25, నవంబర్ 2011, శుక్రవారం

సంగీత దర్శకునిగా పెండ్యాల గారి తొలి చిత్రంలో ఘంటసాల - జి.వరలక్ష్మి యుగళగీతం - పూవు చేరి

1948 లో విడుదల అయిన "ద్రోహి" చిత్రం సంగీత దర్శకునిగా శ్రీ పెండ్యాల నాగేశ్వర రావు గారి తొలి చిత్రం. అంతే కాదు ఇందులో ప్రధాన ప్రతినాయక పాత్రలో శ్రీ కోన ప్రభాకర రావు గారు (1916-1990) నటించారు. బాపట్లలో పుట్టిన ప్రభాకర రావు గారు మహారాష్ట్ర రాష్ట్రానికి గవర్నరుగా కూడా పనిచేసారు. కథానాయిక శ్రీమతి జి.వరలక్ష్మి. వీరు కాక అలనాటి ప్రముఖ నటి, రాజ్యం పిక్చర్స్ నిర్మాణ సంస్థ అధినేత  శ్రీమతి లక్ష్మీరాజ్యం (1922-87) ఒక ముఖ్య పాత్ర పోషించింది. "సంస్కార విహీనులకు సహన శక్తి వుండదు. సహన శక్తి లేని అనుభవజ్ఞుడు, అధికారి, బికారి ఒకే విధంగా ఉద్రేకానికి లోనయినపుడు శాంతి, అహింస, సత్యాలకు దూరం అవడం తప్పదు" అనే ఇతివృత్తం తో నిర్మించబడిన ఈ చిత్రంలో ఘంటసాల మాస్టారు జి.వరలక్ష్మితో "పూవు చేరి పలుమారు తిరుగుతూ" అనే ఒక యుగళగీతం పాడారు. దాని సాహిత్యం, ఆడియో ఇక్కడ పొందుపరుస్తున్నాను.  

ఆడియో మూలం: ఘంటసాల గానచరిత
       
        చిత్రం:         ద్రోహి (1948)
        గానం:         ఘంటసాల, జి.వరలక్ష్మి
        రచన:         తాపీ ధర్మారావు
        సంగీతం:      పెండ్యాల నాగేశ్వరరావు

        ఘంటసాల:   పూవు చేరి పలుమారు తిరుగుతూ
                        పాట పాడునది ఏమో తుమ్మెద 
                        పాడునది ఏమో
        జి.వరలక్ష్మి:   పూవులోన తన పోలిక కన్గొని
                        మోదము గాంచినదేమో తుమ్మెద
                        మోదము గాంచినదేమో

        ఘంటసాల:   ఆ సెలయేటిని తాకుచు తట్టుచు
                        చెప్పుచున్నదది యేమో పూపొద
                        చెప్పుచున్నదది యేమో
        జి.వరలక్ష్మి:   ఒక క్షణమైన ఆగి పల్కవని
                        కొరకర లాడునొ ఏమో పూపొద
                        కొరకర లాడునొ ఏమో

        ఘంటసాల:   అలరు కౌగిటను అదిమి మావితో
                        మంతన మాడునదేమో మాలతీ
                        మంతన మాడునదేమో
        జి.వరలక్ష్మి:   ఏకాంతముగా ప్రణయ మంత్రమును
                        ఉపదేశించునొ యేమో మాలతి
                        ఉపదేశించునొ యేమో ..
                        ఉపదేశించునొ యేమో
        ఇద్దరు:        ఆ..ఆ..ఆ..ఆ..ఆ..ఆ
                        యేది చూసినా ప్రేమయె జగతి              | యేది చూసినా |
                        కాదను వారలు పాషాణాలే                  | కాదను వారలు |
  
కృతజ్ఞతలు:  
పాటల సాహిత్యం మొదలగు వివరాలకు: ఘంటసాల గళామృతము - పాటల పాలవెల్లి మరియు సఖియా 
ఆడియో మూలం: ఓల్డ్ తెలుగు సాంగ్స్ డేటాబేస్ 

24, నవంబర్ 2011, గురువారం

గరళకంఠుని వర్ణించు వికటకవి పద్యం గానార్ణవుడైన ఘంటసాల గళంలో

ఈ కార్తీక మాసంలో పరమ శివుని పై ఘంటసాల మాస్టారు పాడిన కొన్ని పద్యాలు, శ్లోకాలు, పాటలు ముందు పోస్టులలో పొందు పరచాను. అయితే కార్తీక మాసము పూర్తి అయ్యే లోగా ఏదైనా చిన్న శ్లోకమో, పద్యమో ప్రస్తుతిద్దా మనుకునేసరికి అనుకోకుండా తెనాలి రామకృష్ణ (1956) చిత్రంలోని ఒక సన్నివేశంలోని శ్లోకం శివునికి సంబంధించినదని అంతర్జాలంలో కొంచెం శోధించాక తెలిసింది. బహుశ ఇది చాలమందికి తెలుసనుకుంటాను. నాకు ఇపుడే తెలిసింది. ఇక ఉండబట్టలేక ఈ పోస్టు వ్రాస్తున్నాను. దేవి వరప్రసాదం వలన రామకృష్ణుడు వికటకవియై, శ్రీకృష్ణదేవరాయల వారి ఆస్థానంలో చేరి, తన చతురతతో, సమయస్ఫూర్తితో, అందరినీ ఆనందింపజేసేవాడు. తెనాలి రామకృష్ణునితో కలసి మొత్తం ఎనిమిది మంది కవులు (అష్ట దిగ్గజములు) గల సభను భువనవిజయము అని కూడ అంటారు. ఒక రోజు భువన విజయానికి 'సహస్ర ఘంటకవి' అని బిరుదుగల ప్రెగడ నరసరాజు కవి వచ్చి, తాను "పట్టిన ఘంటం ఆపకుండా వ్రాస్తానని, పరుల కవిత్వలో తప్పులు పడతానని", తన ప్రతిభను గౌరవించి జయపత్రిక ఇవ్వమని రాయలవారిని  అడుగుతాడు. 
 

