వెదుకాడే కన్నులలోన - భాగ్యదేవత నుండి ఘంటసాల, జమునారాణి

1959 సంవత్సరంలో విడుదలైన శ్రీ సారథీ స్టూడియోస్ సంస్థ నిర్మించిన భాగ్యదేవత చిత్రం నుండి ఘంటసాల మాస్టారు జమునారాణి తో పాడిన "వెతుకాడే కన్నులలోనా" అనే ఈ యుగళం  రచన శ్రీశ్రీ, స్వరపరచినది  మాస్టర్ వేణు. ఈ చిత్రంలో తారాగణం జగ్గయ్య, సావిత్రి, బాలయ్య, రాజసులోచన, రేలంగి, సూర్యకాంతం. ఈ చిత్రానికి నిర్మాత సారథీ స్టూడియోస్ మరియు దర్శకుడు తాపీ చాణక్య. దీనిని బాలయ్య, రాజసులోచన పై చిత్రీకరించారు. ఈ చిత్రం 21846 న విడుదలైంది.

	చిత్రం:	భాగ్యదేవత (1959)
	రచన:	శ్రీ శ్రీ
	సంగీతం:	మాస్టర్ వేణు
	గానం:	ఘంటసాల, కె. జమునారాణి
పల్లవి	ఘంటసాల:	వెదుకాడే కన్నులలోన, వెలిగించి ప్రేమజ్యోతి
		ఆనందసాగరాన తేలి ఆడరావా, నీ ఓలలాడరావా	। వెదుకాడే ।
	జమునారాణి:	పులకించే గుండెలలోన, పలికించి ప్రేమగీతి
		ఆనందసాగరాన తేలి ఆడరావా, నీ ఓలలాడరావా	। పులకించే ।
చరణం	ఘంటసాల:	మనసూగించే మధుమాస వేళ
		కొసరుచు పాడే కోయిల బాల - 2
		అనురాగ భావగీతి ఆలకించలేవ	। వెదుకాడే ।
చరణం	జమునారాణి:	మరులూరించే విరజాజితోట
		మలయసమీరం మసలేచోట - 2
		ఆశించె నన్ను చేరి ఆటలాడరావా
		పులకించే గుండెలలోన, పలికించిన ప్రేమగీతి
	ఇద్దరు:	ఆనందసాగరాన తేలి ఆడరావా, నీ ఓలలాడరావా

 

బలే బలే ఫలరసం - బాలనాగమ్మ నుండి ఘంటసాల, బృందం

నువ్వంటే నాకెందుకో - అంతస్తులు నుండి ఘంటసాల, సుశీల

1965లో జగపతి పిక్చర్స్ బ్యానర్ పై నిర్మింపబడిన  అంతస్తులు చిత్రం నుండి ఘంటసాల మాస్టారు పి.సుశీల తో పాడిన మధుర గీతం.సాహిత్యం-ఆత్రేయ, సంగీతం-కె.వి.మహదేవన్.

రాగాలా సరాగాలా! - శాంతి నివాసం నుండి ఘంటసాల, సుశీల

మదిలో హాయి కలలే వేయి - ఇద్దరు పెళ్ళాలు చిత్రం నుండి ఘంటసాల, లీల, బృందం

1954 సంవత్సరంలో విడుదలైన నాగూర్ సినీ ప్రొడక్షన్స్ సంస్థ నిర్మించిన “ఇద్దరు పెళ్ళాలు” చిత్రం నుండి ఘంటసాల మాస్టారు పి.లీల తో పాడిన “మదిలో హాయి కలలే వేయి” అనే ఈ యుగళగీతం  రచన కోపల్లి వెంకటరమణారావు, స్వరపరచినది  టి.ఆర్.పాప, టి.కె. కుమారస్వామి, టి.ఎ.కల్యాణరామ. ఈ చిత్రంలో తారాగణం ఎన్.టి. రామారావు, యన్. జమున, కె.లక్ష్మికాంత, యమ్.వి.రాజమ్మ,కె. శివరావు.

ఖుషీ ఖుషీగా నవ్వుతూ - ఇద్దరు మిత్రులు నుండి ఘంటసాల, సుశీల

నాలోని అనురాగమంతా - పెండ్లి పిలుపు నుండి ఘంటసాల

1961  లో ఎన్.టి. రామారావు,దేవిక,కన్నాంబ, రేలంగి, గిరిజ, సి. ఎస్. ఆర్. ఆంజనేయులు నటించిన, డి.బి. ఎన్. సంస్థ నిర్మించిన చిత్రం “పెండ్లి పిలుపు” నుండి ఘంటసాల మాస్టారు పాడిన పాట “నాలోని అనురాగమంతా”.  సంగీతం: కె. ప్రసాదరావు, రచన - ఆరుద్ర , దర్శకత్వం: ఆమంచర్ల శేషగిరిరావు.

