జగమే మారినది మధురముగా ఈ వేళ - ఏకగళమా? యుగళమా?

ప్రేయసీ ప్రియుల మమతానురాగాలు గువ్వల జంటలా, నవ్వుల పంటలా విరజాజుల పరిమళపు స్వాగతంతో మనసులనుల్లాస పరుస్తాయి. తొలిప్రేమలోని తీపి గురుతులు మనసుకు హత్తుకుని కూరిమి తలపులను వారెప్పుడూ నెమరు వేసుకుంటుంటారు. ఈ భావాలను సుమధురంగా ఆరుద్ర 1964 లో విడుదలైన 'దేశ ద్రోహులు' చిత్రంలో "జగమే మారినది మధురముగా ఈ వేళ" గీతంలో ఆవిష్కరించారు. అయితే మనము తరచూ వినే మాస్టారి ఏకగళ గీతం సినిమాలో పియానో వాయిస్తూ కథానాయకుడు తను ప్రేమించి, మరొకరి ఇల్లాలైన తన ప్రేయసి ఎదుటపడినపుడు పాడిన పాట. అతను పడే బాధ రెండవ చరణంలో 'కమ్మని భావమే కన్నీరై నిండెనూ' అంటూ ప్రకటిస్తాడు. అయితే ఇదే పాట యుగళ గీతంగా చిత్రం పూర్వ భాగంలో "ఎదలో యింతటి సంతోషమెందుకో" అని పలుకుతాడు.  ఒకే భావం, పరిస్థితుల ప్రభావానికి లోనైనపుడు ఉద్వేగంతో ఆశాజనకమైన యుగళగీతం ఎలా నిరాశ నిండిన ఏకగళ గీతంగా మారుతుందో, రెండు వేర్వేరు సన్నివేశాలలో చిత్రీకరించబడిన, ఆరుద్ర కలం నుండి జాలువారిన ఈ గీతం చెబుతుంది. ఈ విభిన్న రసాలకు అద్భుతమైన బాణీని కళ్యాణి రాగంలో రసాలూరు రాజేశ్వర రావు అందించారు.  ఈ చిత్రం లో ఎన్‌.టి.రామారావు, దేవిక, కాంతారావు, శోభన్‌బాబు, జానకి నటించారు. ఈ పాట(ల), శ్రవణ, దృశ్య, సాహిత్యాలను ఇక్కడ పొందు పరుస్తున్నాను. వి(క)ని ఆనందించగలరు. 