రాయల అనుమతి మీదట ముందుగా అల్లసాని పెద్దన అందుకుని 

మరుధృతాతటస్థ శత్రుమండలీగళాంతర
శ్చరన్నరాత్రు కాపగాభి సారికా ధృతాంబుధీ
మరుత్పతిత్ మరుజ్ఝతి క్రమత్పృట కుభుత్వరత్
పృరర్ధరిత్ ప్రవృధయుద్ధ పుంఖితార కార్భటీ
(విని వ్రాసాను. తప్పులు దొర్లి వుంటే తెలుపగలరు) అనే పద్యం చెబుతాడు. దానిని వ్రాసానని నరసరాజు చెప్పడంతో, ఎలాగైనా ఈ కవి గర్వం అణచాలని నిశ్చయించుకుని తెనాలి రామకృష్ణుడు ఈ దిగువ గల పద్యం వ్రాయమంటాడు -
శివుని వర్ణన 
                            త్పృవ్వటబాబా తలపై
                            పువ్వట జాబిల్లి, వల్వ బూదట, చేదే
                            బువ్వట, చూడగను ళుళు
                            క్కవ్వట, నరయంగ నట్టి హరునకు జేజే !!

ఈ పద్యం ఎలా ప్రారంభించాలో మొదట్లోనే ఇబ్బంది పడిన నరసరాజు ఘంటం ఆగిపోతుంది. అపుడు రామకృష్ణుడు మందలింపుగా ఇలా తిడతాడు. 

                     తెలియనివన్ని తప్పులని దిట్టతనాన సభాంతరంబునన్
                     పలుకగ రాదురోరి పలుమారు పిశాచపు పాడెగట్ట నీ
                     పలికిన నోట దుమ్ముబడ భావ్యమెరుంగవు పెద్దలైన వా
                     రల నిరసింతురా ప్రగడ రాణ్ణరసా! విరసా! తుసా! భుసా!

అపుడు రాయల వారు రామకృష్ణుని శాంతించమని నరసరాజ కవికి కావలసినంత ధనం ఇప్పించి పంపించేస్తాడు. తరువాత అదే పద్యాన్ని రాయల వారు తన భార్య తిరుమల దేవికి చెప్పగా, ఆమె చిత్ర రూపంలో ఆ పద్యాన్ని వ్రాసి చూపించి రాయల వారి కానుక గ్రహిస్తుంది.

ఈ శ్లోకంలో "అట" అనే శబ్దం పలుమార్లు వస్తుంది. త్పృవ్వ* = ఎద్దు (పశువుల కాపరులు ఆవులు కాస్తూ పెదవులతో చేసే ధ్వని ఇది. అలాగే తువ్వాయి కి అర్ధం "దూడ" అని; బాబా = వాహనము (ఇది బహుశా ఆవుగాని ఎద్దుగాని అంబా..అంబా. అని అరుస్తాయి. అందులోనుంచి పుట్టిన ధ్వని కావచ్చు; *నా చిరకాల మిత్రులు శ్రీ అహోబిల మురళి గారు హ్యుస్తను,టెక్సాస్ నుండి ఫోనుచేసి సూచించారు. త్ప్రువ్వత అనే పదం రాయల సీమలో వాడుకలో ఉండే పదం. దానికి అర్ధం నీరు అని. త్ప్రువ్ = నీరు; బాబా = శివుడు; తలపై నీరు (గంగ) కలవాడు = గంగాధరుడు లేదా శివుడు.  వల్వ = వస్త్రము; బూది = విభూది లేక విభూతి లేక బూడిద; చేదే = చేదుగా ఉండెడిది (విషం); బువ్వ = ఆహారము; ళుళుక్కవ్వ  = ఉండకపోవటం; (ఉదా.హుళక్కి); అరయంగనట్టి = అటుల వెలుగొందు;  హరుడు = శివుడు; జేజే = విజయము. 

తాత్పర్యం: తలపై గంగ ధరించిన వాడట. తల మీద చంద్రుడు పువ్వువలె ఉన్నాడట. విభూతే వస్త్రమట. చేదైనది (విషం) భోజనమట. దిక్కులేని వాడట. అట్టి పరమశివునికి జేజేలు.

