బేహాగ్ రాగంలో బెంగుళూరు లత, ఘంటసాల పాడిన 'ఇలకు దిగిన అందాల తారవో' - చంద్రహాస నుండి
విక్రం ప్రొడక్షన్స్ పతాకంపై 1965 లో నిర్మించిన చిత్రం చంద్రహాస. దీనిని తెలుగు, కన్నడ భాషలలో నిర్మించారు. చంద్రహాస చిత్రంలో తెలుగులో హరనాథ్, కన్నడలో రాజకుమార్ నటించారు. ఈ చిత్రానికి సాలూరు హనుమంతరావు గారు సంగీతం సమకూర్చారు. ఒకే ఒక పాటను ఘంటసాల మాస్టారు అలనాటి ప్రముఖ కన్నడ చిత్ర నేపధ్య గాయని బెంగుళూరు లత తో పాడారు. ఈమె ఇదివరలో నర్తనశాల చిత్రానికి బాలమురళీ కృష్ణ గారితో సలలిత రాగసుధారససారం పాడారు. ఇక్కడ మీరు విననున్న పాట 'ఇలకు దిగిన అందాల తారవో' చలనచిత్ర గీతాలలో బేహాగ్ రాగానికి మంచి గుర్తింపు. ఇదే రాగము, బాణిలో ఘంటసాలగారు, కన్నడంలో 'యావ కవియ శృంగార కల్పనెయో' అన్న పాటను రాజకుమార్ గారు అభినయించగా పాడినారు. ఆ దృశ్యాన్నే మీరు ఇక్కడచూస్తారు. అయితే ప్రస్తుతానికిది కన్నడ చిత్ర దృశ్యం పై తెలుగు డబ్ చేసిన వీడియో ఇది.
ఘంటసాల మాస్టారి పాటలు, పద్యాలు, శ్లోకాల సాహిత్యాన్ని సేకరించి అభిమానులందరికి అందించాలనే చిన్న తాపత్రయం ఈ 'ఘంటసాల" బ్లాగు ఉద్దేశం. ఏవైనా పొరపాట్లు దొర్లి వుంటే ఆయా పోస్టుల దిగువన గాని, లేదా ఇ-లేఖ ద్వారా గాని తెలియజేయగలరు. నా ఇ-లేఖ చిరునామా: suryvulimiri@gmail.com
nartanaSaala lO "seelavatee nee gatee .." anna paaTa Bangalore Lata dE kaDaa?
ప్రత్యుత్తరంతొలగించుఅవునండీ. ధన్యవాదాలు.
ప్రత్యుత్తరంతొలగించు
ప్రత్యుత్తరంతొలగించుఘంటసాలవారి ఎన్నోపాటలు ప్రసిద్ధమైనవే.అందరూ వినేఉంటారు.కాని మాలాగ,ఎప్పుడూ వినని పాటలుకొన్ని(కన్నాంబ,సుందరమ్మ,వంటి గాయనీమణులతో పాడిన)అపురూపమైన పాటల్ని సేకరించి వినిపించినందుకు ధన్యవాదాలు.