యుగళ గీతం

Thanks to Srini Dasri for up loading the video to You Tube

ఏకగళ గీతం 

 Thanks to Srini Dasri for up loading the video to You Tube

		యుగళ గీతం: ఘంటసాల-పి.సుశీల			ఏకగళ గీతం: ఘంటసాల
ఆలాపన:	సుశీల:	ఆ..ఆ..ఆ..ఆ..ఆ..ఆ..ఆ	పల్లవి:	ఘంటసాల:	జగమే మారినది మధురముగా ఈ వేళ
పల్లవి:	సుశీల:	జగమే మారినది మధురముగా ఈ వేళ -2			జగమే మారినదీ మధురముగా ఈ వేళ
		కలలూ కోరికలు తీరినవి మనసారా			కలలూ కోరికలు తీరినవి మనసారా.ఆ
		జగమే మారినది మధురముగా ఈ వేళ			జగమేమారినది మధురముగా ఈ వేళ
చరణం:	సుశీల:	మనసాడెనే మయూరమై పావురములు పాడే	చరణం:	ఘంటసాల:	మనసాడెనే మయూరమై పావురములు పాడే
		ఎల పావురములు పాడే			ఎల పావురములు పాడే
		మనసాడెనే మయూరమై పావురములు పాడే			ఇదె చేరెను గోరువంక రామచిలుక చెంత
		ఎల పావురములు పాడే			అవి అందాల జంట
		ఇదె చేరెను గోరువంక రామచిలుక చెంత			నెనరూ కూరిమీ ఈనాడే పండెను -2
		అవి అందాల జంట			జీవితమంతా చిత్రమైన పులకింత
		ఇదె చేరెను గోరువంక రామచిలుక చెంత			జగమే మారినది మధురముగా ఈ వేళ
		అవి అందాల జంట			కలలూ కోరికలు తీరినవి మనసారా.ఆ
		నెనరూ కూరిమీ ఈనాడే పండెను -2			జగమే మారినది మధురముగా ఈ వేళ
		జీవితమంతా చిత్రమైన పులకింత	చరణం:	ఘంటసాల:	విరజాజుల సువాసన స్వాగతములు పలుక
		జగమే మారినది మధురముగా ఈ వేళ			సుస్వాగతములు పలుకా
		కలలూ కోరికలు తీరినవి మనసారా			ఆ ఆ..ఆ..ఆ..ఆ. ఆ…
		జగమే మారినది మధురముగా ఈ వేళ			విరజాజుల సువాసన స్వాగతములు పలుక
చరణం:	సుశీల:	విరజాజుల సువాసన స్వాగతములు పలుక			సుస్వాగతములు పలుకా
		సుస్వాగతములు పలుకా			తిరుగాడును తేనెటీగ తీయదనము కోరి
		తిరుగాడును తేనెటీగ తీయదనము కోరి			అనురాగాల తేలి
		అనురాగాల తేలి			కమ్మని భావమే కన్నీరై చిందెను - 2
	ఘంటసాల:	ఎదలో ఇంతటి సంతోషమెందుకో -2			ప్రియమధు చెలిమి సాటిలేని కలిమీ..ఈ.ఈ.
		ఎవ్వరికోసమో ఎందుకింత పరవశము			జగమే మారినది మధురముగా ఈ వేళ
		జగమే మారినది మధురముగా ఈ వేళ			కలలూ కోరికలు తీరినవి మనసారా.ఆ
	సుశీల:	కలలూ కోరికలు తీరినవి మనసారా			జగమే మారినది మధురముగా ఈ వేళ
	ఇద్దరు:	జగమే మారినది మధురముగా ఈ వేళ

ఘంటసాల గానం చేసిన శ్రీ రామాయణ కావ్య కథ - వాల్మీకి చిత్రం నుండి

1963 లో జూపిటర్ సంస్థ శ్రీ సి.ఎస్.రావు దర్శకత్వం లో నిర్మించిన చిత్రం "వాల్మీకి". ఇందులో శ్రీ ఎన్‌.టి.ఆర్. టైటిల్ పాత్ర పోషించారు. ఇతర నటులు కె.రఘురామయ్య, రాజసులోచన, రాజనాల గార్లు. ఘంటసాల మాస్టారు వాల్మీకి చిత్రానికి చాల పాటలు, శ్లోకాలు గానం చేశారు. ఈ చిత్రంలో ఎక్కువగా విన్న పాట "అనురాగమిలా కొనసాగవలే" ఘంటసాల, సుశీల పాడిన యుగళగీతం. ఈ చిత్రం కోసం మొత్తం రామాయణాన్ని చక్కని పాటగా వ్రాసిన వారు శ్రీ సముద్రాల రాఘవాచార్యులు గారు. ఈ చిత్రం కన్న ముందు వచ్చిన భూకైలాస్ (1958) లోని "రాముని అవతారం రవికుల సోముని అవతారం" కూడ శ్రీ సముద్రాల గారే వ్రాసారు. అయితే ఈ చిత్రంలో మరికొన్ని అదనపు చరణాలతో, వివరాలతో వ్రాసారు.  సంగీతం ఘంటసాల గారేనని  వింటే తెలిసిపోతుంది. ఈ చిత్రానికి దర్శకులు సి.ఎస్.రావు, నిర్మాత హబీబుల్లా. 
  

