) చి-టైగర్ రాముడు-1962 (1) చి-డా.ఆనంద్-1966 (1) చి-డా.చక్రవర్తి-1964 (1) చి-తెనాలి రామకృష్ణ-1956 (5) చి-తేనె మనసులు-1965 (1) చి-తోడికోడళ్ళు-1957 (1) చి-తోడికోడళ్ళు-1977 (1) చి-దీపావళి-1960 (2) చి-దేవకన్య-1968 (1) చి-దేవత-1965 (1) చి-దేవదాసు-1953 (1) చి-దేవాంతకుడు-1960 (1) చి-దేశద్రోహులు-1964 (1) చి-దొరికితే దొంగలు (1) చి-ద్రోహి-1948 (1) చి-ధర్మదాత-1970 (1) చి-ధర్మాంగద-1949 (1) చి-నమ్మినబంటు-1960 (1) చి-నర్తనశాల-1963 (2) చి-నలదమయంతి-1957 (1) చి-నవగ్రహపూజా మహిమ-1964 (1) చి-నాదీ ఆడజన్మే-1965 (1) చి-నిరుపేదలు-1954 (1) చి-నిర్దోషి-1951 (1) చి-నిర్దోషి-1967 (1) చి-పరమానందయ్య శిష్యుల కథ-1966 (2) చి-పరోపకారం-1953 (2) చి-పల్నాటి యుద్ధం-1947 (3) చి-పల్నాటి యుద్ధం-1966 (1) చి-పల్లెటూరి పిల్ల-1950 (1) చి-పల్లెటూరు-1952 (4) చి-పవిత్ర బంధం-1971 (1) చి-పవిత్ర హృదయాలు-1971 (1) చి-పసుపు కుంకుమ-1955 (1) చి-పాండవ వనవాసం-1965 (5) చి-పాండురంగ మహత్మ్యం-1957 (1) చి-పాతాళ భైరవి-1951 (1) చి-పిచ్చి పుల్లయ్య-1953 (1) చి-పిడుగు రాముడు-1966 (1) చి-పూజాఫలం-1964 (1) చి-పెండ్లి పిలుపు-1961 (1) చి-పెద్ద మనుషులు-1954 (2) చి-పెళ్ళి కాని పిల్లలు-1961 (2) చి-పెళ్ళి చేసి చూడు-1952 (3) చి-పెళ్ళి సందడి-1959 (1) చి-పెళ్ళినాటి ప్రమాణాలు-1958 (3) చి-పేదరాశి పెద్దమ్మ కథ-1968 (2) చి-పొట్టి ప్లీడరు-1966 (1) చి-ప్రపంచం-1950 (1) చి-ప్రమీలార్జునీయం-1965 (2) చి-ప్రియురాలు-1952 (1) చి-ప్రేమ నగర్-1971 (1) చి-ప్రేమ-1952 (1) చి-బంగారు గాజులు-1968 (1) చి-బండ రాముడు-1959 (1) చి-బందిపోటు-1963 (1) చి-బడి పంతులు-1972 (1) చి-బభ్రువాహన-1964 (3) చి-బలే బావ-1957 (1) చి-బాల భారతం-1972 (1) చి-బాలనాగమ్మ-1959 (4) చి-బాలభారతం-1972 (1) చి-బాలరాజు కథ-1970 (1) చి-బాలరాజు-1948 (2) చి-బాలసన్యాసమ్మ కథ-1956 (1) చి-బావమరదళ్ళు-1961 (1) చి-బికారి రాముడు-1961 (1) చి-బొబ్బిలి యుద్ధం-1964 (1) చి-బ్రతుకుతెరువు-1953 (1) చి-భక్త అంబరీష-1959 (2) చి-భక్త జయదేవ-1961 (1) చి-భక్త తుకారాం-1973 (3) చి-భక్త రఘునాథ్-1960 (2) చి-భక్త రామదాసు-1964 (1) చి-భక్త శబరి-1960 (1) చి-భట్టి విక్రమార్క-1960 (1) చి-భలే అమ్మాయిలు-1957 (1) చి-భాగ్యదేవత-1959 (1) చి-భాగ్యరేఖ-1957 (1) చి-భామా విజయం-1967 (2) చి-భీమాంజనేయ యుద్ధం-1966 (4) చి-భీష్మ-1962 (5) చి-భూకైలాస్-1958 (4) చి-భూలోకంలో యమలోకం-1966 (1) చి-మంచి మనసుకు మంచి రోజులు-1958 (1) చి-మంచి మనసులు-19 (1) చి-మంచిరోజులు వచ్చాయి-1972 (1) చి-మనదేశం-1949 (3) చి-మనసు మమత (1) చి-మనుషులు-మమతలు-1965 (1) చి-మరపురాని కథ-1967 (2) చి-మర్మయోగి-1964 (1) చి-మల్లీశ్వరి-1951 (3) చి-మహాకవి కాళిదాదు-1960 (2) చి-మహామంత్రి తిమ్మరుసు-1962 (3) చి-మాయాబజార్-1957 (3) చి-మూగ మనసులు-1964 (2) చి-మోహినీ భస్మాసుర-1966 (1) చి-యశొద కృష్ణ-1975 (1) చి-యోగి వేమన-1947 (1) చి-రంగుల రాట్నం-1967 (1) చి-రక్త సిందూరం-1967 (1) చి-రక్షరేఖ-1949 (1) చి-రణభేరి-1968 (2) చి-రహస్యం-1967 (2) చి-రాజ మకుటం-1960 (1) చి-రాజకోట రహస్యం-1971 (2) చి-రాజు పేద-1954 (2) చి-రాము-1968 (2) చి-రుణానుబంధం-1960 (1) చి-రేణుకాదేవి మహాత్మ్యం-1960 (1) చి-రోజులు మారాయి-1955 (1) చి-లక్ష్మమ్మ-1950 (2) చి-లక్ష్మీ కటాక్షం-1970 (2) చి-లవకుశ-1963 (1) చి-వదినగారి గాజులు-1955 (1) చి-వరుడు కావాలి-1957 (1) చి-వాగ్దానం-1961 (3) చి-వారసత్వం-1964 (2) చి-వాల్మీకి-1963 (1) చి-విచిత్ర కుటుంబం-1969 (2) చి-విజయం మనదే-1970 (1) చి-వినాయక చవితి-1957 (5) చి-విమల-1960 (2) చి-విష్ణుమాయ-1963 (1) చి-వీర కంకణం-1957 (2) చి-వీరాంజనేయ-1968 (2) చి-వెలుగు నీడలు-1961 (2) చి-వెలుగునీదలు-1961 (1) చి-శకుంతల-1966 (1) చి-శభాష్ పాపన్న-1972 (1) చి-శభాష్ రాజా-1961 (1) చి-శభాష్ రాముడు-1959 (1) చి-శాంతి నివాసం-1960 (1) చి-శోభ-1958 (1) చి-శ్రీ గౌరీ మహత్మ్యం-1956 (4) చి-శ్రీ వేంకటేశ్వర వైభవం-1971 (1) చి-శ్రీ సత్యనారాయణ మహత్యం-1964 (2) చి-శ్రీ సింహాచలక్షేత్ర మహిమ-1965 (1) చి-శ్రీకాకుళ ఆంధ్ర మహావిష్ణువు కథ-1966 (1) చి-శ్రీకాకుళ ఆంధ్రమహావిష్ణువు కథ-1966 (1) చి-శ్రీకృష్ణ కుచేల-1961 (2) చి-శ్రీకృష్ణ తులాభారం-1966 (1) చి-శ్రీకృష్ణ పాండవీయం-1966 (3) చి-శ్రీకృష్ణ విజయం-1971 (1) చి-శ్రీకృష్ణమాయ-1958 (2) చి-శ్రీకృష్ణార్జున యుద్ధం-1963 (1) చి-శ్రీవేంకటేశ్వర మహత్మ్యం-1960 (1) చి-శ్రీవేంకటేశ్వర వైభవం-1971 (2) చి-షావుకారు-1950 (2) చి-సంతానం-1955 (5) చి-సంపూర్ణ రామాయణం-1972 (4) చి-సంసారం-1950 (3) చి-సతీ అనసూయ-1957 (2) చి-సతీ సక్కుబాయి-1965 (3) చి-సతీ సులోచన-1961 (2) చి-సత్య హరిశ్చంద్ర-1965 (2) చి-సప్తస్వరాలు-1969 (1) చి-సారంగధర-1957 (2) చి-సీతారామ కల్యాణం-1961 (2) చి-సుమంగళి-1965 (1) చి-స్వప్న సుందరి-1950 (3) చి-స్వర్గసీమ-1945 (1) చి-స్వర్ణ మంజరి-1962 (1) చి-హంతకులొస్తున్నారు జాగ్రత్త-1966 (1) చి-హరిశ్చంద్ర-1956 (2)

సహగాయనీ గాయకులు

గా-ఎ.పి.కోమల తో (3) గా-ఎం.వి.రాజమ్మ తో (1) గా-ఎస్.జానకి తో (5) గా-గానసరస్వతి తో (1) గా-గోపాలరత్నం తో (1) గా-ఘంటసాల (79) గా-ఘంటసాల-పి.సుశీల (3) గా-ఘంటసాల-బృందం (5) గా-జమునారాణి తో (2) గా-జి.వరలక్ష్మి తో (1) గా-జిక్కి తో (1) గా-జిక్కీ తో (4) గా-జిక్కీ-బాలసరస్వతి తో (1) గా-జిక్కీతో (5) గా-పలువురి తో (1) గా-పి.కన్నాంబ తో (1) గా-పి.బి.శ్రీనివాస్ తో (3) గా-పి.భానుమతి తో (11) గా-పి.లీల తో (21) గా-పి.సుశీల తో (49) గా-పి.సుశీల-బృందంతో (2) గా-పిఠాపురం తో (1) గా-బాలసరస్వతి తో (3) గా-బృందం తో (35) గా-బృందంతో (2) గా-బెంగుళూరు లత తో (1) గా-బెజవాడ రాజరత్నం తో (2) గా-భానుమతి-పిఠాపురం తో (1) గా-మాధవపెద్ది (5) గా-రాధాజయలక్ష్మి తో (2) గా-రేణుక తో (1) గా-లతా మంగేష్కర్ తో (1) గా-వి.జె.వర్మతో (1) గా-వి.సరళ తో (2) గా-శరావతి తో (1) గా-శోభారాణితో (2) గా-శ్రీదేవి తో (1) గా-సరోజిని తో (1) గా-సి.కృష్ణవేణి తో (2) గా-సుందరమ్మ తో (1) గా-సుశీల-బృందం తో (1)

మాస్టారి పాటల సంగీత దర్శకులు

స-విజయభాస్కర్ (1) సం -A.M.రాజా (1) సం- ఘంటసాల (1) సం-అద్దేపల్లి (1) సం-అశ్వత్థామ (4) సం-అశ్వద్ధామ (1) సం-ఆదినారాయణ రావు (5) సం-ఆదినారాయణరావు (2) సం-ఆర్.గోవర్ధనం (2) సం-ఆర్.సుదర్శనం (2) సం-ఆర్.సుదర్శనం-ఆర్.గోవర్ధనం (1) సం-ఎం.రంగారావు (1) సం-ఎల్.మల్లేశ్వరరావు (3) సం-ఎస్.పి.కోదండపాణి (12) సం-ఓగిరాల (1) సం-ఓగిరాల-అద్దేపల్లి (2) సం-ఓగిరాల-టి.వి.రాజు (4) సం-కె.ప్రసాదరావు (1) సం-కె.వి. మహదేవన్ (2) సం-కె.వి.మహదేవన్ (15) సం-గాలి పెంచల (6) సం-ఘంటసాల (79) సం-జె.వి.రాఘవులు (1) సం-జోసెఫ్-విజయాకృష్ణమూర్తి (2) సం-జోసెఫ్.వి.కృష్ణమూర్తి (1) సం-టి.ఆర్.పాప (1) సం-టి.ఎం.ఇబ్రహీం (1) సం-టి.చలపతిరావు (9) సం-టి.జి.లింగప్ప (3) సం-టి.వి.