నవకళాసమితిలో - అప్పుచేసి పప్పుకూడు నుండి ఘంటసాల పద్యము

ప్రతిష్ఠాత్మకమైన చిత్రాలను అందించే అలనాటి మేటి సంస్థ విజయ. ఈ సంస్థ 1959లో, "అప్పు" ఇతివృత్తంగా నిర్మించిన ఆద్యంతం గిలిగింతలు పెట్టే చక్కని చిత్రం "అప్పుచేసి పప్పుకూడు".  అందులో ముఖ్యంగా ఈ సన్నివేశంలో భజగోవిందం (రేలంగి) అభినయించిన ఘంటసాల మాస్టారి పద్యం 'నవకళాసమితిలో'. నాటకాల కంపెనీలో పనిచేస్తూ నటుల అనుభవాలను, వాళ్ళు కంటున్న కలలకు ప్రతిరూపం ఈ పద్యయుగళం. పద్యానికి ఒరవడి దిద్దిన ప్రాజ్ఞుడు ఘంటసాల. ఆ పద్యాలు పలుచిత్రాలలో కథకు ప్రాణం పోసాయనడంలో అతిశయోక్తిలేదు. అలనాటి మాటల మాంత్రికుడు పింగళి నాగేశ్వరరావు కలం నుండి జాలువారిన ఈ రసగుళికలకు, రసాలూరు సాలూరు రాజేశ్వర రావు గారు సంగీతం సమకూర్చగా, అద్భుతంగా గానం చేసారు ఘంటసాల మాస్టారు. ఆస్వాదించండి.

నవకళాసమితిలోనా వేషమును చూసి

ఎచ్చటెచ్చటి జనుల్ మెచ్చవలదె….

నటరాజ నటరత్న నటకావతంసుడన్‌

బిరుదులుగొని విఱ్ఱవీగవలదె!

ప్రతి పట్టణ, గ్రామ, పల్లెపల్లెలుకూడ

ఈ భజగోవిందమేలవలదే…

ఊరూరగల కాఫిహోటళ్ళలో, కిళ్ళి

కొట్లలో మనకప్పు పుట్టవలదే…

ఆంధ్రనాటక రంగమార్తాండుడనుచు

సభలుకావించి ప్రేక్షకుల్ సత్కరింప

పెట్టుబడికోసమప్పులిప్పించి, యిచ్చి,

ఈ విశాలాంధ్ర నన్ను పోషించవలదె!

Thanks:  Video courtesy by Sri Nukala Prabhakar garu (Project Ghantasala)