                             చిత్రం:     వాల్మీకి (1963)
                             కలం:      సముద్రాల రాఘవాచార్య 
                             స్వరం:    ఘంటసాల 
                             గానం:     ఘంటసాల

	పల్లవి:	శ్రీ రామాయణ కావ్య కథ, జీవన తారక మంత్ర సుధా..
		శ్రీ రామాయణ కావ్య కథ
	చరణం:	తపసూ, ధర్మము వీడని వాడు తనయులులేని దశరథుడు
		తనయుల కోరి చేసెను యాగము, దైవమొసంగెను పాయసము
		శ్రీ రామాయణ కావ్య కథ
	చరణం:	కౌసల్య, కైకేయి, సుమిత్ర యాగఫలముగ బడసిరి కొమరుల
		రామ, భరత, లక్ష్మణ, శతృఘ్నుల (2), రఘుకుల తిలకుల వీరులా
		శ్రీ రామాయణ కావ్య కథ
	చరణం:	యాగము కావగ రాము బంపుమని దశరథునడిగెను కౌశికుడు
		తండ్రి సెలవుగొని, తమ్ముని తోగొని రాఘవుడాతని వెంట జనే
		శ్రీ రామాయణ కావ్య కథ
	చరణం:	నారినెదురుకొను తాటక ద్రుంచి, మారీచ-సుబాహుల మదమడచి
		చతుర్ధాటి శ్రీ రఘురాముడు ముని రాజుల దీవనలందుకుని
		శ్రీ రామాయణ కావ్య కథ
	చరణం:	రాతి బొమ్మయై రామరామయని వగచు అహల్యకు శాపము బాపి
		మిథిలకేగి హరు చాపము విఱచి (2), జానకినేలెను రఘునాయకుడు
		శ్రీ రామాయణ కావ్య కథ
	చరణం:	సీతాపతి ధరణీపతి జేయగ జతనము జేసెను మహరాజు
		రాముని వనులకు పంపి భరతుని ప్రభుని చేయుమనె కైకేయి
		సీతా, లక్ష్మణయుతుడై రాముడు విడచినాడు సాకేత పురి
		పుత్ర శోకమును సైపని భూపతి మూర్ఛిలి జేరెను అమరపురి
		రాముని దేవుని వలె పూజించి గుహుడు గంగను దాటించె
		చిత్రకూటమున పర్ణశాలలో చెలువతో రాముడు నివసించె
		భరతుడు రాముని పదముల వ్రాలి పురికి రమ్మని ప్రార్థించె
		ఆడితప్పనని తనకు బదులుగా పాదుకలొసగి పంపించే..
		శ్రీ రామాయణ కావ్య కథ జీవన తారక మంత్రసుధ
		శ్రీ రామాయణ కావ్య కథ
	చరణం:	రఘురామునిగని శూర్పణఖ బిగి కౌగిలినిమ్మని డాసె
		కత్తి దూసి లక్ష్మణుడా రక్కసి ముక్కూ, చెవులను గోసే
		హుంకరించి లంకాపతి పంపెను మారీచుని బంగారు లేడిగా
		దాశరథీ వెన్నాడెను లేడిని ధరణిజ తెమ్మని వేడగా
		హా! లక్ష్మణా! హా లక్ష్మణయను అన్న పిలుపువిని
		అరిగెను తోడుగ లక్ష్మణుడు
		బిచ్చమడిగి ముని ముచ్చు విధాన మృచ్ఛిలే సీతను రావణుడు
		అడ్డగించి ఎదురించి జటాయువు రెక్కలూడి భువి పడిపోయే
		లంకాపురిలో అశోకవనిలో సీతమ్మకు తీరని చెఱలాయే..
		శ్రీ రామాయణ కావ్య కథ జీవన తారక మంత్రసుధ
		శ్రీ రామాయణ కావ్య కథ
	చరణం:	జానకి జాడలు తీయుదు నేను, వాలి జంపుమనె రవిసుతుడు
		కిష్కింధకు నిను రాజుసేతునని బాసలు చేసెను రవికులుడు
		సమబలులై సుగ్రీవుడు, వాలియు సమరము జేసిరి కవ్వించి
		తరువు చాటున నిలచి రాముడు సరగున వాలిని వధియించె
		రఘుకుల తిలకుడు వానర సీమకు రవిసుతు రాజును జేసే
		జానకి ఉనికిని కనుగొని రమ్మని హనుమను పయనము జేసే
		సంబరమేసి అంబరవీధి..ఈ.. ఆ..ఆ..
		సంబరమేసి అంబరవీధి అంబుధి దాటెను హనుమా..
		శ్రీ రామాయణ కావ్య కథ జీవన తారక మంత్రసుధ
		శ్రీ రామాయణ కావ్య కథ
	చరణం:	తారక మంత్రము మనసున మరువని భూమిజ కాంచెను పావని
		రాముని ముద్రిక అమ్మకు నొసగి చూడామణి తన చేతగొని
		పావని ఇంద్రజిత్ బ్రహ్మాస్త్రమునకు తలవంచె, బంధించి తండ్రి ముందుంచె
		నీతి మాలిన రాజు దూత వాలమును కాల్పించె
		లంకనే కాలిచి ఎగిరి, రామచంద్రుని ముందు వ్రాలెను హనుమ
		కదనానికి కపులగోరి కదలినాడు దాశరథి
		కడలి వడకి ఎడమునీయ కట్టించెను వారధి
		అన్నా! యిక సీత విడువుమన్నాడు విభీషణుడు
		కన్నులురిమి అతని తలను తన్నినాడు రావణుడు
		రామచంద్రు చరణములే శరణమనె విభీషణుడు
		చేరదీసి లంకాపురి విభుని చేసె రఘువరుడు
		శ్రీ రామాయణ కావ్య కథ జీవన తారక మంత్రసుధ
		శ్రీ రామాయణ కావ్య కథ
	చరణం:	రావణ రాఘవ సమరములోన చావడు రావణుడెంతటికైనా
		జీవ రహస్యము నెరిగిన రాముడు శరమును వదలెను రోషాన
		కడుపులో సుధా కలశము పగిలి పడియెను రావణుడిలపైన
		అతి పునీత యీ అవనీజాత అని దీవించెను హుతవరుడు
		సురలును, నరులును, సన్నుతిసేయ పురమును జేరే రఘూద్వహుడు
		సతీ సహోదరయుతుడై చల్లగ రాజ్యము చేసెను రఘువరుడు
		శ్రీ రామాయణ కావ్య కథ జీవన తారక మంత్రసుధ
		శ్రీ రామాయణ కావ్య కథ

