మనలో మనకే తెలుసునులే - గృహ లక్ష్మి నుండి ఘంటసాల, భానుమతి

ఎ.నాగేశ్వర రావు, భానుమతి జంటగా 1967 లో భానుమతీ రామకృష్ణ స్వంత బ్యానరైన భరణీ పిక్చర్స్ పై నిర్మించనడిన చిత్రం గృహలక్ష్మి. ఈ చిత్రానికి సంగీతం సాలూరు రాజేశ్వర రావు. మాస్టారు భానుమతితో కలసి మూడు పాటలు పాడారు. భానుమతి పాడిన మేలుకో వయ్య కావేటి రంగా శ్రీ రంగా, మావారు శ్రీవారు మా మంచి వారు చక్కని ఏకగళ గీతాలు. కన్నులే నీ కోసం కాచుకున్నవి మరొక సూపర్ హిట్ పాట. అవికాక కొసరాజు వ్రాసిన రావణాంజనేయ నాటకాన్ని మాధవపెద్ది, పిఠాపురం పాడారు. ఆరుద్ర వ్రాసిన మనలో మనకే తెలుసునే పాట సాహిత్యం, దృశ్య ఖండాన్ని ఈ పోస్టులో చూడగలరు.    

Audio Source: From Video

 

Thanks to Ramragbir for providing the You Tube video

	చిత్రం:	గృహ లక్ష్మి (1967)
	రచన:	ఆరుద్ర
	సంగీతం:	సాలూరు రాజేశ్వర రావు
	గానం:	ఘంటసాల వెంకటేశ్వర రావు, భానుమతీ రామకృష్ణ
పల్లవి:	ఘంటసాల:	మనలో మనకే తెలుసునులే
		ఈ మధుర మధురమగు ఆనందం
		మరపురాని మన కళ్యాణం
		మరపురాని మన కళ్యాణం
	భానుమతి:	మనలో మనకే తెలుసునులే
		ఈ మధుర మధురమగు ఆనందం
		మరపురాని మన కళ్యాణం
		మరపురాని మన కళ్యాణం
చరణం:	భానుమతి:	మనసే పరిణయ వేదిక
		మన వలపే మంగళ గీతిక	| మనసే |
	ఘంటసాల:	చూపే పిలిచే శుభలేఖ
		కనుచూపే పిలిచే శుభలేఖ
	భానుమతి:	లేత కోరిక ప్రేమ కానుక ఓ..ఓ..ఓ..	| మనలో |
చరణం:	ఘంటసాల:	ఘన స్వాగతమన్నవి హృదయాలు
		అభినందన లన్నవి అందాలు	| ఘన |
	భానుమతి:	పరువము జల్లే పన్నీరు	| పరువము |
		కోటి తలపులు కోరి పిలిచెను ఓ..ఓ..ఓ..
	ఘంటసాల:	మనలో మనకే తెలుసునులే
		ఈ మధుర మధురమగు ఆనందం
		మరపురాని మన కళ్యాణం
చరణం:	భానుమతి:	నవ్వుల పువ్వుల దండలు
		నవ యవ్వన జ్యోతులె హారతులు
	ఘంటసాల:	తొందర చేసే భావాలు
		ప్రేమ యాత్రకు సాగమన్నవి
	ఇద్దరు:	ఓ..ఓ..ఓ..
		మనలో మనకే తెలుసునులే
		ఈ మధుర మధురమగు ఆనందం
		మరపురాని మన కళ్యాణం
		మరపురాని మన కళ్యాణం

కృతజ్ఞతలు: సమాచారం పొందుపరచిన ఘంటసాల గళామృతము పాటల పాలవెల్లి మరియు వికి పీడియా బ్లాగులకు, వీడియో యూ ట్యూబ్ లో పొందుపరచిన ramragbir కు ధన్యవాదములు.