ఘంటసాల గారు పాడిన మొదటి పాట - యుగళ గీతం

ఘంటసాల గారు నేపథ్య గాయకునిగా 1945 లో చలన చిత్ర రంగ ప్రవేశం చేసారు. వారి మొదటి పాట "స్వర్గ సీమ" చిత్రం లో భానుమతి గారితో పాడిన "ఓహో! నా రాజా". అది మొదలు ఘంటసాల తరం ప్రారంభం అయింది సినీ పరిశ్రమలో. ఈ చిత్రంలో నాయికా నాయకులు జయమ్మ (40 లలో ఈవిడ ప్రఖ్యాతి చెందిన కన్నడ నటీమణి మరియు గాయకురాలు), చిత్తూరు వి. నాగయ్య గారు. మాటలు, కొన్ని పాటలు సముద్రాల సీనియర్ గా చెప్పబడే సముద్రాల రాఘవాచార్య గారు. టైటిల్సులో S.V.R. ఆచార్య అని సూచించబడుతుంది. ఈ చిత్రానికి సంగీతం ముగ్గురు అందించారు. వారు చిత్తూరు వి. నాగయ్య, ఓగిరాల రామచంద్ర రావు, మరియు బాలాంత్రపు రజనీకాంత రావు.  

ఘంటసాల గారి ఈ తొలి గీతం యొక్క వీడియో లింకు మరియు సాహిత్యం దిగువన చూడగలరు.

చిత్రం:     స్వర్గ సీమ (1945)                     గానం:     ఘంటసాల-పి.భానుమతి

సంగీతం:  నాగయ్య-ఓగిరాల-బాలాంత్రపు               రచన:     సముద్రాల సీనియర్

వీడియో: ఘంటసాల గానామృతం నుండి

Video Courtesy: Sri Nukala Prabhakar garu

భానుమతి:	ఆ...ఆ.ఆ.ఆ. రాజా, ఓహో నా రాజా
	అహా ..నా రాజా, రావో.. మా రాజా
	రావో మా రాజా, ఓహో..నా రాజా
ఘంటసాల:	అరె హా..ఆ..
	ఏ యెన్నెల చిరునవ్వుల యిరజిమ్ము బఠాణీ  (2)
	నీ రాకకోరి, నీ దారి కాచి ఉన్నానే (2)
	నీకై వేచి ఉన్నానే, పిల్లా కల్సుకున్నానే
భానుమతి:	చాలులె పోరా, చాలులేరా మాయలమారీ (2)
	నీ దారి, నీ జాడ కనగోరి, ఏకాకిగా నేజారి బేజారైతిరా
ఘంటసాల:	ఓ నా చిట్టి చిలకా ఎంతలిసిపోతివే..అయ్యో.
భానుమతి:	అహా.
ఘంటసాల:	చిట్టి చిలకా ఎంతలిసిపోతివే ..పిల్లా
భానుమతి:	వయ్యారి బావ వగలింక చాలుగాని పోరా  (2)
ఘంటసాల:	ఆ..నా రాణి
భానుమతి:	ఆ..నా రాజా
ఘంటసాల:	ఆ..నా రాణి
భానుమతి:	ఆ..నా రాజా
ఇద్దరు:	పాడుకుందామా జతగా ఆడుకుందామా (2)
ఘంటసాల:	లల్ల లల్ల లల్లల్లల లల్లలా
భానుమతి:	ల ల ల ల ల ల ల ల లల్లల్లల్లలలల్లలా
ఘంటసాల:	ఆ..ఆ..ఆ..ఆ..ఆ..ల ల్ల లల్ల లల్లాలాలల్లల్లలా
భానుమతి:	ల ల ల ల ల ల లల్లల్లాలా లల్ల లల్లలా
	ఆ..ఆ..ఆ.
ఘంటసాల:	తక్క ధీం తక్క ధీం
భానుమతి:	ఆ...ఆ...
ఘంటసాల:	తక్క ధీం తక్క ధీం
భానుమతి:	ట ట టా ట ట టా ట ట టా ట ట టా

కృతజ్ఞతలు: 

పాటల సాహిత్యం:        శ్రీ సి.హెచ్.రామారావు గారు క్రోడీకరించిన "ఘంటసాల పాటశాల" నుంచి, కొద్ది మార్పులతో.
పాట చరిత్ర:  వికిపిడియా  http://en.wikipedia.org/wiki/Swarga_Seema

Disclaimer: The information provided is for entertainment purpose only. The author wishes to thank the sources of different web sites for the content.