గమనిక: ఈ వివరణ నా స్వంతం కాదు. ఆసక్తితో అంతర్జాలంలో శోధించగా ఒక బ్లాగులో దొరికింది నాకు.  దానికి నా ఊహను జోడించి పైన వివరించాను. ఈ శ్లోకం యొక్క అర్ధం వివరించబడిన బ్లాగు లింకు కోసం ఇక్కడ క్లిక్ చేయండి. అయితే మన తెలుగు మనం మరచి పోతున్న ఈ రోజులలో ఇలాంటి వివరణలు లభిస్తే పద్యాలను ఇంకెంతో ఆస్వాదించ వచ్చును. ఔత్సాహికులయిన తెలుగు ఆచార్యులు ఈ పనికి పూనుకుంటే చాల బాగుంటుంది.

23, నవంబర్ 2011, బుధవారం

పర్తిశాయి పుట్టినరోజు పండుగ - ఘంటసాల స్వీయ రచన (రికార్డు కాలేదు)

Naa Sai Nanu Cheraraadaaye...నా సాయి నను ... 
ఒకసారి మద్రాసులో నటి అంజలీదేవి గారింటికి శ్రీ పుట్టపర్తి సాయిబాబా గారు విచ్చేసిన సందర్భంలో ఘంటసాల మాస్టారు స్వయంగా వ్రాసి వినిపించిన పాట యిది అని వారి శ్రీమతి సావిత్రమ్మ గారు తన స్మృతి తరంగాలు అనే పుస్తకంలో పేర్కొన్నారు. దురదృష్టవశాత్తు ఈ పాట యొక్క ధ్వనిముద్రణం కాలేదు. ఈ పాట సాహిత్యం ఇక్కడ చూడగలరు.
 
రచన: ఘంటసాల
గానం: ఘంటసాల

ప.       పర్తిశాయి పుట్టినరోజు పండుగ
           రోజు మనకు పండుగ రోజు
           పావనమౌ నీ నామము తలచిన
           పాపములు నశించే రోజు                   | పర్తిశాయి |

చ.        హాయిని గొలిపే లీలలా
            మైమరపించే చూపులా
            మధువులు చిందే మాటలా
            అభయము నొసగే చేతలా                 | పర్తిశాయి |

చ.        పిలిచినంతనే పలుకుచు రాగా
            తలచినంతనే దరిశన మిడగా
            భక్తుల పాలిట బాధలు తీర్చగ
            భువిలో శాయి వెలిసిన రోజు              | పర్తిశాయి |  

శ్రీ సత్యసాయి జన్మదినం సందర్భంగా ఘంటసాల గారు వ్రాసి, స్వరపరచి, గానం చేసిన భక్తి గీతం

1926 వ సంవత్సరం నవంబరు 23 న శ్రీ సత్యసాయి జన్మించారు. అమర గాయకులు శ్రీ ఘంటసాల గారు బాబా భక్తులు. బాబాగారి పై కొన్ని మధుర గీతాలు వ్రాసి, స్వరపరచి, గానం చేసారు. ఈ గీతాలు "ఘంటసాల గాన చరిత" మరియు ఇంకొన్ని వెబ్ సైట్లలో లభ్యమవుతున్నాయి. ఈ రోజు శ్రీ సత్యసాయి 85 వ జన్మదినం సందర్భంగా మాస్టారు పాడిన ఈ పాటను ఆడియో, వీడియో, మరియు సాహిత్యం తో ఇక్కడ పొందుపరుస్తున్నాను. ఈ పాటను ఇదివరలో నా "స్వగతం" బ్లాగులో పోస్టు చేసాను. ఇది బాబా గారిపై మాస్టారి పాట కనుక శ్రీ సత్యసాయి పుట్టినరోజు సందర్భంగా మరల ఈ బ్లాగులో పునః ప్రచురించడం సముచితం అనిపించింది.     



                ఘంటసాల:   బోలో! శ్రీ సత్యశాయి బాబాజీ కి
                బృందం:       జై!
                ఘంటసాల:   బోలో! శ్రీ సత్యశాయి బాబాజీ కి
                బృందం:       జై!
        సాకీ.  ఘంటసాల:   నమో! సత్య శాయి బాబా..
                                నమో! నమో! సత్యశాయి
        ప.     ఘంటసాల:   నమో! సత్యశాయి బాబా నమో! సత్యశాయి
                బృందం:       నమో! సత్యశాయి బాబా నమో! సత్యశాయి
                ఘంటసాల:   నమో! విశ్వతేజా జ్యోతి స్వరూపా
                బృందం:       నమో! విశ్వతేజా జ్యోతి స్వరూపా
                అందరు:      నమో! సత్యశాయి బాబా నమో! సత్యశాయి
                                నమో! విశ్వతేజా జ్యోతి స్వరూపా
                                నమో! సత్యశాయి బాబా నమో! సత్యశాయి