కృతజ్ఞతలు: యూ ట్యూబ్ వీడియో పొందు పరచిన బొల్లాప్రగడ సోమేశ్వరరావు గారికి, చిత్రం సాంకేతిక వివరాలు అందించిన ఘంటసాల గళామృతము పాటల పాలవెల్లి బ్లాగు కొల్లూరి భాస్కర్ గారికి, వికిపీడియా వారికి హృదయ పూర్వక ధన్యవాదాలు.
*You can download this page as PDF file by clicking on the "Print Friendly" button below.

భార్య, భర్త ఎలాంటివారో చెప్పే పద్యాలు - చింతామణి చిత్రం నుండి

బహుళ ప్రజాదరణ పొందిన నాటకం చింతామణి. దీనిని  వ్రాసిన వారు అలనాటి సంఘ సంస్కర్త, నాటక రచయిత, కవి అయిన శ్రీ కాళ్ళకూరి నారాయణరావు (1871-1927) గారు. వీరి రచనలలో వరకట్నం కు వ్యతిరేకంగా వ్రాసిన "వర విక్రయము", వేశ్యా వృత్తిని ఖండిస్తూ వ్రాసిన "చింతామణి" నాటకాలు పేరెన్నిక గన్నవి. చింతామణి నాటకాన్ని రెండు సార్లు (1933 మరియు 1956) సినిమాగా తీసారు. ఈ చిత్రంలో కవి బిల్వ మంగళుడు గా ఎన్.టి.ఆర్., అతని భార్య గా జమున, చింతామణి అనే వేశ్య పాత్రలో భానుమతి నటించారు. గుణవతియైన భార్యకుండవలసిన లక్షణాలను, అలాగే భార్యలను బాధించే కొందరు భర్తలను గురించి బిల్వ మంగళుడు ఈ విధంగా వివరిస్తాడు.