	పల్లవి:	నాలోని అనురాగమంతా లోలోన అణగారునేమో
		ప్రియురాలి వలపు త్యాగాల పిలుపు
		మదిలోన పోరాడసాగే..ఏ.
		నాలోని అనురాగమంతా
	చరణం:	సందేహ మేఘాలు మూసే..ఏ.
		కల్లోల పవనాలు వీచే..ఏ..	| సందేహ |
		ప్రేమించు హృదయాలలోనా..ఆ.. - 2
		చెలరేగాలి కాబోలు వానా..ఆ..	| నాలోని |
	చరణం:	తొలిప్రేమ విరితేనె చిందే
		హృదయాన కన్నీరు నిండే	| తొలి |
		మనసిచ్చి నా చేతులారా..ఆ..-2
		మీ మది గాయమొనరించలేనే	| నాలోని |
		నాలోని అనురాగమంతా

నా చందమామ నీవె భామ - పాండవ వనవాసం నుండి ఘంటసాల, సుశీల

ఈనాటి ఈ హాయి - జయసింహ చిత్రం నుండి ఘంటసాల, లీల

Video Courtesy: Sri Ramesh Panchakarla

నవ్వుల నదిలో పువ్వుల పడవా - మర్మయోగి నుండి ఘంటసాల, లీల

విరిసింది వింత హాయి - బాలనాగమ్మ నుండి ఘంటసాల, జిక్కీ

	నిర్మాణం	శ్రీ వేంకటరమణా ఫిలింస్
	చిత్రం:	బాల నాగమ్మ (1969)
	రచన:	సముద్రాల జూనియర్
	సంగీతం:	టి.వి.రాజు
	గానం:	ఘంటసాల, జిక్కీ
పల్లవి:	జిక్కీ:	విరిసింది వింత హాయి మురిసింది నేటి రేయి
	ఘంటసాల:	అందాల చందమామ చెంతనుంది అందుకే
	జిక్కీ:	విరిసింది వింత హాయి మురిసింది నేటి రేయి
	ఘంటసాల:	అందాల చందమామ చెంతనుంది అందుకే
	ఇద్దరు:	విరిసింది వింత హాయి మురిసింది నేటి రేయి
చరణం:	ఘంటసాల:	వలపు పూబాలా చిలికించేను గారాలా -2
	జిక్కీ:	అల చిరుగాలి సోకున మేను సోలి అందుకే
	జిక్కీ:	విరిసింది వింత హాయి మురిసింది నేటి రేయి
	ఘంటసాల:	అందాల చందమామ చెంతనుంది అందుకే
	ఇద్దరు:	విరిసింది వింత హాయి మురిసింది నేటి రేయి
చరణం:	జిక్కీ:	జగతి వినుతించే యువ భావాల ఈసారి -2
	ఘంటసాల:	ఇల పులకించె నే యెల సోయగాల అందుకే
	జిక్కీ:	విరిసింది వింత హాయి మురిసింది నేటి రేయి
	ఘంటసాల:	అందాల చందమామ చెంతనుంది అందుకే
	ఇద్దరు:	విరిసింది వింత హాయి మురిసింది నేటి రేయి

ఇంటిలోని పోరు ఇంతింత గాదయా - బాలనాగమ్మ నుండి ఘంటసాల

శ్రీశ్రీ రచన "పొలాలనన్నీ హలాల దున్నీ" - పల్లెటూరు చిత్రం నుండి ఘంటసాల, బృందం

శ్రీశ్రీ ఆధునిక కవితా ప్రభంజనానికి ఊపిరి. ఇరవయ్యవ శతాబ్దపు తెలుగు సాహిత్యాన్ని శాసించిన మహాకవి.  పురాతన కవితాధోరణులు, ఛందస్సు అధునాతన కవనానికి ఉపయోగపడవని కవితకు అనూహ్యమైన మార్పులు చేశారు. అయితే రెండు విధాలలోను ఉద్దండుడు శ్రీశ్రీ. ఆయన వ్యాసం "1947-1972 : నేను - ఈ పాతికేళ్ళ వచన సాహిత్యం" ఆంధ్రభారతి బ్లాగ్ లో చూడవచ్చు.  శ్రీశ్రీ  కవితల గుఱించి,  ఆయన పదాలతో ఎలా ఆడుకున్నారో శ్రీ జెజ్జాల కృష్ణమోహనరావు గారు "ఈ మాట" వెబ్ జైన్ లో "శ్రీశ్రీ ఛందఃశిల్పము" అనే చక్కని వ్యాసం వ్రాసారు. శ్రీశ్రీ తను వ్రాసిన ఒక కవిత  "పొలాలనన్నీ హలాలదున్నీ" గుఱించి ఒకసారి ఒక ప్రసంగంలో ప్రస్తావించారు.  ఈ గేయాన్ని మెచ్చుకుంటూ "అభ్యుదయ రచయితల లండన్‌ మానిఫెస్టో సారాంశం అంతా ఇందులో దించేశావోయ్‌" అని శ్రీశ్రీని పొగిడారట.  ఈ గేయాన్ని ఎన్.టి. ఆర్., సావిత్రి, ఎస్.వి. ఆర్. నటించిన, 1952లో పీపుల్స్ ఆర్ట్ ప్రొడక్షన్సు బ్యానర్ పై నిర్మింపబడిన "పల్లెటూరు" చిత్రం కోసం ఘంటసాల మాస్టారు ఎం.ఎస్. రామారావు, పిఠాపురం, మాధవపెద్ది బృందం తో కలసి పాడారు.  ఘంటసాల మాస్టారు ఈ చిత్రానికి సంగీత దర్శకులు.