        చ.     ఘంటసాల:   అరుణ కాంతులలోన అగుపించే నీ మోము
                                ఆ మోము కాంచిన అంతరంగము పొంగే
                బృందం:       అరుణ కాంతులలోన అగుపించే నీ మోము
                                ఆ మోము కాంచిన అంతరంగము పొంగే
                ఘంటసాల:   ఈనాటి ఈ సుఖము ఏనాడు పొందము
                బృందం:       ఈనాటి ఈ సుఖము ఏనాడు పొందము
                ఘంటసాల:   ఏ నోము నోచామో ఇపుడు కనుగొన్నాము
                బృందం:       ఏ నోము నోచామో ఇపుడు కనుగొన్నాము
                అందరు:      నమో! సత్యశాయి బాబా నమో! సత్యసాయి
                                నమో! విశ్వతేజా జ్యోతిస్వరూపా
                                నమో! సత్యశాయి

        చ.     ఘంటసాల:   విరులూ తరులూ వికసించినవి
                                మనసూ తనువూ పులకించినవి
                బృందం:       విరులూ తరులూ వికసించినవి
                                మనసూ తనువూ పులకించినవి
                ఘంటసాల:   వరుసగ నిలచి ఒడలను మరచి
                బృందం:       వరుసగ నిలచి ఒడలను మరచి
                ఘంటసాల:   తరియించ కోరేము నీ చెంత నిలచి
                బృందం:       తరియించ కోరేము నీ చెంత నిలచి
                అందరు:      నమో! సత్యశాయిబాబా నమో! సత్యసాయి
                                నమో! విశ్వతేజా జ్యోతిస్వరూపా
                                నమో! సత్యశాయిబాబా నమో! సత్యసాయి
                                నమో! సత్యశాయిబాబా నమో! సత్యసాయి
                                నమో! సత్యశాయిబాబా నమో! సత్యసాయి
                ఘంటసాల:   బాబా..
                అందరు:      ఓం శాంతి శాంతి శాంతిః

21, నవంబర్ 2011, సోమవారం

శివుని దృష్టిలో అంతా సమానులన్న శ్రీశ్రీ గీతాన్ని భావోద్వేగంతో గానం చేసిన ఘంటసాల -జయభేరి నుండి

చిత్రం:జయభేరి          రచన: శ్రీశ్రీ              సంగీతం: పెండ్యాల        గానం: ఘంటసాల

ఒక భక్తి గీతంలో కూడా తన సంతకపు మార్కును, కలం పవరును చూపించిన ఘనత మహాకవి శీశ్రీది అనడానికి నిదర్శనం 1959 లో విడుదల అయిన "జయభేరి" చిత్రం లోని ఈ పాట. సమ సమాజ స్థాపన ధ్యేయంగా శ్రీశ్రీ ఎన్నో చక్కని రచనలు చేసారు.  జయభేరి లోని  పాటలో, "శివ భక్తులలో అధికులు, అధములు అనే వ్యత్యాసం లేదు. ఈ భేదాలు మనిషి దృష్టిలో తప్ప భగవంతుని చరాచర సృష్టిలో లేవు" అని ప్రబోధించిన పరమ శివ భక్తుడు "భక్త నందనార్" హృదయ నివేదన ఈ పాట. ఈ సాహిత్యానికి పెండ్యాల గారు కట్టిన బాణీ పది కాలాలు గుర్తుంటుంది అందరికీ. అయితే అన్నిటికీ మించి ఒక భక్తుడు పొందే ఆవేదనను, ఇచ్చే సందేశాన్ని తన గాత్రంలో పై స్థాయిలో కూడా పట్టు జారకుండా  అద్భుతంగా చిరస్థాయిగా ఉండేట్లు పాడారు మన ఘంటసాల మాస్టారు. ఆయన గొంతులో తారా స్థాయిలో "పరంజ్యోతిగా వెలయించే" అన్నప్పుడు మనకు నిజంగా పరమ శివుడు ప్రత్యక్షమై ఆ భక్తుని కోరిక తీర్చాడా అన్నంత అనుభూతి, ఉద్వేగం కలుగుతాయి. తెలుగువారు చేసుకున్న పూర్వ జన్మ సుకృతం ఘంటసాల గారిని వరం గా పొందటం. ఈ పాట వీడియో, ఆడియో మరియు సాహిత్యం ఇక్కడ పొందు పరుస్తున్నాను. 



వీడియో పొందుపరచిన శ్రీ బొల్లాప్రగడ సోమేశ్వర రావు గారికి ధన్యవాదాలు.

                       సాకీ:  అధికులనీ అధములనీ
                            నరుని దృష్టిలోనే భేదాలు
                            శివుని దృష్టిలో అంతా సమానులే
                            ఏ.. ఏ.. ఏ.. ఏ..