కృతజ్ఞతలు: యూ ట్యూబ్ వీడియో సమర్పించిన శ్రీ హరీష్ (Bank of Sri Ghantasala, Machilipatnam, A.P.) 

చిత్రం:         చింతామణి (1956)

మూలం:      చింతామణి నాటకము

రచన:         కాళ్ళకూరి నారాయణ రావు 
గానం:         ఘంటసాల వెంకటేశ్వర రావు

సంగీతం:      అద్దేపల్లి రామారావు, టి.వి.రాజు

సంగీత పర్యవేక్షణ:   పి.భానుమతి

పద్యం:	కష్ట భరితంబు బహుళ దుఃఖప్రదంబు
	సారరహితంబునైన సంసారమందు
	భార్యయను స్వర్గమొకటి కల్పనము చేసె
	పురుషులనిమిత్తము పురాణ పూరుషుండు
	ఆ.. ఆ.. ఆ..
వచనం:	భార్యలను కష్టాల పెట్టె భర్తలు మాత్రం లేరా అని కదూ, యెందుకు లేరు
పద్యం:	అర్ధాంగ లక్ష్మియైనట్టి యిల్లాలిని తమయింటి దాసిగా తలచువారు
	చూడు..
	అర్ధాంగ లక్ష్మియైనట్టి యిల్లాలిని తమయింటి దాసిగా తలచువారు
	చీటికి మాటికి చిరబురలాడుచు పెండ్లాము నూరక యేడ్పించువారు
	పడపుగత్తెల ఇండ్ల బానిసెంచై ధర్మపత్ని యన్నను మండిపడెడివారు
	బయట నెల్లరచేత పడివచ్చి యింటను పొలతినూరక తిట్టి పోయువారు
	పెట్టుపోతల పట్లగలట్టి లోటు తిట్టుకొట్టులతోడను తీర్చువారు
	ఖలులు, కఠినులు, హీనులు, కలుషమతులు కలరు పురుషులలోన పెక్కండ్రు నిజము

పావురము పై పద్యం - సారంగధర చిత్రం నుండి ఘంటసాల గళంలో

1957 లో జానపద కథ ఆధారంగా మినర్వా పిక్చర్స్ పతాకంపై విడుదలైన చిత్రం సారంగధర.  ఇందులో ఎన్‌.టి.ఆర్., భానుమతి, రాజసులోచన నటించారు. సంగీతం ఘంటసాల మాస్టారు, గీత, పద్య రచన శ్రీ సముద్రాల రాఘవాచార్యులు (సీనియర్) గారు. ఇందులో మాస్తారు ఏకగళ పద్యాలు, భానుమతి గారితో సంవాద పద్యాలు, ఒక చక్కని యుగళ గీతం పాడారు. సముద్రాల గారు వ్రాసిన "గగన సీమంతిని" అనే పద్యం యొక్క దృశ్య, శ్రవణ, సాహిత్యాలను ఇక్కడ పొందుపరుస్తున్నాను. ఈ వీడియోను సమకూర్చినది శ్రీ కె.వి.ఆర్.హరీష్ (Bank of Sri Ghantasala, Machilipatnam) గారు. వారికి ప్రత్యేక కృతజ్ఞతలు.
  

