ఘంటసాల, బృందం గానం చేసిన వినరయ్యా రామకథా! - సతీ సులోచన నుండి

	నిర్మాణం:	శ్రీకాంత్ ప్రొడక్షన్స్
	చిత్రం:	సతీ సులోచన (ఇంద్రజిత్) 1961
	రచన:	సముద్రాల రాఘవాచార్య
	సంగీతం:	టి.వి.రాజు
	గానం:	ఘంటసాల, బృందం

పల్లవి:	ఘంటసాల:	వినరయ్యా రామకథా, శ్రీ రఘుకులమౌళీ పుణ్యకథా, వినరయ్యా రామకథా
	బృందం:	రఘుపతి రాఘవ రాజారాం, పతీత పావన సీతారాం (2)
చరణం:	ఘంటసాల:	దశరథ నృపతి సంతతి కోరి, చేసె పుత్రకామేష్టి
		దేవతలొసగిన పాయసమహిమా కలిగిరి నలుగురు సుతులూ..
	బృందం:	వినరయ్యా రామకథా, శ్రీ రఘుకులమౌళీ పుణ్యకథా, వినరయ్యా రామకథా
చరణం:	ఘంటసాల:	దేవేరులు తమ కూరిమిసుతుల, పెంచిరి కడుమురిపాన
		అరువదినాలుగు కళలనేర్చిరి గురువు వశిష్టుని కరుణా..ఆ.
	బృందం:	వినరయ్యా రామకథా, శ్రీ రఘుకులమౌళీ పుణ్యకథా, వినరయ్యా రామకథా
చరణం:	ఘంటసాల:	విశ్వామిత్రుడు దశరథరాముని పంపగకోరెను తనవెంటా
		క్రతురక్షణకై రామలక్ష్మణులు కదలిరి కౌశికువెంటా..ఆ.
	బృందం:	వినరయ్యా రామకథా
చరణం:	ఘంటసాల:	యాగముగాచీ మిథిలకుసాగి, పతిశాపమున శిలయైయున్న
		సతి అహల్యకు తొలిరూపొసగే తనపదధూళీ దాశరథీ
	బృందం:	వినరయ్యా రామకథా
చరణం:	ఘంటసాల:	జనకునిసభలో శివునీధనువు చెఱకుకోలవలలే విరుగగజేసి
		సకలలోకములు సంతోషింప సీతను రాముడు పెండ్లాడె
	బృందం:	వినరయ్యా రామకథా
చరణం:	ఘంటసాల:	చిననాడొసగిన వరముల బదులుగ కౌసల్యాసుతు కానలకంపి
		తన కొడుకునకు పట్టమూగట్టగా దశరథునడిగెను కైకేయి
		తండ్రిమాట పరిపాలనసేయగ తమ్ముడూ, సీతయూ వెంబడిరాగా
		సాకేతమువిడి దినమొకచోటుగ చేరెపంచవటి రఘుమౌళీ
	బృందం:	వినరయ్యా రామకథా
చరణం:	ఘంటసాల:	సొంపుగ పర్ణకుటీరమువేసి, ఇంపగు పండ్లూ, పూవులొసంగి
		అన్నమూ, నిదురామాని లక్ష్మణుడు అన్నావదినల సేవించే
	బృందం:	రఘుపతి రాఘవ రాజారాం, పతీత పావన సీతారాం
చరణం:	ఘంటసాల:	సౌమిత్రినిగని శూర్పణఖా, ప్రేమించుమనీ బాధింపా
		చుప్పనాతి ముక్కుచెవులూగోసి పంపెను మోహపుఫలితముగా
		పంపెను మోహపు ఫలితముగా
		మారీచుడు బంగారులేడియై వదలగ ఆశ్రమభాగానా
		పతిని లేడి కొనితెమ్మనె సీతా, రాముడేగె కొనితేగా.ఆ., రాముడేగె కొనితేగా
		రాముబంటుతో "హా! లక్ష్మణా! హా! లక్ష్మణా"యని అరచెను బిట్టుగ మాయావి
		అన్నకు తోడుగ పొమ్మని తమ్ముని ఆదేశించెను వైదేహీ.ఈ. వైదేహీ
	బృందం:	రఘుపతి రాఘవ రాజారాం, పతీత పావన సీతారాం
చరణం:	ఘంటసాల:	వదినమాట కాదనగాలేక, వంచనయని నమ్మించగలేక
		గిరులుగీచి ఇవి దాటిరాకుమని వెడలెను మఱదీ విధిలేక
		మారువేషమున సీతారాముల పర్ణశాల ముంగిట నిలచీ
		"భవతీ భిక్షాందేహీ! భవతీ భిక్షాందేహి"యటంచు రావణాసురుడు పిలచే..ఏ..
సాకీ:		బిచ్చమువేయగ వచ్చిన జానకి, గడ్డతోడ పెకలించి హరించి
		ఆకసాన లంకాపురిజేరి, అశోకవనిలో నుంచే
	బృందం:	రఘుపతి రాఘవ రాజారాం, పతీత పావన సీతారాం (4)