                    ప.     నందుని చరితము వినుమా..
                            పరమానందము గనుమా ఆ.ఆ.ఆ
                            పరమానందము గనుమా
                            నందుని చరితము వినుమా..
                            పరమానందము గనుమా ఆ.ఆ.ఆ
                            పరమానందము గనుమా

                    చ.     ఆదనూరులో మాలవాడలో         |ఆదనూరులో|
                            పేదవాడుగా జనియించీ..
                            చిదంబరేశుని పదాంబుజములే
                            మదిలో నిలిపీ కొలిచేను
                            నందుని చరితము వినుమా..
                            పరమానందము గనుమా ఆ.ఆ.
                            పరమానందము గనుమా

                    చ.     తన యజమానుని ఆనతి వేడెను  
                            శివుని చూడగా మనసుపడీ..               |తన యజమానుని|
                            పొలాల సేద్యం ముగించి రమ్మని           |పొలాల సేద్యం|
                            గడువే విధించె యజమా..ని
                            యజమాని ఆనతిచ్చిన గడువులో
                            యే రీతి పొలము పండించుటో
                            ఎరుగక అలమటించు తన భక్తుని కార్యము
                            ఆ శివుడే నెరవేర్చే...ఏ...ఏ..
                            పరుగున పోయెను చిదంబరానికి
                            భక్తుడు నందుడు ఆత్రమున..                       |పరుగున|
                            చిదంబరంలో శివుని దర్శనం
                            చేయగరాదనె పూజారి
                            ఆశాభంగము పొందిన నందుడు
                            ఆ గుడి ముందే మూర్ఛిల్లే..
                            అంతట శివుడే అతనిని బ్రోచి
                            పరంజ్యోతిగా వెలయించే..

20, నవంబర్ 2011, ఆదివారం

ఆంగికం భువనం యస్యా..- చంద్రహారం చిత్రం నుండి నటరాజు పై ఘంటసాల గళంలో

చంద్ర హారం చిత్రం అంత విజయవంతం కాక పోయినా ఇందులో ఘంటసాల గారు పాడిన చక్కని యుగళ గీతాలు, ప్రార్థన, సోలోలు ఉన్నాయి. ఇందులో "ఆంగికం భువనం యస్య" అనే శివ శ్లోకాన్ని నటరాజు అయిన శివునికి ప్రణమిల్లుతూ నాట్యాభ్యాసం చేసే విద్యార్థులు ముందుగా పాడి పరమ శివునికి కైమోడ్పులు ఒసగుతారు.  ఈ శ్లోకం తరవాత వచ్చే పాటను శ్రీ పింగళి నాగేంద్ర రావు గారు రచించారు.



                        చిత్రం:   చంద్రహారం (1954)
                     సంగీతం:   ఘంటసాల
                        గానం:   ఘంటసాల, బృందం
   
                      స్త్రీ కంఠం:  ల ల ల ల ల ల లా
                                  ఊ..ఊ.. ఓ.. ఓ..
                   ఘంటసాల:  ఆంగికం
                       బృందం:  ఆంగికం
                   ఘంటసాల:  భువనం యస్యా..
                       బృందం:  భువనం యస్యా..
                   ఘంటసాల:  వాచికం సర్వ వాజ్ఞ్మయం
                       బృందం:  వాజ్ఞ్మయం
                   ఘంటసాల:  ఆహార్యం చంద్ర తారాది
                       బృందం:  తారాది
                   ఘంటసాల:  తం వందే సాత్వికమ్
                      అందరు:  శివం
 
                      బృందం:   జయజయజయజయ విజయేంద్ర          |జయజయ|
                                  అంజలి యిదె అమరేంద్రా..
                                  జయజయజయజయ విజయేంద్ర 
                                  అంజలి యిదె అమరేంద్రా..
                                  జయజయజయజయ విజయేంద్ర          |మళ్ళీ ఏడు సార్లు|
                                  ఆ.. ఆ.. ఆ.. ఆ

విన్నపము

ఘంటసాల మాస్టారి పాటలు, పద్యాలు, శ్లోకాల సాహిత్యాన్ని సేకరించి అభిమానులందరికి అందించాలనే చిన్న తాపత్రయం ఈ 'ఘంటసాల" బ్లాగు ఉద్దేశం. ఏవైనా పొరపాట్లు దొర్లి వుంటే ఆయా పోస్టుల దిగువన గాని, లేదా ఇ-లేఖ ద్వారా గాని తెలియజేయగలరు. నా ఇ-లేఖ చిరునామా: suryvulimiri@gmail.com