 చిత్రం: సారంగధర (1957)

కలం:  సముద్రాల రాఘవాచార్యులు

స్వరం, గళం: ఘంటసాల వెంకటేశ్వర రావు

	గగన సీమంతిని కంఠ హారములోన దనరారు నాయకమణి యనంగ
	హాయిగా నందనోద్యాన సీమనుకుల్కు అందాల కొదమ రాయంచయనగ
	అమరులైరావత హస్తాగ్రమున వేయ చెలువారు మల్లె పూచెండనంగ
	గంగాధరుని మౌళి రంగుగా కొలువై పసలు నించెడు చంద్రవంకయనగ
	చూడుడదిగో నిక్కి చుక్కలలో నిల్చి రెక్కలార్పకుండ చొక్కకుండ
	ఆకసాన తేలియాడుచున్నది నాదు పావురమ్ము రాచఠీవి మెఱయ
	ఆ..ఆ..ఆ..

తెలుగదేలయన్న (పద్యం) - మహామంత్రి తిమ్మరుసు చిత్రం నుండి

తుళువ వంశీయుడు అయినప్పటికీ, తెలుగు భాషకు ఎనలేని సేవచేసి "భువన విజయము" అనబడే తన ఆస్థానములో అష్టదిగ్గజాలను నెలకొల్పి తెలుగు కవితను, కావ్య రచనను ప్రోత్సహించిన కవి, సాహితీ సమరాంగణ సార్వ భౌముడు అయిన శ్రీకృష్ణదేవరాయలు మన కందరికీ చిరస్మరణీయుడు.  ఆంధ్ర-కర్ణాటక ప్రజల సమన్వయానికి కృషి చేసిన ఈతనిని "ఆంధ్ర భోజుడు" మరియు "కన్నడ రాజ్య రమారమణ" అని పేర్కొంటారు.  తెలుగులో "ఆముక్త మాల్యద" లేదా విష్ణుచిత్తీయము (గోదా దేవి కథ) అనే ప్రబంధాన్ని రచించాడు. ఏ దేశంలో వుంటే అక్కడి భాష, సంస్కృతి నేర్చుకోవడం, ఉపయోగించడం అవసరం. ఆ భావాన్ని తెలిపే "తెలుగదేల యన్న దేశంబు తెలుగు", అనే ఈ పద్యం కృష్ణదేవరాయ విరచితమైన ఆముక్తమాల్యద లోనిది. పౌరాణిక, జానపద, చారిత్రక ప్రాముఖ్యత గల పాత్రలకు శ్రీ రామారావు గారిని తప్ప మరొకరిని ఊహించుకోలేము. ఈ చిత్రంలో రాయలే తప్ప రామారావు కనిపించడు.  రాయల గురించి మరికొన్ని వివరాలు తెలుసుకోవడానికి ఈ పోస్టులో చూడండి.

	పద్యం:	తెలుగదేలయన్న దేశంబు తెలుగు యేను
		తెలుగు వల్లభుండ తెలుగొకండ
		ఎల్ల నృపులు గొలువ ఎఱుగవే బాసాడి
		దేశ భాషలందు తెలుగు లెస్స ఆ..ఆ..

అనురాగ పయోనిధీ (పద్యం) గులేబకావళి నుండి

                             చిత్రం:     గులేబకావళి కథ (1962)

                             రచన:     సి.నా.రె.

                             సంగీతం:  జోసెఫ్ వి. కృష్ణమూర్తి

                             గానం:     ఘంటసాల

                             అనురాగ పయోనిధీ! ఓ! జననీ

                             నీ పదమెనమ్మి జనకుని కనులన్

                             గొనిరా నఱుగుచు నుంటిని

                             కనురెప్ప విధాన నన్ను గావవె మాతా.. ఆ..