చిటారుకొమ్మన మిఠాయి పొట్లాం - కన్యాశుల్కం నుండి ఘంటసాల

గురజాడ అప్పారావు అపురూప రచన కన్యాశుల్కం నాటకం ఆధారంగా అదే పేరుతో ఎన్.టి. రామారావు గిరీశం గా, సావిత్రి మధురవాణిగా, సి.యస్. ఆర్. రామప్పంతులుగా నటించిన చక్కని హాస్యకథా చిత్రం 1955 లో విడుదలైంది. ఈ చిత్రం కోసం చిటారుకొమ్మన మిఠాయి పొట్లం అనే పాటను మల్లాది రామకృష్ణ శాస్త్రి వ్రాయగా ఘంటసాల మాస్టారు స్వరపరచి గానం చేసారు.

మోహన రూపా గోపాలా - కృష్ణప్రేమ చిత్రం నుండి ఘంటసాల

	నిర్మాణం:	మహేంద్ర పిక్చర్స్ వారి
	చిత్రం:	కృష్ణ ప్రేమ (1961)
	రచన:	ఆరుద్ర
	సంగీతం:	పెండ్యాల నాగేశ్వరరావు
	గానం:	ఘంటసాల వేంకటేశ్వరరావు
	దర్శకత్వం:	ఆదుర్తి సుబ్బారావు
	పల్లవి:	మోహన రూపా గోపాలా -2
		ఊహాతీతము నీ లీలా -2
		మోహన రూపా గోపాలా
		కృష్ణా..ఆ..ఆ..ఆ..ఆ..
	చరణం:	వలదని నిన్ను వారించు వారిని
		వదలక, వెంట తిరిగెదవయ్యా	| వలదని |
		వేణువునూదుచు వేడుక చేయగ
		వేడినవారికి దరిశనమీయవు
		మోహన రూపా గోపాలా
	చరణం:	కృష్ణా..ఆ..ఆ..ఆ..ఆ..
		అవని భారము అమితము కాగా
		అవతరించితివి ఎన్ని సారులో
		కృష్ణా..ఆ..ఆ..ఆ..ఆ..
		అవని భారము అమితము కాగా
		అవతరించితివి ఎన్ని సారులో
		అన్నిటికన్న అపురూపమైనది
		కన్నులవిందగు ఈనాటి రూపము
		మోహన రూపా గోపాలా ఆ..ఆ..ఆ..ఆ..
		మోహన రూపా గోపాలా
		ఆ..ఆ..ఆ…ఆ…ఆ..ఆ…ఆ..ఆ..ఆ..
		మోహన రూపా గోపాలా
		ఊహాతీతము నీ లీలా
		మోహన రూపా గోపాలా