మాస్టారు పాడిన నేరు చిత్రాలు

చి- అంతస్తులు -1965 చి-అందం కోసం పందెం-1971 చి-అగ్గి బరాటా-1966 చి-అత్తా ఒకింటి కోడలే-1958 చి-అనగాఅనగా ఒక రాజు (డబ్బింగ్)-1959 చి-అన్నపూర్ణ-1960 చి-అప్పుచేసి పప్పుకూడు-1959 చి-అమరశిల్పి జక్కన్న-1964 చి-అమాయకుడు-1968 చి-ఆడ పెత్తనం-1958 చి-ఆత్మగౌరవం-1966 చి-ఆనందనిలయం-1971 చి-ఆప్తమిత్రులు-1963 చి-ఆరాధన-1962 చి-ఆస్తిపరులు-1966 చి-ఆహుతి-1950 చి-ఇద్దరు పెళ్ళాలు-1954 చి-ఇద్దరు మిత్రులు-1961 చి-ఇద్దరు మిత్రులు-1962 చి-ఉమాసుందరి-1956 చి-ఉయ్యాల జంపాల-1965 చి-ఉషాపరిణయం-1961 చి-ఋష్యశృంగ-1961 చి-ఏకవీర-1969 చి-కనకదుర్గ పూజా మహిమ-1960 చి-కన్నకొడుకు-1973 చి-కన్యాశుల్కం-1955 చి-కలసివుంటే కలదుసుఖం-1961 చి-కాళహస్తి మహత్మ్యం-1954 చి-కీలుగుఱ్ఱం-1949 చి-కుంకుమ రేఖ-1960 చి-కులగౌరవం-1972 చి-కృష్ణ ప్రేమ-1961 చి-కృష్ణ లీలలు-1959 చి-కృష్ణప్రేమ-1961 చి-కోటీశ్వరుడు-1970 చి-గంగా గౌరీ సంవాదము-1958 చి-గాంధారి గర్వభంగం-1959 చి-గాలిమేడలు-1962 చి-గుండమ్మకథ-1962 చి-గుణసుందరి కథ-1949 చి-గులేబకావళి కథ-1962 చి-గృహప్రవేశము-1946 చి-గృహలక్ష్మి-1967 చి-చండీరాణి-1953 చి-చంద్రహారం-1954 చి-చంద్రహాస-1965 చి-చరణదాసి-1956 చి-చింతామణి-1956 చి-చిట్టి తమ్ముడు-1962 చి-చెంచు లక్ష్మి-1958 చి-జగదేకవీరుని కథ-1961 చి-జయం మనదే-1956 చి-జయభేరి-1959 చి-జయసింహ-1955 చి-జరిగిన కథ-1969 చి-జీవన తరంగాలు-1973 చి-జైజవాన్‌-1970 చి-టైగర్ రాముడు-1962 చి-టౌన్‌ బస్-1957 చి-డా.ఆనంద్-1966 చి-తలవంచని వీరుడు-1957 చి-తెనాలి రామకృష్ణ-1956 చి-తేనె మనసులు-1965 చి-తోడికోడళ్ళు-1957 చి-దశావతారములు-1962 చి-దీపావళి-1960 చి-దేవకన్య-1968 చి-దేవత-1965 చి-దేవదాసు-1953 చి-దేవాంతకుడు-1960 చి-దేశద్రోహులు-1964 చి-దొంగనోట్లు (డబ్బింగ్)-1964 చి-దొరికితే దొంగలు చి-ద్రోహి-1948 చి-ధర్మదాత-1970 చి-ధర్మాంగద-1949 చి-నమ్మినబంటు-1960 చి-నర్తనశాల-1963 చి-నలదమయంతి-1957 చి-నవగ్రహపూజా మహిమ-1964 చి-నిర్దోషి-1951 చి-నిర్దోషి-1967 చి-పరమానందయ్య శిష్యుల కథ-1966 చి-పరోపకారం-1953 చి-పల్నాటి యుద్ధం-1947 చి-పల్నాటి యుద్ధం-1966 చి-పల్లెటూరి పిల్ల-1950 చి-పల్లెటూరు-1952 చి-పవిత్ర బంధం-1971 చి-పవిత్ర హృదయాలు-1971 చి-పసుపు కుంకుమ-1955 చి-పాండవ వనవాసం-1965 చి-పాండురంగ మహత్మ్యం-1957 చి-పాతాళ భైరవి-1951 చి-పిచ్చి పుల్లయ్య-1953 చి-పిడుగు రాముడు-1966 చి-పూజాఫలం-1964 చి-పెండ్లి పిలుపు-1961 చి-పెద్ద మనుషులు-1954 చి-పెళ్ళి కాని పిల్లలు-1961 చి-పెళ్ళి చేసి చూడు-1952 చి-పెళ్ళి సందడి-1959 చి-పెళ్ళినాటి ప్రమాణాలు-1958 చి-పేదరాశి పెద్దమ్మ కథ-1968 చి-పొట్టి ప్లీడరు-1966 చి-ప్రపంచం-1950 చి-ప్రమీలార్జునీయం-1965 చి-ప్రాయశ్చిత్తం-1962 చి-ప్రియురాలు-1952 చి-ప్రేమ నగర్-1971 చి-ప్రేమ-1952 చి-బంగారు గాజులు-1968 చి-బండ రాముడు-1959 చి-బందిపోటు-1963 చి-బడి పంతులు-1972 