శ్రీ విద్యాపుర వజ్ర పీఠమున పద్యం - మహామంత్రి తిమ్మరుసు నుండి

1962 లో గౌతమీ ప్రొడక్షన్‌స్ పతాకంపై, పౌరాణిక బ్రహ్మ  కమలాకర కామేశ్వర రావు దర్శకత్వంలో నిర్మింపబడిన చారిత్రాత్మక చిత్రం మహామంత్రి తిమ్మరుసు. విద్యారణ్య స్వామి ఆశీర్వాదంతో సంగమ వంశానికి చెందిన హరిహర (హక్క) రాయలు, బుక్కరాయలు కర్ణాటకలో గల హంపి సమీపంలో విజయనగర సామ్రాజ్యాన్ని స్థాపిస్తారు. విద్యారణ్య స్వామి పేరున దీనిని విద్యా నగరం లేక విద్యా పురం అని కూడ అంటారు. విజయనగర సామ్రాజ్యానికి రాజైన శ్రీకృష్ణ దేవరాయలకు సాళువ తిమ్మరుసు అమాత్యునిగా వుండి పరిపాలనలో చాల కీలకమైన పాత్ర వహిస్తాడు. శ్రీకృష్ణదేవరాయల వీరత్వము, సాళ్వ తిమ్మరుసు మంత్రిత్వం చేదోడు వాదోడుగా కలసి రాయల పరిపాలన రామరాజ్యాన్ని మరపించింది అంటే అతిశయోక్తి కాదు. మాతృభాష తుళు అయినప్పటికీ రాయలకు తెలుగు భాష పట్ల గల మక్కువ. "దేశ భాషలందు తెలుగు లెస్స" యని పలికాడు. సాహితీ సమరాంగణ సార్వభౌముడైన రాయలు తన ఆస్థానంలో అష్ట దిగ్గజాలను కవి శిఖామణులను నెలకొలిపి తన కవన, సాహిత్య సభను భువనవిజయము పేర తీర్చిదిద్దాడు. మహామంత్రి తిమ్మరుసు చిత్రంలో తిమ్మరుసు గా గుమ్మడి వెంకటేశ్వర రావు, శ్రీకృష్ణ దేవరాయలు గా నందమూరి తారక రామారావు నటించారు. తిమ్మరుసు పాత్రలో చూపించిన నటనకు గుమ్మడికి ఈ చిత్రం జాతీయ స్థాయిలో ఉత్తమ సహాయ నటుని పురస్కారంతో ఎనలేని ఖ్యాతి తెచ్చింది. ఇదివరలో ఈ చిత్రం నుండి జయవాణీ చరణ కమల అనే పాటను, తెలుగదేల యన్న దేశంబు తెలుగు అన్న పద్యాన్ని ప్రచురించాను. ప్రస్తుతం శ్రీ విద్యా వజ్రపీఠమున అన్న పద్యాన్ని ఘంటసాల గళంలో వినండి.

ఆడియో మూలం: అంతర్జాలం

ఈ పద్యం యొక్క వీడియోను ఈ లింకులో చూడగలరు.

	చిత్రం:	మహామంత్రి తిమ్మరుసు (1962)
	రచన:	పింగళి నాగేంద్ర రావు
	సంగీతం:	పెండ్యాల నాగేశ్వర రావు
	గానం:	ఘంటసాల వేంకటేశ్వర రావు
	పద్యం:	శ్రీ విద్యాపుర వజ్ర పీఠమున వాసిన్‌ గాంచి వర్ధిల్లుమా
		నీ వీరత్వము సాళ్వ తిమ్మరుసు మంత్రిత్వంబమోఘంబుగా
		యావద్దేశము రామ రాజ్యముగ రాయా..ఆ..ఆ…
		యావద్దేశము రామ రాజ్యముగ రాయా ఆంధ్ర భోజుండవై
		మా విద్వత్ కవిరాజ గోష్టులను సన్మానంబులన్‌ గాంచుమా..
		ఆ..ఆ..ఆ..ఆ..

ఘంటసాల మాస్టారి పై 2011 లో వచ్చిన డాక్యు మెంటరీ

  

మొదటి భాగం

రెండవ భాగం

Thanks to Raghava for the wonderful videos and Saptagiri for an excellent program without commercials.