ప్రళయపయోధిజలే - భక్త జయదేవ నుండి ఘంటసాల

	నిర్మాణం:	లలితా కళానికేతన్‌ వారి
	చిత్రం:	భక్త జయదేవ (1961)
	రచన:	జయదేవ కవి
	సంగీతం:	సాలూరు రాజేశ్వరరావు
	గానం:	ఘంటసాల
	చరణం:	ప్రళయ పయోధిజలే-2,  ధృతవానసి వేదమ్‌, విహిత వహిత్ర చరిత్ర మఖేదమ్‌
		కేశవా..ఆ..ఆ.. .కేశవాధృత మీనశరీర!
		కేశవాధృత మీనశరీర! జయ జగదీశ హరే! కృష్ణా!..ఆ.. జయ జగదీశ హరే!
	చరణం:	క్షితిరతి-విపులతరె తవ తిష్టతి పృష్ఠే, ధరణీధరణ కిన చక్ర గరిష్టే
		కేశవాధృత కచ్ఛప రూపా! జయ జగదీశ హరే! జయ జగదీశ హరే!
	చరణం:	వసతి దశన శిఖరే ధరణీ తవ లగ్నా, శశిని కళంక కలేవ నిమగ్నా
		కేశవాధృత సూకర రూపా! జయ జగదీశ హరే! జయ జగదీశ హరే!
	చరణం:	తవకర కమలవరె నఖమద్భుత శృంగం, దళిత హిరణ్యకశిపు తను భృంగం
		కేశవాధృత నరహరి రూపా! జయ జగదీశ హరే! జయ జగదీశ హరే!
	చరణం:	చలయసి విక్రమణే బలిమద్భుత వామన, పదనఖ నీరజనిత జనపావన
		కేశవాధృత వామన రూపా! జయ జగదీశ హరే! జయ జగదీశ హరే!
	చరణం:	క్షత్రియ రుధిరమయే జగదపగత పాపం, స్నపయసి పయసి శమిత భవతాపం
		కేశవాధృత భృగుపతి రూపా! జయ జగదీశ హరే! జయ జగదీశ హరే!
	చరణం:	వితరసి దిక్షురణే దిక్పతి కమనీయం, దశముఖ మౌళి బలిం రమణీయం
		కేశవాధృత రామ శరీరా! ఆ..ఆ..ఆ..ఆ.
		కేశవాధృత రామ శరీరా! జయ జగదీశ హరే! జయ జగదీశ హరే!
	చరణం:	వహసి వపుషి విషదే వసనం జలదాభం, హలహతి భీతి మిలిత యమునాభం
		కేశవాధృత హలధర రూపా! జయ జగదీశ హరే! జయ జగదీశ హరే!
	చరణం:	నిందసి యఙ్ఞవిధేః రహహ శ్రుతిజాతం, సదయ హృదయ దర్శిత పశుఘాతం
		కేశవాధృత బుద్ధ శరీరా! జయ జగదీశ హరే! జయ జగదీశ హరే!
	చరణం:	మ్లేచ్ఛ నివహ నిధనే కలయసి కరవాలం, ధూమకేతుమివ కిమపి కరాలం
		కేశవా..ఆ…ఆ..ఆ.. కేశవాధృత కల్కి శరీరా! జయ జగదీశ హరే! జయ జగదీశ హరే!

పయనించే మనవలపుల - బావమరదళ్ళు నుండి ఘంటసాల, సుశీల

1961 లో కృష్ణ చిత్ర సంస్థ పి.ఎ.పద్మనాభరావు దర్శకత్వంలో నిర్మించిన చిత్రం "బావమరదళ్ళు" చిత్రం నుండి  శ్రీశ్రీ రచనను పెండ్యాల నాగేశ్వరరావు స్వరపరచగా, ఘంటసాల పి.సుశీల తోపాడిన "పయనించే మన వలపుల బంగరు నావ" అనే యుగళగీతం ఇక్కడ పొందుపరుస్తున్నాను. 

 

	నిర్మాణం:	కృష్ణ చిత్ర వారి
	చిత్రం:	బావమరదళ్ళు (1961)
	రచన:	శ్రీశ్రీ
	సంగీతం:	పెండ్యాల
	గానం:	ఘంటసాల, పి. సుశీల
	దర్శకత్వం:	పి.ఎ.సుబ్బారావు
పల్లవి:	ఘంటసాల:	పయనించే మన వలపుల బంగరు నావ
		శయనించవె హాయిగా జీవనతార, నా.ఆ..జీవనతారా..ఆ..ఆ.
		పయనించే..
చరణం:	సుశీల:	ఊ..ఊ..ఊ..ఊ..ఊ..ఊ..ఊ..
		నెలబాలుని చిరునవ్వుల తెలివెన్నెల కోనలలో.ఓ
		నెలబాలుని చిరునవ్వుల తెలివెన్నెల కోనలలో
		చెలరేగే అలలమీద ఊయలలూగీ.ఈ..ఈ
	ఘంటసాల:	పయనించే మన వలపుల బంగరు నావ
		శయనించవె హాయిగా జీవనతార, నా.ఆ..జీవనతారా..ఆ..ఆ.
		పయనించే..
చరణం:	ఘంటసాల:	వికసించే విరజాజులు వెదజల్లగ పరిమళాలు
		వికసించే విరజాజులు వెదజల్లగ పరిమళాలు
		రవళించే వేణుగీతి రమ్మని పిలువా..ఆ..
		పయనించే మన వలపుల బంగరు నావ
		శయనించవె హాయిగా జీవనతార, నా.ఆ..జీవనతారా..ఆ..ఆ.
		పయనించే ఆ..ఆ..ఆ..  ఆ..ఆ..ఆ..