ఇదియే అందాల మానవ సీమ - పేదరాశి పెద్దమ్మ కథ చిత్రం నుండి

జానపద చిత్రాలనగానే రాజుల కథలు, మాంత్రికులు, వారి మాయలు మొదలయినవన్నీ రంగరించి చక్కని కథా చిత్రాలుగా వెలువడ్డాయి. పిల్లల కథల పత్రికయిన  చందమామ లో ఇలాంటి కథలు, ముఖ్యంగా పేదరాశి పెద్దమ్మ కథలు ఎన్నో చదువుతుంటాం. ఆ ఇతివృత్తం తో అలనాటి చలన చిత్ర  ప్రముఖ గిడుతూరి సూర్యం దర్సకత్వం లో కాంతారావు, కృష్ణకుమారి జంటగా వచ్చిన చిత్రమే పేదరాశి పెద్దమ్మ కథ (1968). చిత్రసీమలో సుపరిచితురాలైన నిర్మలమ్మ టైటిల్ పాత్ర ధరించిన ఈ చితంలో ఘంటసాల, సుశీల పాడిన చక్కని ఆరుద్ర యుగళగీతం ఇదియే అందాల మానవ సీమ. సంగీత దర్సకత్వం మన బాలుకు గురు తుల్యులైన ఎస్.పి. కోదండపాణి.

Thanks to Tollywood for loading the video to You Tube

	చిత్రం:	పేదరాశి పెద్దమ్మ కథ (1968)
	రచన:	ఆరుద్ర
	సంగీతం:	ఎస్.పి.కోదండపాణి
	గానం:	ఘంటసాల, పి.సుశీల

పల్లవి:	ఘంటసాల:	ఇదియే అందాల మానవ సీమా ఆ..ఆ..
		ఇలయే ప్రేమికుల మురిపాల సీమ
	సుశీల:	ఇదియే లావణ్య జీవన మహిమ ..ఆ..ఆ..
		ఇచటే పండునులే ఎనలేని ప్రేమా..
		ఇదియే లావణ్య జీవన మహిమా ..ఆ..ఆ..
చరణం:	ఘంటసాల:	విరిసే సొగసులతో.. నిదురించే సెలయేరూ
		సెలయేటి తిన్నెలపై పులకించే హృదయాలు	| విరిసే |
	సుశీల:	శిలలైనా వలపులతో చిగురించే కోన	| శిలలైనా |
		కమనీయం,  రమణీయం, కమ్మని జీవనా	| కమనీయం |
	ఘంటసాల:	ఇదియే అందాల మానవ సీమ ఆ..
	సుశీల:	ఆ..ఆ..ఇచటే పండునులే ఎనలేని ప్రేమా..ఆ..
		ఇదియే లావణ్య జీవన మహిమ ..ఆ..ఆ..
చరణం:	సుశీల:	ఆశలు హంసలై విహరించే దీవీ..
		అలలాగా పడిలేచే అందాల తనివి	| ఆశలు |
	ఘంటసాల:	పైరగాలి కెరటాల పయనించే గీతం	| పైరగాలి |
		ఎదవుంటే భూలోకం ఎంతో మోహనం	| ఎదవుంటే |
	ఘంటసాల:	ఇదియే అందాల మానవ సీమ ఆ..
	సుశీల:	ఆ..ఆ..ఇచటే పండునులే ఎనలేని ప్రేమ..
	ఇద్దరు:	ఇదియే అందాల మానవ సీమ ఆ..ఆ..