ఊహలు గుసగుసలాడే - దిపోటు చిత్రం నుండి

జానపద బ్రహ్మ శ్రీ బి. విఠలాచార్య దర్శకత్వంలో కృష్ణ కుమారి గారు, రామారావు గారు  నాయకీ నాయకులుగా నటించిన చిత్రం "బందిపోటు". ఈ చిత్రానికి మాస్టారు సంగీత దర్శకత్వం వహించారు.   శ్రీ ఆరుద్ర  గారి గీతాన్ని భావాన్నెరిగి రాగం నిర్ణయించడంలో తనకు తానే సాటియైన ఘంటసాల మాస్టారు, ఈ పాటకు గాను ఎన్నుకున్న రాగం "రసిక ప్రియ". రాగం పేరు వింటేనే ఎంత రసికతగా ఉంటుందో ఊహించగలము. అంతేకాక పాట నేపథ్యంలో "చిటికెల" చప్పుడు వంటి వాయిద్యాన్ని వాడటం ఈ పాటకు మరింత అందాన్నిచ్చింది. శ్రీమతి పి.సుశీల గారితో ఘంటసాలగారు పాడిన ఈ పాట ఆల్ టైం సూపర్ హిట్ సాంగ్ అనడంలో అతిశయోక్తి లేదు. ఇదే పాటను మాస్టారి రెండవ కుమారుడైన రత్నకుమార్ గారు, రోజా కలసి మణిశర్మ గారి సంగీతంలో రీ-మిక్సింగ్ చేసి కోతిమూక (2010) అనే చిత్రంలో పాడారు.  గాన కోకిల, పద్మ భూషణ్, శ్రీమతి పి.సుశీల గారికి జన్మదిన శుభాకాంక్షలతోఈ పాటను సాహిత్యం, ఆడియో మరియు వీడియో తో ఇక్కడ పొందు పరుస్తున్నాను. ఆడియో లో పాట ముందు వచ్చే హమ్మింగ్ తో కలసి సంపూర్ణంగా వుంది.

Thanks to Deva7997 for up loading the video to You Tube

                             చిత్రం:       బందిపోటు (1963)
                             రచన:       ఆరుద్ర 
                             సంగీతం:   ఘంటసాల
                             రాగం:       రసిక ప్రియ 
                             గానం:      ఘంటసాల, పి.సుశీల 

సుశీల:                ఊహూహూ..ఉ.ఉ.ఊ...ఉ.ఉ.ఊ..ఊ.ఊ.ఊ.

ఘంటసాల:           ఊహూహూ...ఉ.ఉ.ఉ.ఉ....ఉ.ఉ.ఉ.ఉ...ఊ.ఉ

సుశీల:                ఊహలు గుసగుసలాడె నా హృదయము ఊగిసలాడె

                        ప్రియా!

ఘంటసాల:           ఊ..

సుశీల:                ఊహలు గుసగుసలాడె నా హృదయము ఊగిసలాడె

సుశీల:                వలదన్న వినదీ మనసు కలనైన నిన్నే తలచు

                        వలదన్న వినదీ మనసు కలనైన నిన్నే తలచు

ఘంటసాల:           తొలి ప్రేమలో బలముందిలే అది నీకు మునుపే తెలుసు

                        ఊహలు గుసగుసలాడె నా హృదయము ఊగిసలాడె

ఘంటసాల:           నను కోరి చేరిన బేల, దూరాన నిలిచేవేల

                        నను కోరి చేరిన బేల, దూరాన నిలిచేవేల

సుశీల:                నీ ఆనతి లేకున్నచో విడలేను ఊపిరి కూడ

                        ఊహలు గుసగుసలాడె నా హృదయము ఊగిసలాడె

సుశీల:                దివి మల్లె పందిరి వేసె

ఘంటసాల:           భువి పెళ్ళి పీటను వేసె

సుశీల:                దివి మల్లె పందిరి వేసె

ఘంటసాల:           భువి పెళ్ళి పీటను వేసె

ఇద్దరు:                నెర వెన్నెల కురిపించుచు నెలరాజు పెండ్లిని చేసె

                        ఊహలు గుసగుసలాడె మన హృదయములూయలలూగె

                        ఉహుహూహుహు..

                        ఉహుహూహుహు..

                        ఉహుహూహుహు..