ప్రియురాల సిగ్గేలనే - శ్రీకృష్ణ పాండవీయం నుండి ఘంటసాల, సుశీల పాడిన మధుర గీతం
శ్రీకృష్ణ పాండవీయం (1966) చిత్రంలో ఘంటసాల మాస్టారు రెండు పాటలు, కొన్ని పద్యాలు పాడారు. ఇదివరకు పోస్టులో మరొక మధుర గీతం "మత్తు వదలరా నిద్దుర" మరియు "వచ్చెద విదర్భ" అనే పద్యం ఇదివరలో పోస్టు చేసాను. ఘంటసాల గారు కృష్ణుని పై పాడిన శృంగార యుగళ గీతాలలో మరొక చక్కని పాట "ప్రియురాల సిగ్గేలనే". ఈ పాట కృష్ణుడు (ఎన్‌.టి.ఆర్.) రుక్మిణి (కె.ఆర్.విజయ) లపై చిత్రీకరించారు. బహుశ శ్రీమతి కె.ఆర్.విజయకు ఇది తొలి తెలుగు చిత్రం అనుకుంటాను. ఈ చిత్రంలో రుక్మిణి సోదరుడు రుక్మి గా శ్రీ కైకాల సత్యనారాయణ గారు నటించారు. శ్రీ సముద్రాల రాఘవాచార్యుల రచన.ఈ చిత్రానికి సంగీత దర్శకత్వం వహించినది శ్రీ టి.వి.రాజు (తోటకూర వెంకట రాజు) గారు. ఈయన చాల పౌరాణిక చిత్రాలకు సంగీతాన్ని అందించారు. వీరి కుమారుడు రాజ్-కోటి జంటలోని రాజ్ (తోటకూర సోమరాజు). ఈ చిత్రం రామారావు గారి స్వీయ దర్శకత్వ చిత్రం, నిర్మాత వారి సోదరుడు శ్రీ త్రివిక్రమరావు గారు.
ప్రేమలు తెలిసిన దేవుడవని విని నా మదిలోనా కొలిచితిని
| ప్రేమలు తెలిసిన |
స్వామివి నీవని తలచి నీకే, బ్రతుకు కానుక చేసితిని
నాలోన ఊహించినా..ఆ..ఆ.. నాలోన ఊహించినా
కలలీనాడు ఫలియించె స్వామీ.. ఈ..ఈ..
నాలోన ఊహించినా
చరణం:
ఘంటసాల:
సమయానికి తగు మాటలు నేర్చిన సరసురాలవే ఓ! భామా
| సమయానికి |
ఇపుడేమన్నా ఒప్పునులే ఇక ఎవరేమన్నా తప్పదులే
ప్రియురాల సిగ్గేలనే? .. ఏ.. ఏ..
ప్రియురాల సిగ్గేలనే? నీ మనసేలు మగవాని జేరి
ప్రియురాల సిగ్గేలనే?
కృతజ్ఞతలు: చిత్రం యొక్క సాంకేతిక వివరాలు అందించిన ఘంటసాల గళామృతము పాటల పాలవెల్లి బ్లాగుకు, యూ ట్యూబ్ వీడియో పొందుపరచిన Teluguone, ఇతర వివరాలు పొందుపరచిన వికిపీడియా వారికి హృదయపూర్వక ధన్యవాదాలు. ఈ బ్లాగులో ప్రచురించిన ఛాయాచిత్రాలు, ఆడియో మరియు వీడియో ఫైళ్ళు అన్నియు సేకరించినది శ్రోతల ఆనందానికే తప్ప వాణిజ్య నిమిత్తం కాదని గమనించగలరు.
ఘంటసాల మాస్టారి పాటలు, పద్యాలు, శ్లోకాల సాహిత్యాన్ని సేకరించి అభిమానులందరికి అందించాలనే చిన్న తాపత్రయం ఈ 'ఘంటసాల" బ్లాగు ఉద్దేశం. ఏవైనా పొరపాట్లు దొర్లి వుంటే ఆయా పోస్టుల దిగువన గాని, లేదా ఇ-లేఖ ద్వారా గాని తెలియజేయగలరు. నా ఇ-లేఖ చిరునామా: suryvulimiri@gmail.com
ఓహో చాలా చక్కటి పాట నాకిష్టమైన పాట
రిప్లయితొలగించండిపోస్ట్ చేసినందుకు ధన్యవాదాలండి
శ్రీను గారు, ధన్యవాదాలు.
రిప్లయితొలగించండిఓ అద్భుతమయిన అన్నగారి పాటను పోస్ట్ చేసినందుకు థాంక్స్ అండి!
రిప్లయితొలగించండిహరి గారు, సంతోషం.
రిప్లయితొలగించండి