దొంగనోట్లు (డబ్బింగ్) చిత్రంనుండి ఎం.జి.ఆర్ కు ఘంటసాల గాత్రం

1964 లో విడుదలైన, ఎం.జి.ఆర్ నటించిన తమిళ చిత్రానికి తెలుగు డబ్బింగ్ ఉషా సంస్థ వారి దొంగనోట్లు. ఈ చిత్రానికి మాటలు పాటలు వ్రాసినది అనిశెట్టి.  చిత్ర సంగీత దర్శకులు పెండ్యాల శ్రీనివాస్.  ఘంటసాల మాస్టారు ఈ చిత్రానికి మూడు పాటలు పాడారు. అందులో రెండు పి.సుశీల తో యుగళ గీతాలు, ఒకటి వారి ఏకగళ గీతం. ఏకగళ గీతమైన "ఇలలో న్యాయం లేదు సుమా"ను ఇక్కడ పొందు పరుస్తున్నాను. ఈ పాట యొక్క దృశ్యఖండికను పొందుపరచిన వారు బ్యాంక్ ఆఫ్ ఘంటసాల. వారికి హృదయపూర్వక కృతజ్ఞతలు.  పాట వివరాలను, పోస్టర్లను పొందుపరచిన వారు ఘంటసాల గళామృతము - పాటల పాలవెల్లి నిర్వాహకులు, ప్రముఖంగా కొల్లూరు సుబ్బారావు గారు. వారికి నా ప్రత్యేక కృతజ్ఞతలు.

	చిత్రం:	దొంగనోట్లు (1964)
	సంగీతం:	పెండ్యాల శ్రీనివాస్
	గానం:	ఘంటసాల
	రచన:	అనిసెట్టి
	పల్లవి:	ఇలలో న్యాయం లేదు సుమా, ఇది కలికాలం మరువకుమా
		నరులే వెలుగును కనలేరు, దేవుడు కలడని మరిచేరు
		ఒక దేవుడు కలడని మరిచేరు
	చరణం:	బ్రతికెదవేలా హీనముగా, మార్చుము నీ మది కోవెలగా
		వేషం, ఈర్ష్యా విడనాడు, లక్ష్యం కొఱకై పోరాడు
		లక్ష్యం కొఱకై పోరాడు, హె!	| ఇలలో |
	చరణం:	లోకం నడుచును నీ బాట, లోభించునులే నీ మాట
		సాహసివై భువి చరియించు, మది కలచేలా మరి భీతేల?
		కలచేలా మరి భీతేల, హె!	| ఇలలో |
	చరణం:	మనసున పెంచు మంచితనం, పోరి జయించు స్వార్ధగుణం
		త్యాగజ్యోతిని వెలిగించు, ఆశయసాధన ఫలియించు
		నీ ఆశయసాధన ఫలియించు, హె!	| ఇలలో |
		ఒహొహో...ఒహొహో...అహహా...అహహా...
		అహహా..హహహా...ఒహొహో...ఒహొహో..