ఘంటసాల గానం చేసిన శ్రీహరి కేశవ నామా - భక్త అంబరీష చిత్రం నుండి
అయోధ్యకు రాజైన అంబరీషుడు విష్ణు భక్తుడు. శ్రీహరి కృపాకటాక్షంతో లభించిన శ్రీవారి సుదర్శన చక్రాన్ని తన పూజా మందిరంలో నెలకొల్పి నిత్యపూజలు చేస్తుంటాడు. కులగురువు సలహాపై ద్వాదశ వ్రతము నిష్టతో ఆచరిస్తుంటాడు. వ్రత సమయంలో ఏకాదశినాడు ఉపవసించి ద్వాదశ ఘడియలు ప్రారంభమయే తరుణంలో ఆహారం సేవించాలి. అయితే ఆఖరి ఏకాదశి నాడు ముక్కోపిగా ప్రసిద్ధి చెందిన దూర్వాస మహర్షి అంబరీషుని రాజ్యానికి వస్తాడు. రాజు కోరిక మీద ఆతిధ్యం స్వీకరిస్తానని స్నానార్ధం వెళ్లి ఎంతసేపటికీ తిరిగి రాడు. గురువు సలహా పై వ్రత ఫలితం పోకుండా కేవలము మంత్రజలము స్వీకరిస్తాడు అంబరీషుడు. అప్పుడే అక్కడకు వచ్చిన దూర్వాసుడు కోపంతో అంబరీషుని శపించబోగా, పూజా మందిరంలోని సుదర్శన చక్రం అడ్డుకుని దూర్వాసుని వెంబడిస్తుంది. మునిని త్రిమూర్తులు సైతం కాపాడ లేక పోతారు. విష్ణువు సలహాపై దూర్వాసుడు అంబరీషుని శరణు కోరుతాడు. దీనివలన విష్ణువును సేవించిన భక్తులను ఆ మురారి ఎప్పుడూ కాపాడుతాడు అన్నది సారాంశం. ఈ చిత్రంలో "శ్రీహరి కేశవ నామా" పాటలో "మధురిపు" అన్నపదం వాడారు కవి ఆరుద్ర గారు. రిపు అంటే శత్రువు, మధు అన్నవాడు ఒక రాక్షసుడు. నిజానికి శ్రీహరి నిద్రిస్తుండగా అతని చెవి గులిమి (ear wax) నుండి మధు, కైటభ అను ఇద్దరు రాక్షసులు పుడతారు. మాస్టారు పాడిన 'ప్రభాతి'లో "మధుకైటభారి (మధు కైటభ + అరి) శ్రీహరి ప్రక్కనుండి ఎల్ల లోకములగన్న మా తల్లీ లక్ష్మీ" అని వినే వుంటారు. అరి అంటే శత్రువు. మాస్టారు పాడిన శ్లోకం, పాట మరియు శ్రీమతి ఉడతా సరోజిని గారు పాడిన శ్లోకం యొక్క దృశ్య, సాహిత్యాలను ఇక్కడ పొందు పరుస్తున్నాను. .
Thanks to kumarr116 for posting the video to You Tube
ఘంటసాల మాస్టారి పాటలు, పద్యాలు, శ్లోకాల సాహిత్యాన్ని సేకరించి అభిమానులందరికి అందించాలనే చిన్న తాపత్రయం ఈ 'ఘంటసాల" బ్లాగు ఉద్దేశం. ఏవైనా పొరపాట్లు దొర్లి వుంటే ఆయా పోస్టుల దిగువన గాని, లేదా ఇ-లేఖ ద్వారా గాని తెలియజేయగలరు. నా ఇ-లేఖ చిరునామా: suryvulimiri@gmail.com
బాగుంది గురువుగరు ! దుర్వాస మునిని వెంబడించిన సుందర్సనం మాత్రం శెరణు
రిప్లయితొలగించండికోరగానె అగుతుంది. ఆప్పుడు దుర్వాసుడు జపించిన శాపం వెన్నక్కి తీసుకొలేక పొతాడు. ఆది తెలిసిన ఆ ఆది విష్నువు, తనని శపించి అంబరీషుడ్ని వదిలెయ్యమని కోరటం జరుగుతుంది. ఆప్పుడు దుర్వాస ముని "దెశ సంచారివయి ముల్లొకాలు కలియుగాంతం వఱకు తిరిగుతావని" మహ విష్నువును శపిస్తాదు. అది మొదలు, ఆ శ్రీహరి వివిధమైన అవతారాలు ఎత్తుత్తున్నాడన్న మాత. వీటిలొ విషేషమైనవి దశావతారాలు. ఆవి కాక, దత్తాత్రేయ అవతారం, శ్రీపాద శ్రీవల్లభ అవతారం, శ్రి నౄసిమ్హ సరస్వతి అవతారం మొదలైనవి ఆ ఆది విష్నువు అవతారాలు గానె భావిస్తున్నామన్నమాట !ఏదైనప్పటికీ, దుర్వాస మౌని శాపం మాత్రం నరలొకానికి వరంగా మారింది
శ్రీ హరి కటాక్ష సిద్ధి రస్తు ! :-)
ఫణి వెలగలెటి
డియర్ ఫణి, మీ స్పందనకు ధన్య వాదాలు. కొన్ని క్రొత్త విషయాలు తెలిసాయి మీ వలన. చాల సంతోషం.
రిప్లయితొలగించండి