1970 సంవత్సరంలో విడుదలైన విజయలక్ష్మీ మూవీస్ సంస్థ నిర్మించిన ఆడజన్మ చిత్రం నుండి ఘంటసాల పాడిన "నీ కధ ఇంతేనమ్మా " అనే ఈ ఏకగళం రచన ఆత్రేయ, స్వరపరచినది మాస్టర్ వేణు. ఈ చిత్రంలో తారాగణం జమున, హరనాధ్, నాగభూషణం,చంద్రమోహన్, గీతాంజలి, మాలతి. ఈ చిత్రానికి నిర్మాత జి.వి.ఎస్.రాజు మరియు దర్శకుడు ఐ.ఎస్.మూర్తి. చిత్రంలో ఈ పాట నేపథ్యగానంలో వినిపిస్తుంది.
| #000 | పాట: | నీ కథ యింతేనమ్మా! | |
|---|---|---|---|
| నిర్మాణం: | విజయలక్ష్నీ మూవీస్ | ||
| చిత్రం: | ఆడజన్మ (1970) | ||
| రచన: | ఆత్రేయ | ||
| సంగీతం : | మాస్టర్ వేణు | ||
| అభినయం : | నేపథ్యగానం | ||
| పాడినవారు : | ఘంటసాల | ||
| ప: | నీ కథ యింతేనమ్మా నీ కథ యింతేనమ్మా | ||
| దీనికి అంతే లేదమ్మా | |||
| కాలం మార్చని కన్నీటి గాథమ్మా | |||
| యీ ఆడజన్మ | ॥నీ కథ॥ | ||
| చ: | పుట్టడమే పుట్టింటికి పుట్టెడు ఖర్చుగా పుడతావు -2 | ||
| ఎదిగిన కొలది కన్నవారికి మోయరాని బరువౌతావు | |||
| కన్నీరే నీ సారెగా, మెట్టినింటికీ వెళతావు -2 | |||
| వారి కలిమిలేములకు నువు కారణమని | |||
| మెప్పులో నిందలో పడతావు | ॥నీ కథ॥ | ||
| చ: | భర్తను కాదని పసిడి లేడికై ఆశపడినది జానకి | ||
| తండ్రి యింట తనకన్నీ కలవని | |||
| తరలిపోయినది దాక్షాయణీ | |||
| అవమానాలే మిగిలినవి, అనుమానాలే రగిలినవి | |||
| నరకమైనా స్వర్గమైనా, మెట్టినిల్లే యిల్లాలికమ్మా | |||
| ఆశలైనా నిరాశలైనా, మగని నీడనె మగనాలికమ్మా | |||
| మగని నీడనె మగనాలికమ్మా | |||
| నీ కథ యింతేనమ్మా నీ కథ యింతేనమ్మా | |||
| దీనికి అంతే లేదమ్మా | |||
| కాలం మార్చని కన్నీటి గాథమ్మా | |||
| ఆడజన్మ, ఆడజన్మ, ఆడజన్మ, ఆడజన్మ |
కామెంట్‌లు లేవు:
కామెంట్‌ను పోస్ట్ చేయండి