చి-బభ్రువాహన-1964 చి-బలే బావ-1957 చి-బాలనాగమ్మ-1959 చి-బాలభారతం-1972 చి-బాలరాజు కథ-1970 చి-బాలరాజు-1948 చి-బాలసన్యాసమ్మ కథ-1956 చి-బావమరదళ్ళు-1961 చి-బికారి రాముడు-1961 చి-బొబ్బిలి యుద్ధం-1964 చి-బ్రతుకుతెరువు-1953 చి-భక్త అంబరీష-1959 చి-భక్త జయదేవ-1961 చి-భక్త తుకారాం-1973 చి-భక్త రఘునాథ్-1960 చి-భక్త రామదాసు-1964 చి-భక్త శబరి-1960 చి-భట్టి విక్రమార్క-1960 చి-భలే అమ్మాయిలు-1957 చి-భాగ్యదేవత-1959 చి-భాగ్యరేఖ-1957 చి-భాగ్యవంతులు (డబ్బింగ్)-1962 చి-భామా విజయం-1967 చి-భీమాంజనేయ యుద్ధం-1966 చి-భీష్మ-1962 చి-భూకైలాస్-1958 చి-భూలోకంలో యమలోకం-1966 చి-మంచి మనసుకు మంచి రోజులు-1958 చి-మంచిరోజులు వచ్చాయి-1972 చి-మదన మంజరి-1961 చి-మనదేశం-1949 చి-మనుషులు-మమతలు-1965 చి-మరపురాని కథ-1967 చి-మర్మయోగి-1964 చి-మల్లీశ్వరి-1951 చి-మహాకవి కాళిదాదు-1960 చి-మహామంత్రి తిమ్మరుసు-1962 చి-మాయాబజార్-1957 చి-మూగ మనసులు-1964 చి-మోహినీ భస్మాసుర-1966 చి-యశొద కృష్ణ-1975 చి-యోగి వేమన-1947 చి-రంగుల రాట్నం-1967 చి-రక్త సిందూరం-1967 చి-రక్షరేఖ-1949 చి-రణభేరి-1968 చి-రత్నగిరి రహస్యం (డబ్బింగ్)-1957 చి-రహస్యం-1967 చి-రాజ మకుటం-1960 చి-రాజకోట రహస్యం-1971 చి-రాజు పేద-1954 చి-రాము-1968 చి-రుణానుబంధం-1960 చి-రేణుకాదేవి మహాత్మ్యం-1960 చి-రోజులు మారాయి-1955 చి-లక్ష్మమ్మ-1950 చి-లక్ష్మీ కటాక్షం-1970 చి-లవకుశ-1963 చి-వదినగారి గాజులు-1955 చి-వరుడు కావాలి-1957 చి-వాగ్దానం-1961 చి-వారసత్వం-1964 చి-వాల్మీకి-1963 చి-విచిత్ర కుటుంబం-1969 చి-విచిత్ర కుటుంబం-1969. పా-పి.సుశీల తో చి-విజయం మనదే-1970 చి-వినాయక చవితి-1957 చి-విమల-1960 చి-విష్ణుమాయ-1963 చి-వీర కంకణం-1957 చి-వీరఖడ్గము-1958 చి-వీరాంజనేయ-1968 చి-వెలుగు నీడలు-1961 చి-శకుంతల-1966 చి-శభాష్ రాజా-1961 చి-శభాష్ రాముడు-1959 చి-శాంతి నివాసం-1960 చి-శోభ-1958 చి-శ్రీ గౌరీ మహత్మ్యం-1956 చి-శ్రీ వల్లీ కల్యాణం (డ)-1962 చి-శ్రీ వేంకటేశ్వర వైభవం-1971 చి-శ్రీ సత్యనారాయణ మహత్యం-1964 చి-శ్రీ సింహాచలక్షేత్ర మహిమ-1965 చి-శ్రీకాకుళ ఆంధ్రమహావిష్ణువు కథ-1966 చి-శ్రీకృష్ణ కుచేల-1961 చి-శ్రీకృష్ణ తులాభారం-1966 చి-శ్రీకృష్ణ పాండవీయం-1966 చి-శ్రీకృష్ణ విజయం-1971 చి-శ్రీకృష్ణమాయ-1958 చి-శ్రీకృష్ణార్జున యుద్ధం-1963 చి-శ్రీరామభక్త హనుమాన్ (డబ్బింగ్)-1958 చి-శ్రీవేంకటేశ్వర మహత్మ్యం-1960 చి-శ్రీవేంకటేశ్వర వైభవం-1971 చి-షావుకారు-1950 చి-సంతానం-1955 చి-సంపూర్ణ రామాయణం-1972 చి-సంసారం-1950 చి-సతీ అనసూయ-1957 చి-సతీ సక్కుబాయి-1965 చి-సతీ సులోచన-1961 చి-సత్య హరిశ్చంద్ర-1965 చి-సప్తస్వరాలు-1969 చి-సరస్వతీ శపథం-1967 చి-సర్వర్ సుందరం-1966 చి-సారంగధర-1957 చి-సాహసవీరుడు-1956 (డబ్బింగ్) చి-సీతారామ కల్యాణం-1961 చి-సుమంగళి-1965 చి-స్వప్న సుందరి-1950 చి-స్వర్గసీమ-1945 చి-స్వర్ణ మంజరి-1962 చి-హరిశ్చంద్ర-1956

