ఎస్.జానకి తొలి సినీ గీతం మాస్టారితో రంగుల రాట్నం నుండి

వాహనీ ప్రొడక్షంసు పతాకంపై 1966 లో విడుదలైన రాజకీయ కథా చిత్రం రంగుల రాట్నం.

	చిత్రం:	రంగుల రాట్నం (1967)
	రచన:	దాశరధి
	సంగీతం:	ఎస్. రాజేశ్వరరావు, బి.గోపాలం
	గానం:	ఘంటసాల, ఎస్.జానకి (తొలి సినీ గీతం)

ప:	ఘం:	నడిరేయి ఏ జాములో స్వామి నిను చేర దిగివచ్చునో
	ఇ:	తిరుమల శిఖరాలు దిగివచ్చునో
		నడిరేయి ఏ జాములో స్వామి నిను చేర దిగివచ్చునో
చ:	ఘం:	మముగన్న మాయమ్మ అలివేలుమంగమ్మ
	జా:	మముగన్న మాయమ్మ అలివేలుమంగమ్మ
	ఘం:	పతదేవు ఒడిలోన మురిసేటివేళ
	జా:	స్వామి చిరునవ్వు వెన్నెలలు కురిసేటివేళ
	ఘం:	విభునికి మామాట వినిపించవమ్మా
	జా:	ప్రభువుకు మామనవి వినిపించవమ్మా
చ:	ఘం:	ఏడెడు శిఖరాల ననడువలేను
		ఏపాటి కానుకలందించలేను
		వెంకన్న పాదాలు దర్శించలేను
		నేను వివరించి నా బాధ వినిపించలేను
	జా:	అమ్మా..ఆ..ఆ... మముగన్న మాయమ్మ అలివేలుమంగా
		ఆ..ఆ..ఆ..ఆ..
	ఘం:	మముగన్న మాయమ్మ అలివేలుమంగా
	జా:	విభునికి మా మాట వినిపించవమ్మా
	ఘం:	ప్రభువుకు మా మనవి వినిపించవమ్మా
చ:	ఘం:	కలవారినేగాని కరుణించలేడా
	జా:	నిరుపేద మొరలేవి వినిపించుకోడా
	ఇ:	కన్నీటి బ్రతుకుల కనలేనివాడు
		స్వామి కరుణామయుండన్నా బిరుదేలనమ్మా
	ఘం:	అడగవె మా తల్లి అనురాగవల్లి
	జా:	అడగవె మాయమ్మ అలివేలుమంగా
	ఇ:	నడిరేయి ఏ జాములో స్వామి నిను చేర దిగివచ్చునో
		తిరుమల శిఖరాలు దిగివచ్చునో