రాజు (31) సం-నాగయ్య-ఓగిరాల (1) సం-నాగయ్య-తదితరులు (1) సం-పామర్తి (5) సం-పామర్తి-సుధీర్ ఫడ్కె (1) సం-పామర్తి-సుధీర్ ఫడ్కే (1) సం-పి.శ్రీనివాస్ (2) సం-పెండ్యాల (38) సం-బాబురావు (1) సం-బాలాంత్రపు (1) సం-బి.గోపాలం (2) సం-బి.శంకర్ (1) సం-మణి-పూర్ణానంద (1) సం-మల్లేశ్వరరావు (1) సం-మాస్టర్ వేణు (12) సం-ముగ్గురు దర్శకులు (2) సం-రాజన్‌-నాగేంద్ర (2) సం-రాజు-లింగప్ప (2) సం-రాజేశ్వరరావు-హనుమంతరావు (1) సం-రామనాథన్‌ (3) సం-రామనాథన్‌-పామర్తి (1) సం-విజయా కృష్ణమూర్తి (3) సం-విశ్వనాథన్‌-రాఘవులు (1) సం-విశ్వనాథన్‌-రామ్మూర్తి (5) సం-వై.రంగారావు (1) సం-సర్దార్ మల్లిక్ - పామర్తి (1) సం-సాలూరు (44) సం-సాలూరు-గోపాలం (1) సం-సి. ఆర్. సుబ్బరామన్ (1) సం-సుదర్శనం-గోవర్ధనం (12) సం-సుబ్బయ్యనాయుడు (2) సం-సుబ్బురామన్ (1) సం-సుబ్బురామన్‍-విశ్వనాథన్ (1) సం-సుసర్ల (18) సం-హనుమంతరావు (2) సం-MSV-రామ్మూర్తి-పామర్తి (1)

మాస్టారి పాటల రచయితలు

ర-అనిసెట్టి (13) ర-అనిసెట్టి-పినిసెట్టి (1) ర-ఆత్రేయ (18) ర-ఆదినారాయణ రావు (1) ర-ఆరుద్ర (39) ర-ఉషశ్రీ (1) ర-ఎ.వేణుగోపాల్ (1) ర-కాళిదాసు (3) ర-కాళ్ళకూరి (1) ర-కొసరాజు (17) ర-కోపల్లి (1) ర-గబ్బిట (2) ర-గోపాలరాయ శర్మ (1) ర-ఘంటసాల (1) ర-చేమకూర. (1) ర-జంపన (2) ర-జయదేవకవి (1) ర-జాషువా (1) ర-జి.కృష్ణమూర్తి (3) ర-తాండ్ర (1) ర-తాపీ ధర్మారావు (8) ర-తిక్కన (2) ర-తిరుపతివెంకటకవులు (1) ర-తోలేటి (12) ర-దాశరథి (8) ర-దీక్షితార్ (1) ర-దేవులపల్లి (3) ర-నార్ల చిరంజీవి (1) ర-పరశురామ్‌ (1) ర-పాలగుమ్మి పద్మరాజు (3) ర-పింగళి (26) ర-బమ్మెఱ పోతన (2) ర-బాబ్జీ (1) ర-బాలాంత్రపు (3) ర-బైరాగి (1) ర-భాగవతం (1) ర-భావనారాయణ (1) ర-భుజంగరాయ శర్మ (1) ర-మల్లాది (8) ర-ముద్దుకృష్ణ (3) ర-రాజశ్రీ (2) ర-రామదాసు (1) ర-రావులపర్తి (1) ర-రావూరి (1) ర-వసంతరావు (1) ర-వారణాసి (2) ర-విజికె చారి (1) ర-వీటూరి (4) ర-వేణు (1) ర-వేములపల్లి (1) ర-శ్రీశ్రీ (28) ర-సదాశివ బ్రహ్మం (9) ర-సముద్రాల జూ. (20) ర-సముద్రాల సీ. (42) ర-సి.నా.రె. (2) ర-సినారె (24) ర-సుంకర (1) ర-సుంకర-వాసిరెడ్డి (1) ర-సుబ్బారావు (1) రచన-ఘంటసాల (1) రచన-దాశరధి (2) రచన-దేవులపల్లి (2) రచన-పానుగంటి (1) రచన-పింగళి (2) రచన-బలిజేపల్లి (1) రచన-సముద్రాల సీ. (1)