సహగాయనీ గాయకులు

గా-ఎ.పి.కోమల తో (3) గా-ఎం.వి.రాజమ్మ తో (1) గా-ఎల్.ఆర్.ఈశ్వరి తో (1) గా-ఎస్.జానకి తో (4) గా-గానసరస్వతి తో (1) గా-గోపాలరత్నం తో (1) గా-ఘంటసాల (72) గా-ఘంటసాల-బృందం (3) గా-జమునారాణి తో (2) గా-జి.వరలక్ష్మి తో (1) గా-జిక్కీ తో (4) గా-జిక్కీ-బాలసరస్వతి తో (1) గా-జిక్కీతో (5) గా-పలువురి తో (1) గా-పి.కన్నాంబ తో (1) గా-పి.బి.శ్రీనివాస్ తో (3) గా-పి.భానుమతి తో (9) గా-పి.లీల తో (18) గా-పి.లీలతో (2) గా-పి.సుశీల తో (46) గా-పి.సుశీల-బృందంతో (2) గా-పిఠాపురం తో (1) గా-బాలసరస్వతి తో (3) గా-బృందం తో (35) గా-బృందంతో (1) గా-బెంగుళూరు లత తో (1) గా-బెజవాడ రాజరత్నం తో (2) గా-భానుమతి-పిఠాపురం తో (1) గా-మాధవపెద్ది తో (2) గా-రాధాజయలక్ష్మి తో (2) గా-రేణుక తో (1) గా-లతా మంగేష్కర్ తో (1) గా-వి.జె.వర్మతో (1) గా-వి.సరళ తో (2) గా-శరావతి తో (1) గా-శోభారాణితో (2) గా-శ్రీదేవి తో (1) గా-సరోజిని తో (1) గా-సి.కృష్ణవేణి తో (2) గా-సుందరమ్మ తో (1)

మాస్టారి పాటల సంగీత దర్శకులు

సం-అద్దేపల్లి సం-అశ్వత్థామ సం-అశ్వద్ధామ సం-ఆదినారాయణ రావు సం-ఆర్.గోవర్ధనం సం-ఆర్.సుదర్శనం-ఆర్.గోవర్ధనం సం-ఎం.రంగారావు సం-ఎల్.మల్లేశ్వరరావు సం-ఎస్.పి.కోదండపాణి సం-ఓగిరాల సం-ఓగిరాల-అద్దేపల్లి సం-ఓగిరాల-టి.వి.రాజు సం-గాలి పెంచల సం-ఘంటసాల సం-జె.వి.రాఘవులు సం-జోసెఫ్-విజయాకృష్ణమూర్తి సం-టి.ఎం.ఇబ్రహీం సం-టి.చలపతిరావు సం-టి.జి.లింగప్ప సం-టి.వి.రాజు సం-నాగయ్య-తదితరులు సం-పామర్తి సం-పామర్తి-సుధీర్ ఫడ్కే సం-పి.శ్రీనివాస్ సం-పెండ్యాల సం-బాలాంత్రపు సం-బి.శంకర్ సం-మణి-పూర్ణానంద సం-మల్లేశ్వరరావు సం-మాస్టర్ వేణు సం-ముగ్గురు దర్శకులు సం-రాజన్‌-నాగేంద్ర సం-రాజు-లింగప్ప సం-రామనాథన్‌ సం-విజయా కృష్ణమూర్తి సం-విశ్వనాథన్‌-రామ్మూర్తి సం-వై.రంగారావు సం-సర్దార్ మల్లిక్ - పామర్తి సం-సాలూరు సం-సాలూరు-గోపాలం సం-సుదర్శనం-గోవర్ధనం సం-సుబ్బయ్యనాయుడు సం-సుబ్బరామన్‌ సం-సుబ్బురామన్ సం-సుసర్ల సం-హనుమంతరావు సం-MSV-రామ్మూర్తి-పామర్తి

మాస్టారి పాటల రచయితలు

ర-0 ర-అనిశెట్టి ర-అనిసెట్టి ర-ఆత్రేయ ర-ఆదినారాయణ రావు ర-ఆరుద్ర ర-ఉషశ్రీ ర-ఎ.వేణుగోపాల్ ర-కాళిదాసు ర-కాళ్ళకూరి ర-కొసరాజు ర-గబ్బిట ర-గోపాలరాయ శర్మ ర-ఘంటసాల ర-జంపన ర-జయదేవకవి ర-జాషువా ర-జి.కృష్ణమూర్తి ర-తాండ్ర ర-తాపీ ధర్మారావు ర-తిక్కన ర-తిరుపతివెంకటకవులు ర-తోలేటి ర-దాశరథి ర-దాశరధి ర-దీక్షితార్ ర-దేవులపల్లి ర-నార్ల చిరంజీవి ర-పరశురామ్‌ ర-పాలగుమ్మి పద్మరాజు ర-పింగళి ర-బమ్మెర పోతన ర-బమ్మెఱ పోతన ర-బాలాంత్రపు ర-బైరాగి ర-భాగవతం ర-భావనారాయణ ర-భుజంగరాయ శర్మ ర-మల్లాది ర-ముద్దుకృష్ణ ర-రాజశ్రీ ర-రామదాసు ర-రావులపర్తి ర-రావూరి ర-వారణాసి ర-విజికె చారి ర-వీటూరి ర-వేణు ర-వేములపల్లి ర-శ్రీశ్రీ ర-సదాశివ బ్రహ్మం ర-సముద్రాల జూ. ర-సముద్రాల సీ. ర-సి.నా.రె. ర-సినారె ర-సుంకర-వాసిరెడ్డి ర-సుబ్బారావు రచన-దాశరధి రచన-దేవులపల్లి రచన-పానుగంటి రచన-పింగళి రచన-బలిజేపల్లి